អន្តរជាតិ
×![]()
ដោយ: តន ចាន់រិទ្ធារ៉ា
កូរ៉េខាងជើង បានរិះគន់ប្រធានាធិបតីកូរ៉េខាងត្បូង មូន ចេអ៊ីន (Moon Jae-in) ដែលកាន់តំណែងបាន ១០០ថ្ងៃនៅថ្ងៃទី១៧ ខែសីហា។ បើតាមសារព័ត៌មានកូរ៉េខាងជើង Rodong Sinmun បានចាត់ទុករយៈពេល១០០ថ្ងៃនេះ ជារឿងអត់បានការ និងខកចិត្តទៀតផង។ កូរ៉េខាងជើងក៏បានរិះគន់លោក មូន ចេអ៊ីន ចំពោះជំហររបស់លោកដែលចង់ចរចាបញ្ចប់បញ្ហាផង និងបន្តអនុវត្តទណ្ឌកម្មសេដ្ឋកិច្ចលើខ្លួនផងដែរ។
លោក មូន ចេអ៊ីន កាន់តំណែងប្រធានាធិបតីកូរ៉េខាងត្បូងបាន១០០ថ្ងៃនៅថ្ងៃទី១៧ ខែសីហា បន្ទាប់ពីឈ្នះការបោះឆ្នោតមុនអាណត្តិកាលពីខែឧសភា។ លើបញ្ហានុយក្លេអ៊ែរកូរ៉េខាងជើង ប្រធានាធិបតី មូន ចេអ៊ីន ប្រកាន់ជំហរមិនរឹងត្អឹងឡើយ ហើយចង់ចរចាបញ្ចប់ជម្លោះដោយសន្តិវិធី។ លោកក៏ប្រកាសជាជំហរថា រដ្ឋាភិបាលលោកនឹងធ្វើរឿងគ្រប់យ៉ាងដើម្បីទប់ស្កាត់សង្គ្រាមនៅឧបទ្វីបកូរ៉េ ហើយអាមេរិកត្រូវសួរលោកសិនដែរ បើចង់វាយកូរ៉េខាងជើងនោះ។
យ៉ាងណាក្ដី កូរ៉េខាងជើងមិនបានវាយតម្លៃលើជំហរទន់ភ្លន់នេះទេ និងចាត់ទុករយៈពេល១០០ថ្ងៃរបស់លោក មូន ចេអ៊ីន ជារឿងបរាជ័យទៀតផង។ សារព័ត៌មានកូរ៉េខាងជើង Rodong Sinmun បានហៅការកាន់អំណាចរបស់លោក មូន ថាជាការដឹកនាំដ៏អន់ ហើយគួរឲ្យខកចិត្តណាស់។ សារព័ត៌មានដដែលនេះ ក៏បានរិះគន់ការប្រឹងប្រែងដោះស្រាយបញ្ហាកូរ៉េខាងជើង ដោយនិយាយថាលោក មូន បានតែមាត់ និងព្យាយាមលាក់ពុតទៀតផង។
យោងតាមទីភ្នាក់ងារព័ត៌មាន Yonhap ដោយមិននិយាយចំឈ្មោះលោក មូន សារព័ត៌មានរដ្ឋកូរ៉េខាងជើងមួយនេះបញ្ជាក់ថា៖ « អ្នកកាន់អំណាចនៅកូរ៉េខាងត្បូងនិយាយថាខ្លួននឹងជំរុញការដាក់ទណ្ឌកម្ម និងសម្ពាធលើកូរ៉េខាងជើង ព្រមគ្នានោះក៏ស្វែងរកការចរចាដែរ។ នេះជាផែនការក្បត់ដើរតាមនយោបាយអាមេរិកក្នុងគោលដៅសម្លាប់កូរ៉េខាងជើង»។ សារព័ត៌មាននេះសង្កត់ធ្ងន់ថា ទណ្ឌកម្ម សម្ពាធ និងការចរចាមិនអាចដើរលើផ្លូវស្របគ្នាបានទេ។
ក្នុងថ្ងៃទី១០០នៃការកាន់អំណាច លោក មូន ចេអ៊ីន នៅតែប្រកាន់ជំហរដោះស្រាយបញ្ហានុយក្លេអ៊ែរកូរ៉េខាងជើងដោយសន្តិវិធីមានការចរចា និងការអនុវត្តទណ្ឌកម្មតាមការសម្រេចរបស់ក្រុមប្រឹក្សាសន្តិសុខ។ ប្រធានាធិបតីកូរ៉េខាងត្បូងរូបនេះ ក៏ប្រកាសថាលោកនឹងឆ្លើយតបឲ្យម៉ឹងម៉ាត់ទៅនឹងសកម្មភាពបង្ករឿងរបស់កូរ៉េខាងជើង ប៉ុន្តែលោកនៅតែរក្សាឆន្ទៈក្នុងការពិភាក្សាជាមួយកូរ៉េខាងជើង ក្រោមលក្ខខណ្ឌសមស្រប។
កន្លងមក លោក មូន ចេអ៊ីន ក៏តែងស្នើឲ្យកូរ៉េខាងបោះបង់កម្មវិធីនុយក្លេអ៊ែរ និងការបាញ់មីស៊ីល រួចវិលចូលតុចរចាឡើងវិញ។ លោកចាត់ទុកការទុកចោលមហិច្ឆតានុយក្លេអ៊ែរ គឺជាផ្លូវដើរត្រឹមត្រូវរបស់កូរ៉េខាងជើង បើពិតជាដូច្នោះមែនកូរ៉េខាងត្បូងនឹងជួយអភិវឌ្ឍសេដ្ឋកិច្ចកូរ៉េខាងជើងមិនខាន។ អ្វីគួរឲ្យចាប់អារម្មណ៍ គឺលោកជំទាស់ដាច់ការប្រើយោធាដើម្បីបញ្ចប់នេះ ហើយលោកប្រាប់អាមេរិកឲ្យសុំយោបល់កូរ៉េខាងត្បូងសិន មុនបើកប្រតិបត្តិការយោធា៕
លោក មូន ចេអ៊ីន កាន់តំណែងប្រធានាធិបតីកូរ៉េខាងត្បូងបាន១០០ថ្ងៃនៅថ្ងៃទី១៧ ខែសីហា បន្ទាប់ពីឈ្នះការបោះឆ្នោតមុនអាណត្តិកាលពីខែឧសភា។ លើបញ្ហានុយក្លេអ៊ែរកូរ៉េខាងជើង ប្រធានាធិបតី មូន ចេអ៊ីន ប្រកាន់ជំហរមិនរឹងត្អឹងឡើយ ហើយចង់ចរចាបញ្ចប់ជម្លោះដោយសន្តិវិធី។ លោកក៏ប្រកាសជាជំហរថា រដ្ឋាភិបាលលោកនឹងធ្វើរឿងគ្រប់យ៉ាងដើម្បីទប់ស្កាត់សង្គ្រាមនៅឧបទ្វីបកូរ៉េ ហើយអាមេរិកត្រូវសួរលោកសិនដែរ បើចង់វាយកូរ៉េខាងជើងនោះ។
យ៉ាងណាក្ដី កូរ៉េខាងជើងមិនបានវាយតម្លៃលើជំហរទន់ភ្លន់នេះទេ និងចាត់ទុករយៈពេល១០០ថ្ងៃរបស់លោក មូន ចេអ៊ីន ជារឿងបរាជ័យទៀតផង។ សារព័ត៌មានកូរ៉េខាងជើង Rodong Sinmun បានហៅការកាន់អំណាចរបស់លោក មូន ថាជាការដឹកនាំដ៏អន់ ហើយគួរឲ្យខកចិត្តណាស់។ សារព័ត៌មានដដែលនេះ ក៏បានរិះគន់ការប្រឹងប្រែងដោះស្រាយបញ្ហាកូរ៉េខាងជើង ដោយនិយាយថាលោក មូន បានតែមាត់ និងព្យាយាមលាក់ពុតទៀតផង។
យោងតាមទីភ្នាក់ងារព័ត៌មាន Yonhap ដោយមិននិយាយចំឈ្មោះលោក មូន សារព័ត៌មានរដ្ឋកូរ៉េខាងជើងមួយនេះបញ្ជាក់ថា៖ « អ្នកកាន់អំណាចនៅកូរ៉េខាងត្បូងនិយាយថាខ្លួននឹងជំរុញការដាក់ទណ្ឌកម្ម និងសម្ពាធលើកូរ៉េខាងជើង ព្រមគ្នានោះក៏ស្វែងរកការចរចាដែរ។ នេះជាផែនការក្បត់ដើរតាមនយោបាយអាមេរិកក្នុងគោលដៅសម្លាប់កូរ៉េខាងជើង»។ សារព័ត៌មាននេះសង្កត់ធ្ងន់ថា ទណ្ឌកម្ម សម្ពាធ និងការចរចាមិនអាចដើរលើផ្លូវស្របគ្នាបានទេ។
ក្នុងថ្ងៃទី១០០នៃការកាន់អំណាច លោក មូន ចេអ៊ីន នៅតែប្រកាន់ជំហរដោះស្រាយបញ្ហានុយក្លេអ៊ែរកូរ៉េខាងជើងដោយសន្តិវិធីមានការចរចា និងការអនុវត្តទណ្ឌកម្មតាមការសម្រេចរបស់ក្រុមប្រឹក្សាសន្តិសុខ។ ប្រធានាធិបតីកូរ៉េខាងត្បូងរូបនេះ ក៏ប្រកាសថាលោកនឹងឆ្លើយតបឲ្យម៉ឹងម៉ាត់ទៅនឹងសកម្មភាពបង្ករឿងរបស់កូរ៉េខាងជើង ប៉ុន្តែលោកនៅតែរក្សាឆន្ទៈក្នុងការពិភាក្សាជាមួយកូរ៉េខាងជើង ក្រោមលក្ខខណ្ឌសមស្រប។
កន្លងមក លោក មូន ចេអ៊ីន ក៏តែងស្នើឲ្យកូរ៉េខាងបោះបង់កម្មវិធីនុយក្លេអ៊ែរ និងការបាញ់មីស៊ីល រួចវិលចូលតុចរចាឡើងវិញ។ លោកចាត់ទុកការទុកចោលមហិច្ឆតានុយក្លេអ៊ែរ គឺជាផ្លូវដើរត្រឹមត្រូវរបស់កូរ៉េខាងជើង បើពិតជាដូច្នោះមែនកូរ៉េខាងត្បូងនឹងជួយអភិវឌ្ឍសេដ្ឋកិច្ចកូរ៉េខាងជើងមិនខាន។ អ្វីគួរឲ្យចាប់អារម្មណ៍ គឺលោកជំទាស់ដាច់ការប្រើយោធាដើម្បីបញ្ចប់នេះ ហើយលោកប្រាប់អាមេរិកឲ្យសុំយោបល់កូរ៉េខាងត្បូងសិន មុនបើកប្រតិបត្តិការយោធា៕
Tag:
កូរ៉េខាងជើង
កូរ៉េខាងត្បូង
មូន ចេអ៊ីន
© រក្សាសិទ្ធិដោយ thmeythmey.com
