កីឡាជាតិ
ជាតិ
ក្រោយដកចេញពីក្រុម ពិដោរប្រាប់អ្នកគាំទ្រកុំទាន់វាយតម្លៃ ខណៈ ពលរដ្ឋរក្សាភាពស្ងៀមស្ងាត់
លោក Leonardo Vitorino និយាយពីការកាត់កីឡាករពីររូបចេញពីក្រុម U22 នៅប្រទេសម៉ាឡេស៊ី
×![]()
កីឡាករ ច្រឹង ពលរដ្ឋ និង សំអឿន ពិដោរ ដែលចូលរួមជាមួយក្រុមជម្រើសជាតិអាយុក្រោម២២ឆ្នាំកម្ពុជាក្នុងព្រឹត្តិការណ៍កីឡាស៊ីហ្គេមលើកទី២៩នៅទីក្រុងកូឡាឡាំពួរប្រទេសម៉ាឡេស៊ី ត្រូវបានកាត់ចេញពីក្រុមក្រោមហេតុផលមានបញ្ហារឿងវិន័យ។ នេះបើតាមការបញ្ជាក់ពីម៉ាឡេស៊ីរបស់ គ្រូបង្វឹកប្រេស៊ីល លោក Leonardo Vitorino តាមរយៈឃ្លីបវីដេអូមួយ។
«សម្រាប់កីឡាករ ច្រឹង ពលរដ្ឋ និង សំអឿន ពិដោរ ត្រូវបានកាត់ចេញពីក្រុម U22 កម្ពុជាមួយថ្ងៃមុនការប្រកួតជាមួយក្រុមឥណ្ឌូណេស៊ី។ យើងនៅជាមួយគ្នាដើម្បីមើលពីអនាគតបាល់ទាត់របស់កម្ពុជា ហើយការកាត់ពួកគេ គឺដោយសាររឿងវិន័យ»។ នេះជាការលើកឡើងរបស់លោក Leonardo Vitorino គ្រូបង្វឹក U22 កម្ពុជា ដែលបានមើលឃើញពីការមិនគោរពបទបញ្ជារបស់ក្រុមជម្រើសជាតិអាយុក្រោម២២ឆ្នាំកម្ពុជា។
លោកបានបន្តថា កីឡាករគ្រប់រូបអាចចូលរួមជាមួយក្រុមជម្រើសជាតិកម្ពុជា ក្រៅពីទាមទារមានសមត្ថភាព និងបច្ចេកទេសខ្ពស់ គឺត្រូវមានអាកប្បកិរិយា និងអត្តចរិតល្អ ជាពិសេសគោរពវិន័យក៏ដូចជាបញ្ជារបស់ក្រុមជម្រើសជាតិ។ មានន័យថា ប្រសិនបើកីឡាករណាម្នាក់ធ្វើអ្វីដែលខុសពីអ្វីដែលបានណែនាំរបស់គ្រូបង្វឹកក៏ដូចជាក្រុមទាំងមូល នឹងត្រូវកាត់ចេញតែម្តង។
លោកបានលើកឡើងថា៖«យើងកំពុងស្វែងរកចំណុចល្អមួយដើម្បីអភិវឌ្ឍន៍កីឡាបាល់ទាត់កម្ពុជាឲ្យកាន់រីកចម្រើន។ ដូច្នេះវាដល់ពេលដែលយើងត្រូវរឹតបណ្តឹងខ្លាំងរឿងវិន័យរបស់កីឡាករ ហើយយើងសង្ឃឹមថាទស្សនិកជន នឹងគាំទ្រដល់ការអភិវឌ្ឍន៍របស់ពួកយើង ដែលធ្វើការដើម្បីក្រុមជម្រើសជាតិ»។
ការកាត់ចេញពីក្រុមជម្រើសជាតិអាយុក្រោម២២ឆ្នាំកម្ពុជារបស់កីឡាករ ច្រឹង ពលរដ្ឋ និង សំអឿន ពិដោរ ធ្វើឡើងមួយថ្ងៃបន្ទាប់ពីក្រុម U22 កម្ពុជាបានប្រកួតចាញ់ក្រុមទីម័រខាងកើតដែលគេគិតថាជាក្រុមខ្សោយជាងគេប្រចាំពូល B ក្នុងលទ្ធផល ១-០។ នៅម៉ោង៣រសៀលថ្ងៃទី២៤ សីហា នេះ ក្រុម U22 កម្ពុជាត្រូវជួបប្រកួតចុងក្រោយជាមួយក្រុមឥណ្ឌូណេស៊ីនៅកីឡដ្ឋាន Shah Alam Stadium។
តាមរយៈហ្វេសប៊ុករបស់ខ្លួន សំអឿន ពិដោរ បានបញ្ជាក់ថា ខ្លួនមិនទាន់ចេញមុខបកស្រាយជាមួយសារព័ត៌មានណាឡើយ ហើយខ្សែការពាររូបនេះ បានស្នើឲ្យអ្នកគាំទ្រកុំទាន់អាលវាយតម្លៃលើបុគ្គលណាម្នាក់។ ទោះបីជាយ៉ាងណាក៏ដោយ ពិដោរ ប្រកាសទទួលធ្វើតាមការសម្រេចចិត្តរបស់គ្រូបង្វឹក និងនៅតែចាត់ទុកគាត់ដូចជាអ្នកមានគុណទីពីរ។
ចំណែក ច្រឹង ពលរដ្ឋ វិញ មិនទាន់មានប្រតិកម្មអ្វីនោះឡើយ៕
«សម្រាប់កីឡាករ ច្រឹង ពលរដ្ឋ និង សំអឿន ពិដោរ ត្រូវបានកាត់ចេញពីក្រុម U22 កម្ពុជាមួយថ្ងៃមុនការប្រកួតជាមួយក្រុមឥណ្ឌូណេស៊ី។ យើងនៅជាមួយគ្នាដើម្បីមើលពីអនាគតបាល់ទាត់របស់កម្ពុជា ហើយការកាត់ពួកគេ គឺដោយសាររឿងវិន័យ»។ នេះជាការលើកឡើងរបស់លោក Leonardo Vitorino គ្រូបង្វឹក U22 កម្ពុជា ដែលបានមើលឃើញពីការមិនគោរពបទបញ្ជារបស់ក្រុមជម្រើសជាតិអាយុក្រោម២២ឆ្នាំកម្ពុជា។
លោកបានបន្តថា កីឡាករគ្រប់រូបអាចចូលរួមជាមួយក្រុមជម្រើសជាតិកម្ពុជា ក្រៅពីទាមទារមានសមត្ថភាព និងបច្ចេកទេសខ្ពស់ គឺត្រូវមានអាកប្បកិរិយា និងអត្តចរិតល្អ ជាពិសេសគោរពវិន័យក៏ដូចជាបញ្ជារបស់ក្រុមជម្រើសជាតិ។ មានន័យថា ប្រសិនបើកីឡាករណាម្នាក់ធ្វើអ្វីដែលខុសពីអ្វីដែលបានណែនាំរបស់គ្រូបង្វឹកក៏ដូចជាក្រុមទាំងមូល នឹងត្រូវកាត់ចេញតែម្តង។
លោកបានលើកឡើងថា៖«យើងកំពុងស្វែងរកចំណុចល្អមួយដើម្បីអភិវឌ្ឍន៍កីឡាបាល់ទាត់កម្ពុជាឲ្យកាន់រីកចម្រើន។ ដូច្នេះវាដល់ពេលដែលយើងត្រូវរឹតបណ្តឹងខ្លាំងរឿងវិន័យរបស់កីឡាករ ហើយយើងសង្ឃឹមថាទស្សនិកជន នឹងគាំទ្រដល់ការអភិវឌ្ឍន៍របស់ពួកយើង ដែលធ្វើការដើម្បីក្រុមជម្រើសជាតិ»។
ការកាត់ចេញពីក្រុមជម្រើសជាតិអាយុក្រោម២២ឆ្នាំកម្ពុជារបស់កីឡាករ ច្រឹង ពលរដ្ឋ និង សំអឿន ពិដោរ ធ្វើឡើងមួយថ្ងៃបន្ទាប់ពីក្រុម U22 កម្ពុជាបានប្រកួតចាញ់ក្រុមទីម័រខាងកើតដែលគេគិតថាជាក្រុមខ្សោយជាងគេប្រចាំពូល B ក្នុងលទ្ធផល ១-០។ នៅម៉ោង៣រសៀលថ្ងៃទី២៤ សីហា នេះ ក្រុម U22 កម្ពុជាត្រូវជួបប្រកួតចុងក្រោយជាមួយក្រុមឥណ្ឌូណេស៊ីនៅកីឡដ្ឋាន Shah Alam Stadium។
តាមរយៈហ្វេសប៊ុករបស់ខ្លួន សំអឿន ពិដោរ បានបញ្ជាក់ថា ខ្លួនមិនទាន់ចេញមុខបកស្រាយជាមួយសារព័ត៌មានណាឡើយ ហើយខ្សែការពាររូបនេះ បានស្នើឲ្យអ្នកគាំទ្រកុំទាន់អាលវាយតម្លៃលើបុគ្គលណាម្នាក់។ ទោះបីជាយ៉ាងណាក៏ដោយ ពិដោរ ប្រកាសទទួលធ្វើតាមការសម្រេចចិត្តរបស់គ្រូបង្វឹក និងនៅតែចាត់ទុកគាត់ដូចជាអ្នកមានគុណទីពីរ។
ចំណែក ច្រឹង ពលរដ្ឋ វិញ មិនទាន់មានប្រតិកម្មអ្វីនោះឡើយ៕
Tag:
បាល់ទាត់
SEA Games 2017
Leonardo Vitorino
© រក្សាសិទ្ធិដោយ thmeythmey.com
«មជ្ឈការ»មានន័យខុសពី«វិមជ្ឈការ»ដូចម្តេច?
1 សប្តាហ៍
