កីឡាជាតិ
ជាតិ
ស៊ីហ្គេម៖ ប្រដាល់គុនខ្មែរបាន៥ពាន់ដុល្លារជាកាដូមុនថ្ងៃចេញទៅប្រជែងមេដាយនៅស៊ីហ្គេមថ្ងៃនេះ
×![]()
នៅព្រឹកថ្ងៃទី២៥ សីហានេះ ក្រុមអត្តពលិកប្រដាល់គុនខ្មែររួមជាមួយថ្នាក់ដឹកនាំបានចាកចេញពីកម្ពុជាទៅកាន់ប្រទេសម៉ាឡេស៊ី ដើម្បីត្រៀមប្រជែងដណ្តើមមេដាយពីព្រឹត្តិការណ៍កីឡាស៊ីហ្គេមលើកទី២៩នៅទីក្រុងកូឡាឡាំពួរជូនប្រទេសជាតិនៅថ្ងៃទី២៦ ខែសីហា។ សម្រាប់ការចេញដំណើរនេះដែរ ប្រតិភូកីឡាប្រដាល់គុនខ្មែរទទួលបានថវិកាលើកទឹក៥ពាន់ដុល្លារពីក្រុមហ៊ុនមួយជាដូទៀតផង។
ប្រតិភូកីឡាប្រដាល់គុនខ្មែររួមមាន គ្រូបង្វឹកលោក ឈិត សារឹម, គ្រូជំនួយលោក អេ ភូថង, កីឡាករ ម៉ឺន សុភា, មឿន សុខហ៊ុច, ឃីម ឌីម៉ា, ឡៅ ចិត្រា និងកីឡាករ វ៉ាន់ វឿន ដែលដឹកនាំដោយលោក តែម ម៉ឺន ប្រធានសហព័ន្ធកីឡាប្រដាល់គុនខ្មែរបានចាកចេញពីកម្ពុជាទៅចូលរួមកីឡាស៊ីហ្គេមនៅទីក្រុងកូឡាឡាំពួរប្រទេសម៉ាឡេស៊ីនៅព្រឹកថ្ងៃទី២៥ ខែសីហានេះ។
បើយោងតាមប្រធានសហព័ន្ធកីឡាប្រដាល់គុនខ្មែរ ក្រុមកីឡាករគុនខ្មែរកម្ពុជានឹងថ្លឺងទម្ងន់ចាប់គូប្រកួតនៅថ្ងៃទី២៥ ខែសីហា ហើយចាប់ផ្តើមប្រកួតនៅថ្ងៃទី២៦ ខែសីហា លើប្រភេទទម្ងន់នីមួយៗជាបន្តបន្ទាប់។ ប្រដាល់គុនខ្មែរត្រូវបានថ្នាក់ដឹកនាំកីឡាកម្ពុជាបានចាត់ទុកជាកីឡាសក្តានុពលក្នុងចំណោមកីឡាសក្តានុពលទាំង៦ដែលរំពឹងដណ្តើមបានមេដាយពីព្រឹត្តិការណ៍កីឡាស៊ីហ្គេមលើកទី២៩នៅទីក្រុងកូឡាឡាំពួរជូនប្រទេសជាតិ។
កាលពីពេលថ្មីៗកន្លងទៅក្រុមហ៊ុនផាយ ផេ បានចំណាយចំនួន៥ពាន់ដុល្លារធ្វើជាដូលើកទឹកចិត្តដល់អត្តពលិកកីឡាប្រដាល់គុនខ្មែរដើម្បីជាការជូនដំណើរផងដែរ។ លោក តែម ម៉ឺន ប្រធានសហព័ន្ធកីឡាប្រដាល់គុនខ្មែរបានចាត់ទុកការឧបត្ថម្ភនេះ ជាកាដូលើកទឹកចិត្តដ៏សំខាន់ក្នុងការជំរុញទឹកចិត្តកីឡាករឲ្យប្រឹងប្រែងប្រកួតកាន់តែខ្លាំងថែមទៀត។
ដោយឡែក កីឡាតេក្វាន់ដូដែលថ្នាក់ដឹកនាំកីឡាកម្ពុជាចាត់ថ្នាក់ជាកីឡាសក្តានុពលដែរនោះ បានចាកចេញពីកម្ពុជាទៅចូលរួមប្រជែងដណ្តើមមេដាយក្នុងព្រឹត្តិការណ៍កីឡាស៊ីហ្គេមលើកទី២៩នៅទីក្រុងកូឡាឡាំពួរប្រទេសម៉ាឡេស៊ីកាលពីថ្ងៃទី២៤ សីហា ម្សិលមិញ។ កីឡានេះនឹងចាប់ផ្តើមប្រកួតចន្លោះពីថ្ងៃទី២៦ ដល់ថ្ងៃទី២៩ ខែសីហា។
ប្រតិភូកីឡាតេក្វាន់ដូរួមមាន លោក Chio Yongsok គ្រូបង្វឹក, លោក ជាតិ ខេមរា គ្រូជំនួយ, អ្នកស្រី ឈឿង ពុទ្ធារីម គ្រូជំនួយ, កីឡាការិនី ស៊ន សៀវម៉ី, ឈឿង លីណា, ស៊ីម រចនា, អ៊ុនវ៉ិន សុចិរង្សី, ថិប កាសាន់ទ្រេនីកូល, កីឡាករ ផល សុវណ្ណាត់, ទួន ណាវុធ, ប៉ាន់ ខេមរា, វ៉ា មិថុនា និងកីឡាករ វ៉ាន់ ឬទ្ធី៕
ក្រុមកីឡាតេក្វាន់ដូថតជុំគ្នានៅអាកាសយានដ្ឋានអន្តរជាតិមុនចេញដំណើរទៅទីក្រុងកូឡាឡាំពួរ
ប្រតិភូកីឡាប្រដាល់គុនខ្មែររួមមាន គ្រូបង្វឹកលោក ឈិត សារឹម, គ្រូជំនួយលោក អេ ភូថង, កីឡាករ ម៉ឺន សុភា, មឿន សុខហ៊ុច, ឃីម ឌីម៉ា, ឡៅ ចិត្រា និងកីឡាករ វ៉ាន់ វឿន ដែលដឹកនាំដោយលោក តែម ម៉ឺន ប្រធានសហព័ន្ធកីឡាប្រដាល់គុនខ្មែរបានចាកចេញពីកម្ពុជាទៅចូលរួមកីឡាស៊ីហ្គេមនៅទីក្រុងកូឡាឡាំពួរប្រទេសម៉ាឡេស៊ីនៅព្រឹកថ្ងៃទី២៥ ខែសីហានេះ។
បើយោងតាមប្រធានសហព័ន្ធកីឡាប្រដាល់គុនខ្មែរ ក្រុមកីឡាករគុនខ្មែរកម្ពុជានឹងថ្លឺងទម្ងន់ចាប់គូប្រកួតនៅថ្ងៃទី២៥ ខែសីហា ហើយចាប់ផ្តើមប្រកួតនៅថ្ងៃទី២៦ ខែសីហា លើប្រភេទទម្ងន់នីមួយៗជាបន្តបន្ទាប់។ ប្រដាល់គុនខ្មែរត្រូវបានថ្នាក់ដឹកនាំកីឡាកម្ពុជាបានចាត់ទុកជាកីឡាសក្តានុពលក្នុងចំណោមកីឡាសក្តានុពលទាំង៦ដែលរំពឹងដណ្តើមបានមេដាយពីព្រឹត្តិការណ៍កីឡាស៊ីហ្គេមលើកទី២៩នៅទីក្រុងកូឡាឡាំពួរជូនប្រទេសជាតិ។
កាលពីពេលថ្មីៗកន្លងទៅក្រុមហ៊ុនផាយ ផេ បានចំណាយចំនួន៥ពាន់ដុល្លារធ្វើជាដូលើកទឹកចិត្តដល់អត្តពលិកកីឡាប្រដាល់គុនខ្មែរដើម្បីជាការជូនដំណើរផងដែរ។ លោក តែម ម៉ឺន ប្រធានសហព័ន្ធកីឡាប្រដាល់គុនខ្មែរបានចាត់ទុកការឧបត្ថម្ភនេះ ជាកាដូលើកទឹកចិត្តដ៏សំខាន់ក្នុងការជំរុញទឹកចិត្តកីឡាករឲ្យប្រឹងប្រែងប្រកួតកាន់តែខ្លាំងថែមទៀត។
ដោយឡែក កីឡាតេក្វាន់ដូដែលថ្នាក់ដឹកនាំកីឡាកម្ពុជាចាត់ថ្នាក់ជាកីឡាសក្តានុពលដែរនោះ បានចាកចេញពីកម្ពុជាទៅចូលរួមប្រជែងដណ្តើមមេដាយក្នុងព្រឹត្តិការណ៍កីឡាស៊ីហ្គេមលើកទី២៩នៅទីក្រុងកូឡាឡាំពួរប្រទេសម៉ាឡេស៊ីកាលពីថ្ងៃទី២៤ សីហា ម្សិលមិញ។ កីឡានេះនឹងចាប់ផ្តើមប្រកួតចន្លោះពីថ្ងៃទី២៦ ដល់ថ្ងៃទី២៩ ខែសីហា។
ប្រតិភូកីឡាតេក្វាន់ដូរួមមាន លោក Chio Yongsok គ្រូបង្វឹក, លោក ជាតិ ខេមរា គ្រូជំនួយ, អ្នកស្រី ឈឿង ពុទ្ធារីម គ្រូជំនួយ, កីឡាការិនី ស៊ន សៀវម៉ី, ឈឿង លីណា, ស៊ីម រចនា, អ៊ុនវ៉ិន សុចិរង្សី, ថិប កាសាន់ទ្រេនីកូល, កីឡាករ ផល សុវណ្ណាត់, ទួន ណាវុធ, ប៉ាន់ ខេមរា, វ៉ា មិថុនា និងកីឡាករ វ៉ាន់ ឬទ្ធី៕
ក្រុមកីឡាតេក្វាន់ដូថតជុំគ្នានៅអាកាសយានដ្ឋានអន្តរជាតិមុនចេញដំណើរទៅទីក្រុងកូឡាឡាំពួរ
Tag:
ប្រដាល់គុនខ្មែរ
SEA Games 2017
តេក្វាន់ដូ
© រក្សាសិទ្ធិដោយ thmeythmey.com
«មជ្ឈការ»មានន័យខុសពី«វិមជ្ឈការ»ដូចម្តេច?
1 សប្តាហ៍
