អន្តរជាតិ
×![]()
ដោយ: តន ចាន់រិទ្ធារ៉ា
ប្រធានាធិបតីហ្វីលីពីន រ៉ូឌ្រីហ្គោ ឌូទើតេ បាននិយាយការពារការតែងតាំងមន្ត្រីយោធាឲ្យកាន់តំណែងស៊ីវិលក្នុងជួររដ្ឋាភិបាលរបស់លោក ដោយលោកអះអាងថា មន្ត្រីយោធាទាំងនោះធ្វើការមានប្រសិទ្ធភាព និងរហ័សជាងមន្ត្រីស៊ីវិល។ លោក ឌូទើតេ និយាយបែបនេះ បន្ទាប់ពីមានពាក្យលេចឮថា លោក និងអតីតប្រធានាធិបតីពីររូបទៀតចូលចិត្តផ្ដល់តំណែងឲ្យមន្ត្រីយោធា ដើម្បីទប់ស្កាត់ការធ្វើរដ្ឋប្រហារដណ្ដើមអំណាច។
«យើងមិនបានខ្លាចយោធាឡើយ តែយើងពិតជាស្ងើចសរសើរយោធាដែលអាចទទួលបញ្ជារបស់យើង ហើយបំពេញការងារបានល្អ»។ នេះគឺជាការលើកឡើងរបស់ប្រធានាធិបតីហ្វីលីពីន រ៉ូឌ្រីហ្គោ ឌូទើតេ ដែលឆ្លើយតបទៅនឹងពាក្យចចាមអារ៉ាមដែលថា លោក និងអតីតមេដឹកនាំហ្វីលីពីន ពីររូបទៀត មាន លោកស្រី Gloria Macapagal Arroyo និងលោក Benigno C. Aquino III តែងផ្ដល់តួនាទីឲ្យមន្ត្រីជាន់ខ្ពស់យោធា ដើម្បីរក្សាអំណាចរបស់ខ្លួន។
លោក ឌូទើតេ បាននិយាយសរសើរមន្ត្រីយោធាថា ពួកគេមិនដូចមន្ត្រីស៊ីវិលដែលចំណាយពេលយូរដើម្បីបញ្ចប់កិច្ចការមួយឡើយ។ បើតាមសារព័ត៌មាន The Manila Bulletin លោក ឌូទើតេ បានរិះគន់មន្ត្រីស៊ីវិលថា វាជារឿងអាក្រក់ដែលការងាររដ្ឋបាលធម្មតា ត្រូវចំណាយពេល១០ ទៅ១៥ថ្ងៃនោះ។ នេះ ក៏ព្រោះលោក ឌូទើតេ ផ្ទាល់ ជាប្រធានាធិបតីមិនចូលចិត្តភាពសាំញាំអូសបន្លាយ ដែលធ្វើឲ្យរាំងស្ទះការងាររបស់លោកឡើយ។
ថ្លែងចំពោះមុខទាហាននៅទីក្រុងម៉ារ៉ាវី លោក ឌូទើតេ ក៏បានបង្ហាញទំនុកចិត្តរបស់លោកចំពោះ នាយសេនាធិការកងទ័ពហ្វីលីពីនឧត្តមសេនីយ៍ អេឌូអាដូ អាញ៉ូ (Eduardo Año) ដែលនឹងត្រូវកាន់តំណែងរដ្ឋមន្ត្រីមហាផ្ទៃនាពេលខាងមុខ។ លោក ឌូទើតេ ចង់ឲ្យលោក អាញ៉ូ គ្រប់គ្រងប៉ូលិសដែលរុកកួនដោយបញ្ហា ព្រោះមេទ័ពរូបនេះមានសមត្ថភាព ដែលអាចបំពេញការងារបានរហ័ស និងប្រកបដោយប្រសិទ្ធភាព។
ក្រៅពីលោក អាញ៉ូ ដែលនឹងបំពេញការងារពេលចូលនិវត្តន៍នៅខែតុលាខាងមុខ គេឃើញមានអតីតមន្ត្រីយោធាមួយចំនួនដែលកំពុងកាន់តំណែងក្នុងរដ្ឋាភិបាលលោក ឌូទើតេ ។ ទីប្រឹក្សាសន្តិសុខជាតិ Hermogenes Esperon និងរដ្ឋមន្ត្រីបរិស្ថាន និងធនធានធម្មជាតិ Roy Cimatu គឺជាអតីតឧត្តមសេនីយ៍ជាន់ខ្ពស់យោធាពីរនាក់ក្នុងចំណោមមន្ត្រីយោធាច្រើននាក់ដែលកំពុងបម្រើការក្នុងគណៈរដ្ឋមន្ត្រីហ្វីលីពីន។
ទោះជាមានមន្ត្រីយោធាច្រើនក្នុងជួររដ្ឋាភិបាលក្ដី លោក ឌូទើតេ បាននិយាយបែបកំប្លែងថា ពួកគេមិនចាំបាច់ប៉ុនប៉ងធ្វើរដ្ឋប្រហារដើម្បីទម្លាក់លោកចេញពីអំណាចឡើយ។ លោក ឌូទើតេ បញ្ជាក់ថា លោកខ្លួនឯងពេញចិត្តដើរចេញពីកៅអីប្រធានាធិបតី ហើយទុកឲ្យមន្ត្រីយោធាទាំងនោះដឹកនាំប្រទេសតាមសម្រួលតែម្ដង៕
«យើងមិនបានខ្លាចយោធាឡើយ តែយើងពិតជាស្ងើចសរសើរយោធាដែលអាចទទួលបញ្ជារបស់យើង ហើយបំពេញការងារបានល្អ»។ នេះគឺជាការលើកឡើងរបស់ប្រធានាធិបតីហ្វីលីពីន រ៉ូឌ្រីហ្គោ ឌូទើតេ ដែលឆ្លើយតបទៅនឹងពាក្យចចាមអារ៉ាមដែលថា លោក និងអតីតមេដឹកនាំហ្វីលីពីន ពីររូបទៀត មាន លោកស្រី Gloria Macapagal Arroyo និងលោក Benigno C. Aquino III តែងផ្ដល់តួនាទីឲ្យមន្ត្រីជាន់ខ្ពស់យោធា ដើម្បីរក្សាអំណាចរបស់ខ្លួន។
លោក ឌូទើតេ បាននិយាយសរសើរមន្ត្រីយោធាថា ពួកគេមិនដូចមន្ត្រីស៊ីវិលដែលចំណាយពេលយូរដើម្បីបញ្ចប់កិច្ចការមួយឡើយ។ បើតាមសារព័ត៌មាន The Manila Bulletin លោក ឌូទើតេ បានរិះគន់មន្ត្រីស៊ីវិលថា វាជារឿងអាក្រក់ដែលការងាររដ្ឋបាលធម្មតា ត្រូវចំណាយពេល១០ ទៅ១៥ថ្ងៃនោះ។ នេះ ក៏ព្រោះលោក ឌូទើតេ ផ្ទាល់ ជាប្រធានាធិបតីមិនចូលចិត្តភាពសាំញាំអូសបន្លាយ ដែលធ្វើឲ្យរាំងស្ទះការងាររបស់លោកឡើយ។
ថ្លែងចំពោះមុខទាហាននៅទីក្រុងម៉ារ៉ាវី លោក ឌូទើតេ ក៏បានបង្ហាញទំនុកចិត្តរបស់លោកចំពោះ នាយសេនាធិការកងទ័ពហ្វីលីពីនឧត្តមសេនីយ៍ អេឌូអាដូ អាញ៉ូ (Eduardo Año) ដែលនឹងត្រូវកាន់តំណែងរដ្ឋមន្ត្រីមហាផ្ទៃនាពេលខាងមុខ។ លោក ឌូទើតេ ចង់ឲ្យលោក អាញ៉ូ គ្រប់គ្រងប៉ូលិសដែលរុកកួនដោយបញ្ហា ព្រោះមេទ័ពរូបនេះមានសមត្ថភាព ដែលអាចបំពេញការងារបានរហ័ស និងប្រកបដោយប្រសិទ្ធភាព។
ក្រៅពីលោក អាញ៉ូ ដែលនឹងបំពេញការងារពេលចូលនិវត្តន៍នៅខែតុលាខាងមុខ គេឃើញមានអតីតមន្ត្រីយោធាមួយចំនួនដែលកំពុងកាន់តំណែងក្នុងរដ្ឋាភិបាលលោក ឌូទើតេ ។ ទីប្រឹក្សាសន្តិសុខជាតិ Hermogenes Esperon និងរដ្ឋមន្ត្រីបរិស្ថាន និងធនធានធម្មជាតិ Roy Cimatu គឺជាអតីតឧត្តមសេនីយ៍ជាន់ខ្ពស់យោធាពីរនាក់ក្នុងចំណោមមន្ត្រីយោធាច្រើននាក់ដែលកំពុងបម្រើការក្នុងគណៈរដ្ឋមន្ត្រីហ្វីលីពីន។
ទោះជាមានមន្ត្រីយោធាច្រើនក្នុងជួររដ្ឋាភិបាលក្ដី លោក ឌូទើតេ បាននិយាយបែបកំប្លែងថា ពួកគេមិនចាំបាច់ប៉ុនប៉ងធ្វើរដ្ឋប្រហារដើម្បីទម្លាក់លោកចេញពីអំណាចឡើយ។ លោក ឌូទើតេ បញ្ជាក់ថា លោកខ្លួនឯងពេញចិត្តដើរចេញពីកៅអីប្រធានាធិបតី ហើយទុកឲ្យមន្ត្រីយោធាទាំងនោះដឹកនាំប្រទេសតាមសម្រួលតែម្ដង៕
Tag:
ហ្វីលីពីន
រ៉ូឌ្រីហ្គោ ឌូទើតេ
© រក្សាសិទ្ធិដោយ thmeythmey.com
