អន្តរជាតិ
ក្រោយសម្លាប់មនុស្សជាង៧ពាន់នាក់ ឌូទើតេ ថាលោកមិនអាចគ្រប់គ្រងគ្រឿងញៀនបានទេ
×![]()
ដោយ: តន ចាន់រិទ្ធារ៉ា
សង្គ្រាមប្រឆាំងគ្រឿងញៀនរបស់ប្រធានាធិបតីហ្វីលីពីន រ៉ូឌ្រីហ្គោ ឌូទើតេ បានសម្លាប់មនុស្សជាង៧ពាន់នាក់មកហើយមកទល់បេលនេះ។ ប៉ុន្តែលោក ឌូទើតេ សារភាពថាលោកមិនអាចគ្រប់គ្រងបញ្ហាគ្រឿងញៀនបានឡើយ ព្រោះមានបញ្ហាប្រឈមជាច្រើនដូចជាសម្ភារមិនគ្រប់គ្រាន់ និងមិនមានពេលសមស្របជាដើម។ ក្រៅពីនោះ លោក ឌូទើតេ ថែមទាំងនិយាយយកលេសថា សូម្បីតែអាមេរិកក៏មិនអាចដោះស្រាយបញ្ហានេះដែរ។
ចាប់ពីថ្ងៃទីមួយនៃការកាន់អំណាច ប្រធានាធិបតីហ្វីលីពីន រ៉ូឌ្រីហ្គោ ឌូទើតេ បានដាក់គោលដៅទីមួយលើការបោសសម្អាតគ្រឿងញៀន ដែលលោកអះអាងថាបានជ្រួតជ្រាបពេញសង្គមហ្វីលីពីនទៅហើយ។ លោក ឌូទើតេ បានប្រកាសសង្គ្រាមបង្ក្រាបគ្រឿងញៀន ដើម្បីជីកឬសជីកគល់បញ្ហាមួយនេះឲ្យអស់។ មនុស្សជាច្រើនបានអស់ជីវិតក្នុងសង្គ្រាមបង្ហួរឈាមមួយនេះ មិនថាអ្នកប្រើប្រាស់តូចតាច ឈ្មួញជួញដូរ ឬអ្នកនយោបាយឡើយ ឲ្យតែអ្នកពាក់ព័ន្ធគឺត្រូវស្លាប់ទាំងអស់។
មកទល់ពេលនេះសង្គ្រាមគ្រឿងញៀនរបស់លោក ឌូទើតេ មានអាយុមួយឆ្នាំជាងទៅហើយ ប៉ុន្តែបញ្ហានេះនៅតែបន្តរុកកួនសង្គមហ្វីលីពីនដដែល ទោះជាជីវិតមនុស្សជាង៧ពាន់នាក់ត្រូវបាត់បង់ក៏ដោយ។ នៅថ្ងៃទី១១ ខែសីហា លោក ឌូទើតេ បានថ្លែងសារភាពចំពោះមុខមន្ត្រីសុខាភិបាលក្នុងទីក្រុង Davao ថា លោកមិនអាចដោះស្រាយបញ្ហាគ្រឿងញៀននេះបានទេ ព្រោះមានបញ្ហាច្រើនតាមយាយីដូចជាការខ្វះខាតសម្ភារ ភូមិសាស្ត្រមិនអំណោយផល ហើយអាណត្តិរបស់លោកក៏មានខ្លីទៅទៀត។
បើតាមសារព័ត៌មាន CNN Philippines ប្រធានាធិបតីរូបនេះបញ្ជាក់ថា លោកមិនអាចការពារឆ្នេរហ្វីលីពីន និងបណ្ដាកោះនានាពីការជួញដូរគ្រឿងញៀនខុសច្បាប់ឡើយ ព្រោះមិនមានឧបករណ៍គ្រប់គ្រាន់ដើម្បីប្រតិបត្តិការតាមបណ្ដោយឆ្នេរ។ នៅមុននេះ លោក ឌូទើតេ ក៏បានអះអាងថា អាណត្តិប្រធានាធិបតីមានត្រឹម៦ឆ្នាំ មិនអាចឲ្យលោកដោះស្រាយបញ្ហាសាំញាំនេះបានទេ ព្រោះពេលវេលាខ្លីណាស់។
ជាមួយគ្នានោះ លោក ឌូទើតេ ក៏លើកឡើងថា នៅប្រទេសផ្សេង បញ្ហាគ្រឿងញៀននេះក៏មិនអាចដោះស្រាយបានដែរ។ លោកបានប្រៀបធៀបស្ថានការណ៍គ្រឿងញៀននៅហ្វីលីពីនទៅនឹងស្ថានភាពនៅអាមេរិក ដែលលោកនិយាយថាអាក្រក់ខ្លាំងជាងប្រទេសលោកទៅទៀត។ លោកបន្ថែមថា អាមេរិកកំពុងចោមរោមដោយគ្រឿងញៀន ហើយយ៉ាប់យ៉ឺនជាងនៅហ្វីលីពីនទៅទៀត តែពួកគេមិនបានសារភាពឡើយ។
ការសន្យាដោះស្រាយបញ្ហាគ្រឿងញៀន គឺជាកត្តាមួយដែលនាំឲ្យអតីតអភិបាលក្រុង Davao រូបនេះ ឈ្នះឆ្នោតជាប្រធានាធិបតី។ ក្នុងពេលឃោសនារកសំឡេងឆ្នោត លោក ឌូទើតេ សន្យាបោសសម្អាតគ្រឿងញៀនឲ្យស្អាត ដូចដែលលោកធ្លាប់ធ្វើនៅពេលកាន់តំណែងចៅហ្វាយក្រុង Davao ដែរ។ យ៉ាងណាមិញ យុទ្ធនាការកណ្ដាប់ដៃដែករបស់លោកនៅថ្នាក់ជាតិមិនទាន់ទទួលបានជោគជ័យឡើយ ហើយថែមទៀតរងការរិះគន់ថែមទៀត៕
ចាប់ពីថ្ងៃទីមួយនៃការកាន់អំណាច ប្រធានាធិបតីហ្វីលីពីន រ៉ូឌ្រីហ្គោ ឌូទើតេ បានដាក់គោលដៅទីមួយលើការបោសសម្អាតគ្រឿងញៀន ដែលលោកអះអាងថាបានជ្រួតជ្រាបពេញសង្គមហ្វីលីពីនទៅហើយ។ លោក ឌូទើតេ បានប្រកាសសង្គ្រាមបង្ក្រាបគ្រឿងញៀន ដើម្បីជីកឬសជីកគល់បញ្ហាមួយនេះឲ្យអស់។ មនុស្សជាច្រើនបានអស់ជីវិតក្នុងសង្គ្រាមបង្ហួរឈាមមួយនេះ មិនថាអ្នកប្រើប្រាស់តូចតាច ឈ្មួញជួញដូរ ឬអ្នកនយោបាយឡើយ ឲ្យតែអ្នកពាក់ព័ន្ធគឺត្រូវស្លាប់ទាំងអស់។
មកទល់ពេលនេះសង្គ្រាមគ្រឿងញៀនរបស់លោក ឌូទើតេ មានអាយុមួយឆ្នាំជាងទៅហើយ ប៉ុន្តែបញ្ហានេះនៅតែបន្តរុកកួនសង្គមហ្វីលីពីនដដែល ទោះជាជីវិតមនុស្សជាង៧ពាន់នាក់ត្រូវបាត់បង់ក៏ដោយ។ នៅថ្ងៃទី១១ ខែសីហា លោក ឌូទើតេ បានថ្លែងសារភាពចំពោះមុខមន្ត្រីសុខាភិបាលក្នុងទីក្រុង Davao ថា លោកមិនអាចដោះស្រាយបញ្ហាគ្រឿងញៀននេះបានទេ ព្រោះមានបញ្ហាច្រើនតាមយាយីដូចជាការខ្វះខាតសម្ភារ ភូមិសាស្ត្រមិនអំណោយផល ហើយអាណត្តិរបស់លោកក៏មានខ្លីទៅទៀត។
បើតាមសារព័ត៌មាន CNN Philippines ប្រធានាធិបតីរូបនេះបញ្ជាក់ថា លោកមិនអាចការពារឆ្នេរហ្វីលីពីន និងបណ្ដាកោះនានាពីការជួញដូរគ្រឿងញៀនខុសច្បាប់ឡើយ ព្រោះមិនមានឧបករណ៍គ្រប់គ្រាន់ដើម្បីប្រតិបត្តិការតាមបណ្ដោយឆ្នេរ។ នៅមុននេះ លោក ឌូទើតេ ក៏បានអះអាងថា អាណត្តិប្រធានាធិបតីមានត្រឹម៦ឆ្នាំ មិនអាចឲ្យលោកដោះស្រាយបញ្ហាសាំញាំនេះបានទេ ព្រោះពេលវេលាខ្លីណាស់។
ជាមួយគ្នានោះ លោក ឌូទើតេ ក៏លើកឡើងថា នៅប្រទេសផ្សេង បញ្ហាគ្រឿងញៀននេះក៏មិនអាចដោះស្រាយបានដែរ។ លោកបានប្រៀបធៀបស្ថានការណ៍គ្រឿងញៀននៅហ្វីលីពីនទៅនឹងស្ថានភាពនៅអាមេរិក ដែលលោកនិយាយថាអាក្រក់ខ្លាំងជាងប្រទេសលោកទៅទៀត។ លោកបន្ថែមថា អាមេរិកកំពុងចោមរោមដោយគ្រឿងញៀន ហើយយ៉ាប់យ៉ឺនជាងនៅហ្វីលីពីនទៅទៀត តែពួកគេមិនបានសារភាពឡើយ។
ការសន្យាដោះស្រាយបញ្ហាគ្រឿងញៀន គឺជាកត្តាមួយដែលនាំឲ្យអតីតអភិបាលក្រុង Davao រូបនេះ ឈ្នះឆ្នោតជាប្រធានាធិបតី។ ក្នុងពេលឃោសនារកសំឡេងឆ្នោត លោក ឌូទើតេ សន្យាបោសសម្អាតគ្រឿងញៀនឲ្យស្អាត ដូចដែលលោកធ្លាប់ធ្វើនៅពេលកាន់តំណែងចៅហ្វាយក្រុង Davao ដែរ។ យ៉ាងណាមិញ យុទ្ធនាការកណ្ដាប់ដៃដែករបស់លោកនៅថ្នាក់ជាតិមិនទាន់ទទួលបានជោគជ័យឡើយ ហើយថែមទៀតរងការរិះគន់ថែមទៀត៕
Tag:
ហ្វីលីពីន
រ៉ូឌ្រីហ្គោ ឌូទើតេ
គ្រឿងញៀន
© រក្សាសិទ្ធិដោយ thmeythmey.com
