អន្តរជាតិ
រដ្ឋមន្ត្រីការបរទេសជប៉ុន តារ៉ូ កូណូ ចាប់ដៃរដ្ឋមន្រ្តីការបរទេសចិន វ៉ាង យី ក្នុងជំនួបនៅហ្វីលីពីន (រូបភាព Xinhua)
×![]()
ដោយ: តន ចាន់រិទ្ធារ៉ា
រដ្ឋមន្ត្រីការបរទេសជបុន តារ៉ូ កូណូ (Taro Kono) បានជួបជាមួយរដ្ឋមន្ត្រីការបរទេសចិន វ៉ាង យី (Wang Yi) នៅក្រៅកិច្ចប្រជុំរដ្ឋមន្ត្រីការបរទេសអាស៊ីបូព៌ានៅថ្ងៃទី៧ ខែសីហា ក្នុងរដ្ឋធានីម៉ានីល។ ក្នុងជំនួបទល់មុខលើកទីមួយ រដ្ឋមន្ត្រីការបរទេសទាំងពីរក៏បានទាស់សម្ដីគ្នាលើបញ្ហាសមុទ្រចិនខាងត្បូងតែម្ដង ដោយជប៉ុនចង់ឲ្យចិនបញ្ឈប់សកម្មភាពនៅទីនោះ ប៉ុន្តែចិនបែរជាចោទជប៉ុនថាធ្វើតាមខ្សែញាក់អាមេរិកទៅវិញ។
ជំនួបលើកដំបូងរវាងរដ្ឋមន្ត្រីការបរទេសជប៉ុន និងចិន ដែលរៀបចំនៅហ្វីលីពីន បានបង្ហាញកាន់តែច្បាស់ពីជំហរផ្ទុយគ្នារវាងមហាអំណាចតំបន់ទាំងពីរលើបញ្ហាសមុទ្រចិនខាងត្បូង។ ក្នុងជំនួបទ្វេភាគីលើកទីមួយ រដ្ឋមន្ត្រីការបរទេសចិន វ៉ាង យី បានបង្ហាញការមិនពេញចិត្តនឹងសម្ដីរបស់សមភាគីជប៉ុន តារ៉ូ កូណូ ជុំវិញជម្លោះនៅសមុទ្រចិនខាងត្បូងអំឡុងកិច្ចប្រជុំរដ្ឋមន្ត្រីការបរទេសអាស៊ីបូព៌ានៅថ្ងៃទី៧ ខែសីហា ។
យោងតាមសារព័ត៌មាន Kyodo ប្រមុខការទូតចិនប្រាប់ប្រមុខការទូតជប៉ុនដោយត្រង់ៗថា ចិនខកចិត្តខ្លាំងពេលឮការអធិប្បាយរបស់ជប៉ុនលើបញ្ហាសមុទ្រចិនខាងត្បូង ហើយលោកក៏បានរិះគន់ដៃគូជប៉ុនរបស់លោកថា ធ្វើតាមតែការបង្ខំរបស់អាមេរិក។ លោក វ៉ាង យី និយាយរបៀបនេះ បន្ទាប់ពីលោក កូណូ បានលើកឡើងក្នុងកិច្ចប្រជុំរដ្ឋមន្ត្រីការបរទេសអាស៊ីបូព៌ាថា ចិនគួរគោរពច្បាប់អន្តរជាតិ និងបញ្ឈប់សកម្មភាពយោធានៅសមុទ្រចិនខាងត្បូងទៅ។
យ៉ាងណាមិញ រដ្ឋមន្ត្រីការបរទេស កូណូ បានទាត់ចោលសម្ដីអធិប្បាយរបស់លោក វ៉ាង យី ហើយនិយាយថា លោកចង់ឲ្យចិនរៀនធ្វើខ្លួនឲ្យសក្តិសមជាមហាអំណាច។ លោក កូណូ បានប្រាប់លោក វ៉ាង យី ដោយគ្មានបញ្ឆិតបញ្ឆៀងថា លោកកាន់តំណែងរដ្ឋមន្ត្រីការបរទេសក្នុងពេលដែលជប៉ុនជួបបញ្ហាច្រើនទាំងវិបត្តិនុយក្លេអ៊ែរកូរ៉េខាងជើង និងបញ្ហាសមុទ្រជាច្រើន ដូច្នេះហើយទើបលោកចង់និយាយត្រង់ៗពីបញ្ហាពាក់ព័ន្ធនឹងចិនដែរ។
នៅមុនជួបរដ្ឋមន្ត្រីការបរទេសចិន លោក កូណូ បានបញ្ជាក់ហើយថាលោកនឹងរំឭកចិនពីសារសំខាន់នៃនីតិរដ្ឋក្នុងការដោះស្រាយជម្លោះដែនទឹកនៅសមុទ្រចិនខាងត្បូង ដែលជាផ្លូវនាវាចរណ៍ដ៏សំខាន់ ហើយដែលរដ្ឋអាស៊ានខ្លះបានទាមទារកម្មសិទ្ធិដែរនោះ។ រដ្ឋមន្ត្រីការបរទេសជប៉ុនដែលទើបកាន់តំណែងបានមួយសប្ដាហ៍រូបនេះ ក៏បានស្នើឲ្យបញ្ឈប់សកម្មភាពយោធូបនីយកម្មនៅសមុទ្រចិនខាងត្បូងផងដែរ។
ជប៉ុន ដែលជារដ្ឋក្រៅជម្លោះដែនទឹកសមុទ្រចិនខាងត្បូង តែងស្នើឲ្យបញ្ឈប់សកម្មភាពរបស់ខ្លួន ដែលជំហរនេះគឺដូចគ្នាទាំងស្រុងនឹងជំហររបស់អាមេរិក។ ជាមួយគ្នានេះ ចិន និងជប៉ុន ក៏មានគំនិតផ្ទុយគ្នាផងដែរលើបញ្ហាកូរ៉េខាងជើងនោះ ដោយជប៉ុនតែងគាំទ្រអាមេរិកក្នុងការដាក់ទណ្ឌកម្មលើកូរ៉េខាងជើង មិនថាទណ្ឌកម្មអន្តរជាតិ ឬទណ្ឌកម្មឯកតោភាគីឡើយ។ ប៉ុន្តែចិនវិញប្រឆាំងដាច់ទណ្ឌកម្មទ្វេភាគីរបស់ប្រទេសណាក៏ដោយ ហើយលោក វ៉ាង យី ក៏ប្រាប់បញ្ហានេះដល់លោក កូណូ ដូចគ្នា៕
ជំនួបលើកដំបូងរវាងរដ្ឋមន្ត្រីការបរទេសជប៉ុន និងចិន ដែលរៀបចំនៅហ្វីលីពីន បានបង្ហាញកាន់តែច្បាស់ពីជំហរផ្ទុយគ្នារវាងមហាអំណាចតំបន់ទាំងពីរលើបញ្ហាសមុទ្រចិនខាងត្បូង។ ក្នុងជំនួបទ្វេភាគីលើកទីមួយ រដ្ឋមន្ត្រីការបរទេសចិន វ៉ាង យី បានបង្ហាញការមិនពេញចិត្តនឹងសម្ដីរបស់សមភាគីជប៉ុន តារ៉ូ កូណូ ជុំវិញជម្លោះនៅសមុទ្រចិនខាងត្បូងអំឡុងកិច្ចប្រជុំរដ្ឋមន្ត្រីការបរទេសអាស៊ីបូព៌ានៅថ្ងៃទី៧ ខែសីហា ។
យោងតាមសារព័ត៌មាន Kyodo ប្រមុខការទូតចិនប្រាប់ប្រមុខការទូតជប៉ុនដោយត្រង់ៗថា ចិនខកចិត្តខ្លាំងពេលឮការអធិប្បាយរបស់ជប៉ុនលើបញ្ហាសមុទ្រចិនខាងត្បូង ហើយលោកក៏បានរិះគន់ដៃគូជប៉ុនរបស់លោកថា ធ្វើតាមតែការបង្ខំរបស់អាមេរិក។ លោក វ៉ាង យី និយាយរបៀបនេះ បន្ទាប់ពីលោក កូណូ បានលើកឡើងក្នុងកិច្ចប្រជុំរដ្ឋមន្ត្រីការបរទេសអាស៊ីបូព៌ាថា ចិនគួរគោរពច្បាប់អន្តរជាតិ និងបញ្ឈប់សកម្មភាពយោធានៅសមុទ្រចិនខាងត្បូងទៅ។
យ៉ាងណាមិញ រដ្ឋមន្ត្រីការបរទេស កូណូ បានទាត់ចោលសម្ដីអធិប្បាយរបស់លោក វ៉ាង យី ហើយនិយាយថា លោកចង់ឲ្យចិនរៀនធ្វើខ្លួនឲ្យសក្តិសមជាមហាអំណាច។ លោក កូណូ បានប្រាប់លោក វ៉ាង យី ដោយគ្មានបញ្ឆិតបញ្ឆៀងថា លោកកាន់តំណែងរដ្ឋមន្ត្រីការបរទេសក្នុងពេលដែលជប៉ុនជួបបញ្ហាច្រើនទាំងវិបត្តិនុយក្លេអ៊ែរកូរ៉េខាងជើង និងបញ្ហាសមុទ្រជាច្រើន ដូច្នេះហើយទើបលោកចង់និយាយត្រង់ៗពីបញ្ហាពាក់ព័ន្ធនឹងចិនដែរ។
នៅមុនជួបរដ្ឋមន្ត្រីការបរទេសចិន លោក កូណូ បានបញ្ជាក់ហើយថាលោកនឹងរំឭកចិនពីសារសំខាន់នៃនីតិរដ្ឋក្នុងការដោះស្រាយជម្លោះដែនទឹកនៅសមុទ្រចិនខាងត្បូង ដែលជាផ្លូវនាវាចរណ៍ដ៏សំខាន់ ហើយដែលរដ្ឋអាស៊ានខ្លះបានទាមទារកម្មសិទ្ធិដែរនោះ។ រដ្ឋមន្ត្រីការបរទេសជប៉ុនដែលទើបកាន់តំណែងបានមួយសប្ដាហ៍រូបនេះ ក៏បានស្នើឲ្យបញ្ឈប់សកម្មភាពយោធូបនីយកម្មនៅសមុទ្រចិនខាងត្បូងផងដែរ។
ជប៉ុន ដែលជារដ្ឋក្រៅជម្លោះដែនទឹកសមុទ្រចិនខាងត្បូង តែងស្នើឲ្យបញ្ឈប់សកម្មភាពរបស់ខ្លួន ដែលជំហរនេះគឺដូចគ្នាទាំងស្រុងនឹងជំហររបស់អាមេរិក។ ជាមួយគ្នានេះ ចិន និងជប៉ុន ក៏មានគំនិតផ្ទុយគ្នាផងដែរលើបញ្ហាកូរ៉េខាងជើងនោះ ដោយជប៉ុនតែងគាំទ្រអាមេរិកក្នុងការដាក់ទណ្ឌកម្មលើកូរ៉េខាងជើង មិនថាទណ្ឌកម្មអន្តរជាតិ ឬទណ្ឌកម្មឯកតោភាគីឡើយ។ ប៉ុន្តែចិនវិញប្រឆាំងដាច់ទណ្ឌកម្មទ្វេភាគីរបស់ប្រទេសណាក៏ដោយ ហើយលោក វ៉ាង យី ក៏ប្រាប់បញ្ហានេះដល់លោក កូណូ ដូចគ្នា៕
Tag:
ជប៉ុន
ចិន
សមុទ្រចិនខាងត្បូង
Wang Yi
Taro Kono
© រក្សាសិទ្ធិដោយ thmeythmey.com
