អន្តរជាតិ
លោក ឌូទើតេ ចេញច្បាប់ឲ្យសិស្សហ្វីលីពីនចូលរៀនសាកលវិទ្យាល័យរដ្ឋដោយមិនបាច់បង់ថ្លៃ
×![]()
ដោយ: តន ចាន់រិទ្ធារ៉ា
ប្រធានាធិបតីហ្វីលីពីន រ៉ូឌ្រីហ្គោ ឌូទើតេ នៅថ្ងៃទី៤ ខែសីហា បានចុះហត្ថលេខាលើច្បាប់មួយដែលអនុញ្ញាតឲ្យសិស្សហ្វីលីពីនទាំងអស់ចូលរៀននៅតាមសាកលវិទ្យាល័យរដ្ឋដោយមិនចាំបាច់បង់ថ្លៃអ្វីឡើយ។ លោក ឌូទើតេ បានទាត់ចោលសំណើរបស់រដ្ឋមន្ត្រីសេដ្ឋកិច្ចរបស់លោកដែលជំទាស់ចំណាត់ការនេះ ព្រោះប្រជាជនដែលទទួលផលប្រយោជន៍ពីច្បាប់ថ្មីនេះមានចំនួនតិចតូចណាស់ ហើយត្រូវចំណាយថវិការដ្ឋច្រើនទៀតផង។
ដោយមិនចាំបាច់រង់ចាំយូរ លោក រ៉ូឌ្រីហ្គោ ឌូទើតេ បានចុះហត្ថលេខាលើច្បាប់ផ្ដល់ការសិក្សានៅថ្នាក់ឧត្តមសិក្សាដោយមិនគិតថ្លៃអ្វីទាំងអស់។ លោក ឌូទើតេ បានជម្នះរាល់ការប្រឆាំងពីសំណាក់មន្ត្រីសេដ្ឋកិច្ចរបស់លោកដែលគិតថាច្បាប់នេះមិនសូវផ្ដល់ប្រយោជន៍ច្រើនឡើយ។ ប៉ុន្តែលោកចង់ផ្ដល់អត្ថប្រយោជន៍ច្រើនសម្រាប់ប្រជាជនហ្វីលីពីន ហើយរដ្ឋាភិបាលរបស់លោកក៏ត្រៀមប្រាក់សម្រាប់ទប់ទល់វិបត្តិកើតចេញពីវិធានការថ្មីនេះផងដែរ។
យោងតាមទីភ្នាក់ងារព័ត៌មាន Reuters លោក Menardo Guevarra មន្ត្រីជាន់ខ្ពស់រដ្ឋាភិបាលហ្វីលីពីននិយាយថា លោក ឌូទើតេ បានគិតពីផលប្រយោជន៍រយៈពេលវែងសម្រាប់ប្រជាជន ជាជាងការប្រឈមមុខរបស់រដ្ឋាភិបាលជុំវិញកង្វះថវិកាបំពេញកន្លែងខ្វះខាត។ លោកបញ្ជាក់ថា ការផ្ដល់ការសិក្សាដោយមិនគិតថ្លៃនៅថ្នាក់សាកលវិទ្យាល័យ គឺជាគោលការណ៍សំខាន់នៃគោលនយោបាយអភិវឌ្ឍសង្គមរបស់លោក ឌូទើតេ ហើយលោកក៏បានពិចារណាគ្រប់យ៉ាងអស់ហើយ មុននឹងសម្រេចចិត្តបែបនេះ។
មន្ត្រីទទួលបន្ទុកផ្នែកសេដ្ឋកិច្ចរបស់លោក ឌូទើតេ បានជំទាស់ច្បាប់ថ្មី ដោយពួកគេជឿថា ការផ្ដល់ការសិក្សាដោយមិនគិតថ្លៃ ធ្វើឲ្យរដ្ឋត្រូវចំណាយថវិកាច្រើន ព្រោះបើតាមច្បាប់ថ្មីនេះ រដ្ឋាភិបាលហ្វីលីពីនត្រូវចំណាយលុយដល់ទៅ២ពាន់លានដុល្លារឯណោះក្នុងមួយឆ្នាំ។ ម្យ៉ាងទៀត ច្បាប់ថ្មីនេះ ក៏មិនបានផ្ដល់ប្រយោជន៍អ្វីច្រើនដែរដល់ប្រជាជនក្រីក្រ ដ្បិតនិស្សិតហ្វីលីពីនមកពីគ្រួសារចំណូលទាបមានត្រឹមតែ១២ភាគរយប៉ុណ្ណោះ។
យ៉ាងណាក្ដី លោក Menardo Guevarra បានពន្យល់ថា សម្រាប់ការចំណាយលើបញ្ហានេះក្នុងឆ្នាំ២០១៧ មិនមែនជាបញ្ហាឡើយ។ ដោយឡែកសម្រាប់ឆ្នាំ២០១៨ រដ្ឋបាលលោក ឌូទើតេ ក៏បានស្នើឲ្យសភាពិចារណាច្បាប់ថ្មីនេះដែរ ហើយរដ្ឋាភិបាលក៏ស្នើបង្កើនថវិកាចំណាយប្រចាំឆ្នាំផងដែរ។ ព្រមគ្នានេះ រដ្ឋាភិបាលហ្វីលីពីន នឹងដកយកថវិកាពីវិស័យផ្សេងដែលមិនចាំបាច់ មកបំពេញការចំណាយលើវិស័យអប់រំនេះដែរ។
ទាក់ទងបញ្ហានេះដែរ រដ្ឋាភិបាលហ្វីលីពីនរំពឹងប្រើប្រាស់ជំនួយពីបរទេស និងក្នុងស្រុក ដើម្បីអនុវត្តច្បាប់ថ្មីនេះ ដ្បិតលោក ឌូទើតេ ក៏មិនអាចដកយកថវិកាពីក្រសួងផ្សេងទាំងអស់ដែរ។ តាំងពីពេលចូលកាន់តំណែងមកនេះ រដ្ឋបាលលោក ឌូទើតេ បានដាក់គម្រោងចំណាយទឹកប្រាក់ដល់ទៅ១៨០ពាន់លានដុល្លារ ដើម្បីអភិវឌ្ឍសេដ្ឋកិច្ច និងកសាងហេដ្ឋារចនាសម្ព័ន្ធផ្សេងទៀត។ លោក ឌូទើតេ ចង់ឲ្យសេដ្ឋកិច្ចហ្វីលីពីនកើនដល់៨ភាគរយមុនអាណត្តិ៦ឆ្នាំរបស់លោកចប់ក្នុងឆ្នាំ២០១៨ ៕
ដោយមិនចាំបាច់រង់ចាំយូរ លោក រ៉ូឌ្រីហ្គោ ឌូទើតេ បានចុះហត្ថលេខាលើច្បាប់ផ្ដល់ការសិក្សានៅថ្នាក់ឧត្តមសិក្សាដោយមិនគិតថ្លៃអ្វីទាំងអស់។ លោក ឌូទើតេ បានជម្នះរាល់ការប្រឆាំងពីសំណាក់មន្ត្រីសេដ្ឋកិច្ចរបស់លោកដែលគិតថាច្បាប់នេះមិនសូវផ្ដល់ប្រយោជន៍ច្រើនឡើយ។ ប៉ុន្តែលោកចង់ផ្ដល់អត្ថប្រយោជន៍ច្រើនសម្រាប់ប្រជាជនហ្វីលីពីន ហើយរដ្ឋាភិបាលរបស់លោកក៏ត្រៀមប្រាក់សម្រាប់ទប់ទល់វិបត្តិកើតចេញពីវិធានការថ្មីនេះផងដែរ។
យោងតាមទីភ្នាក់ងារព័ត៌មាន Reuters លោក Menardo Guevarra មន្ត្រីជាន់ខ្ពស់រដ្ឋាភិបាលហ្វីលីពីននិយាយថា លោក ឌូទើតេ បានគិតពីផលប្រយោជន៍រយៈពេលវែងសម្រាប់ប្រជាជន ជាជាងការប្រឈមមុខរបស់រដ្ឋាភិបាលជុំវិញកង្វះថវិកាបំពេញកន្លែងខ្វះខាត។ លោកបញ្ជាក់ថា ការផ្ដល់ការសិក្សាដោយមិនគិតថ្លៃនៅថ្នាក់សាកលវិទ្យាល័យ គឺជាគោលការណ៍សំខាន់នៃគោលនយោបាយអភិវឌ្ឍសង្គមរបស់លោក ឌូទើតេ ហើយលោកក៏បានពិចារណាគ្រប់យ៉ាងអស់ហើយ មុននឹងសម្រេចចិត្តបែបនេះ។
មន្ត្រីទទួលបន្ទុកផ្នែកសេដ្ឋកិច្ចរបស់លោក ឌូទើតេ បានជំទាស់ច្បាប់ថ្មី ដោយពួកគេជឿថា ការផ្ដល់ការសិក្សាដោយមិនគិតថ្លៃ ធ្វើឲ្យរដ្ឋត្រូវចំណាយថវិកាច្រើន ព្រោះបើតាមច្បាប់ថ្មីនេះ រដ្ឋាភិបាលហ្វីលីពីនត្រូវចំណាយលុយដល់ទៅ២ពាន់លានដុល្លារឯណោះក្នុងមួយឆ្នាំ។ ម្យ៉ាងទៀត ច្បាប់ថ្មីនេះ ក៏មិនបានផ្ដល់ប្រយោជន៍អ្វីច្រើនដែរដល់ប្រជាជនក្រីក្រ ដ្បិតនិស្សិតហ្វីលីពីនមកពីគ្រួសារចំណូលទាបមានត្រឹមតែ១២ភាគរយប៉ុណ្ណោះ។
យ៉ាងណាក្ដី លោក Menardo Guevarra បានពន្យល់ថា សម្រាប់ការចំណាយលើបញ្ហានេះក្នុងឆ្នាំ២០១៧ មិនមែនជាបញ្ហាឡើយ។ ដោយឡែកសម្រាប់ឆ្នាំ២០១៨ រដ្ឋបាលលោក ឌូទើតេ ក៏បានស្នើឲ្យសភាពិចារណាច្បាប់ថ្មីនេះដែរ ហើយរដ្ឋាភិបាលក៏ស្នើបង្កើនថវិកាចំណាយប្រចាំឆ្នាំផងដែរ។ ព្រមគ្នានេះ រដ្ឋាភិបាលហ្វីលីពីន នឹងដកយកថវិកាពីវិស័យផ្សេងដែលមិនចាំបាច់ មកបំពេញការចំណាយលើវិស័យអប់រំនេះដែរ។
ទាក់ទងបញ្ហានេះដែរ រដ្ឋាភិបាលហ្វីលីពីនរំពឹងប្រើប្រាស់ជំនួយពីបរទេស និងក្នុងស្រុក ដើម្បីអនុវត្តច្បាប់ថ្មីនេះ ដ្បិតលោក ឌូទើតេ ក៏មិនអាចដកយកថវិកាពីក្រសួងផ្សេងទាំងអស់ដែរ។ តាំងពីពេលចូលកាន់តំណែងមកនេះ រដ្ឋបាលលោក ឌូទើតេ បានដាក់គម្រោងចំណាយទឹកប្រាក់ដល់ទៅ១៨០ពាន់លានដុល្លារ ដើម្បីអភិវឌ្ឍសេដ្ឋកិច្ច និងកសាងហេដ្ឋារចនាសម្ព័ន្ធផ្សេងទៀត។ លោក ឌូទើតេ ចង់ឲ្យសេដ្ឋកិច្ចហ្វីលីពីនកើនដល់៨ភាគរយមុនអាណត្តិ៦ឆ្នាំរបស់លោកចប់ក្នុងឆ្នាំ២០១៨ ៕
Tag:
ហ្វីលីពីន
រ៉ូឌ្រីហ្គោ ឌូទើតេ
អប់រំ
© រក្សាសិទ្ធិដោយ thmeythmey.com
