ជាតិ
រដ្ឋាភិបាលផ្លាស់ប្តូរ និងតែងតាំងអភិបាលស្រុក៣រូបនៅខេត្តកោះកុង
× សម្តេចនាយករដ្ឋមន្ត្រី ហ៊ុន សែន បានចុះហត្ថលេខាលើអនុក្រឹត្យផ្ទេរភារកិច្ច និងតែងតាំងមន្ត្រីរាជការ៤រូបនៅខេត្តកោះកុង ក្នុងនោះមានការផ្លាស់ប្តូរ និងតែងតាំងអភិបាលស្រុក-ក្រុងចំនួន៣ ។
យោងតាមអនុក្រឹត្យ ចុះថ្ងៃទី២២ ខែសីហា លោក បូ វិបុល អភិបាលក្រុងខេមរភូមិន្ទ ឲ្យទៅបម្រើការងារនៅសាលាខេត្តកោះកុង រីឯលោក ទូ សាវុធ អភិបាលស្រុកថ្មបាំង ឲ្យទៅកាន់មុខតំណែងអភិបាលស្រុកបុទុមសាគរ។ ចំណែកឯ លោក ឈេង សុវណ្ណដា តែងតាំងជាអភិបាលក្រុងខេមរភូមិន្ទ ហើយនិងលោក អន សុធារិទ្ធ តែងតាំងជាអភិបាលស្រុកថ្មបាំង៕
Tag:
រាជរដ្ឋាភិបាល
តែងតាំង
ខេត្តកោះកុង
© រក្សាសិទ្ធិដោយ thmeythmey.com