ជាតិ
CNRP ចេញមុខសុំអន្តរាគមន៍ពីអន្តរជាតិ ក្រោយរដ្ឋាភិបាលបិទ NDI និងប្រព័ន្ធផ្សព្វផ្សាយខ្លះ
×![]()
ដោយ: ថ្មីៗ
ភ្នំពេញ៖ ការបិទវិទ្យាស្ថានជាតិប្រជាធិបតេយ្យ និងស្ថានីយ៍វិទ្យុនានា ធ្វើឲ្យគណបក្សសង្គ្រោះជាតិ ព្រួយបារម្ភយ៉ាងខ្លាំង ហើយបក្សនេះយល់ថា អាចនឹងប៉ះពាល់ដល់ការបោះឆ្នោតថ្នាក់ជាតិ ក្នុងឆ្នាំ២០១៨។ គណបក្សសង្គ្រោះជាតិ ស្នើឲ្យរដ្ឋាភិបាលកម្ពុជា ពិចារណាឡើងវិញ ហើយក៏ស្នើទៅសហគមន៍អន្តរជាតិផងដែរ ដើម្បីជួយអន្តរាគមន៍ពីបញ្ហានេះ។ ប៉ុន្តែ អ្នកនាំពាក្យរដ្ឋាភិបាល រកមិនឃើញភាពធ្ងន់ធ្ងរ ដែលកើតចេញពីព្រឹត្តិការណ៍ខាងលើ ដូចការអះអាងរបស់គណបក្សសង្គ្រោះជាតិ នោះទេ។
គណបក្សសង្គ្រោះជាតិ បានចេញសេចក្តីថ្លែងការណ៍មួយ នៅថ្ងៃទី ២៥ ខែសីហា ដោយបារម្ភចំពោះស្ថានការណ៍ក្នុងរយៈពេលចុងក្រោយនេះ ដែលរដ្ឋាភិបាលកម្ពុជា បញ្ឈប់សកម្មភាពវិទ្យាស្ថានជាតិប្រជាធិបតេយ្យ (NDI) របស់សហរដ្ឋអាមេរិក និងបិទវិទ្យុមហានគរ ខណៈស្ថាប័នសារព័ត៌មានផ្សេងទៀត ដូចជា ខេមបូឌា ដេលី អាស៊ីសេរី វីអូអេ និងវីអូឌី ជាដើម កំពុងជួបរឿងមិនសូវល្អ ក្នុងដំណើរការនៃការផ្សព្វផ្សាយរបស់ខ្លួន។ តាមរយៈសេចក្តីថ្លែងការណ៍ គណបក្សសង្គ្រោះជាតិ បានចាត់ទុក ព្រឹត្តិការណ៍ខាងលើថា ជាការគំរាមកំហែង ដែលអាចបង្កផលប៉ះពាល់ដល់ការបោះឆ្នោតថ្នាក់ជាតិ ក្នុងឆ្នាំ២០១៨។
ដើម្បីកែប្រែស្ថានភាពនេះ ឲ្យល្អឡើងវិញ គណបក្សសង្គ្រោះជាតិ បានសុំឲ្យសហគមន៍អន្តរជាតិ ជួយអន្តរាគមន៍។ គណបក្សសង្គ្រោះជាតិ បានស្នើឡើងនៅក្នុងសេចក្តីថ្លែងការណ៍យ៉ាងដូច្នេះ៖«[….] គណបក្សសង្គ្រោះជាតិ សូមអំពាវនាវ ដល់សហគមន៍អន្តរជាតិ ជួយធ្វើអន្តរាគមន៍ ដើម្បីធានាឲ្យមានការគោរពសិទ្ធិសេរីភាពសារព័ត៌មាន និងលទ្ធិប្រជាធិបតេយ្យនៅកម្ពុជា ដែលនឹងធ្វើឲ្យស្ថានការណ៍នយោបាយបច្ចុប្បន្ន វិលត្រឡប់មកធម្មតាវិញ និងដើម្បីធានាឲ្យការបោះឆ្នោតថ្នាក់ជាតិ ក្នុងឆ្នាំ២០១៨ ប្រព្រឹត្តទៅដោយសេរី ត្រឹមត្រូវ និងយុត្តិធម៌»។
ក្រៅពីសហគមន៍អន្តរជាតិ គណបក្សសង្គ្រោះជាតិ តាមរយៈសេចក្តីថ្លែងការណ៍ដដែល ក៏បានស្នើទៅរដ្ឋាភិបាលកម្ពុជាផងដែរ ដើម្បីសុំឲ្យវិទ្យាស្ថានជាតិប្រជាធិបតេយ្យ និងវិទ្យុមួយចំនួន ដំណើរឡើងវិញ។
សំណើររបស់គណបក្សសង្គ្រោះជាតិ ដែលសុំឲ្យរដ្ឋាភិបាលកម្ពុជា អនុគ្រោះដល់វិទ្យាស្ថានជាតិប្រជាធិបតេយ្យ និងប្រព័ន្ធផ្សព្វផ្សាយ ដែលត្រូវបានបិទចោលនាពេលថ្មីៗនេះ មិនអាចទៅរួចនោះទេ។ នេះជាការឆ្លើយតបរបស់លោក ផៃ ស៊ីផាន អ្នកនាំពាក្យនៃទីស្តីការគណៈរដ្ឋមន្ត្រី។ លោក ផៃ ស៊ីផាន ប្រាប់សារព័ត៌មានថ្មីៗថា ការបិទវិទ្យាស្ថានជាតិប្រជាធិបតេយ្យ រួមទាំងប្រព័ន្ធផ្សាព្វផ្សាយមួយចំនួនក្នុងស្រុក គឺជាការអនុវត្តច្បាប់ ដោយមិនពាក់ព័ន្ធនឹងរឿងអ្វីផ្សេងឡើយ។
ការគំរាមកំហែងដល់ ប្រព័ន្ធផ្សព្វផ្សាយ និងការប៉ះបាល់ដល់ការបោះឆ្នោតខាងមុខ ដែលគណបក្សសង្គ្រោះជាតិ លើកឡើង ក៏ត្រូវបានលោក ផៃ ស៊ីផាន ច្រានចោលដែរ។ អ្នកនាំពាក្យនៃទីស្តីការគណៈរដ្ឋមន្ត្រីរូបនេះ បញ្ជាក់ដូច្នេះថា៖«វា ជាវប្បធម៌របស់គណបក្សសង្គ្រោះជាតិទៅហើយ ដែលនិយាយថា ជាការគំរាមបែបនេះ។ នេះជាអនុវត្តច្បាប់របស់រដ្ឋាភិបាលកម្ពុជា ។ បើចង់បានប្រជាធិបតេយ្យ និងនីតិរដ្ឋ គណបក្សសង្គ្រោះជាតិ ត្រូវតែចូលរួមអនុវត្ត»៕
គណបក្សសង្គ្រោះជាតិ បានចេញសេចក្តីថ្លែងការណ៍មួយ នៅថ្ងៃទី ២៥ ខែសីហា ដោយបារម្ភចំពោះស្ថានការណ៍ក្នុងរយៈពេលចុងក្រោយនេះ ដែលរដ្ឋាភិបាលកម្ពុជា បញ្ឈប់សកម្មភាពវិទ្យាស្ថានជាតិប្រជាធិបតេយ្យ (NDI) របស់សហរដ្ឋអាមេរិក និងបិទវិទ្យុមហានគរ ខណៈស្ថាប័នសារព័ត៌មានផ្សេងទៀត ដូចជា ខេមបូឌា ដេលី អាស៊ីសេរី វីអូអេ និងវីអូឌី ជាដើម កំពុងជួបរឿងមិនសូវល្អ ក្នុងដំណើរការនៃការផ្សព្វផ្សាយរបស់ខ្លួន។ តាមរយៈសេចក្តីថ្លែងការណ៍ គណបក្សសង្គ្រោះជាតិ បានចាត់ទុក ព្រឹត្តិការណ៍ខាងលើថា ជាការគំរាមកំហែង ដែលអាចបង្កផលប៉ះពាល់ដល់ការបោះឆ្នោតថ្នាក់ជាតិ ក្នុងឆ្នាំ២០១៨។
ដើម្បីកែប្រែស្ថានភាពនេះ ឲ្យល្អឡើងវិញ គណបក្សសង្គ្រោះជាតិ បានសុំឲ្យសហគមន៍អន្តរជាតិ ជួយអន្តរាគមន៍។ គណបក្សសង្គ្រោះជាតិ បានស្នើឡើងនៅក្នុងសេចក្តីថ្លែងការណ៍យ៉ាងដូច្នេះ៖«[….] គណបក្សសង្គ្រោះជាតិ សូមអំពាវនាវ ដល់សហគមន៍អន្តរជាតិ ជួយធ្វើអន្តរាគមន៍ ដើម្បីធានាឲ្យមានការគោរពសិទ្ធិសេរីភាពសារព័ត៌មាន និងលទ្ធិប្រជាធិបតេយ្យនៅកម្ពុជា ដែលនឹងធ្វើឲ្យស្ថានការណ៍នយោបាយបច្ចុប្បន្ន វិលត្រឡប់មកធម្មតាវិញ និងដើម្បីធានាឲ្យការបោះឆ្នោតថ្នាក់ជាតិ ក្នុងឆ្នាំ២០១៨ ប្រព្រឹត្តទៅដោយសេរី ត្រឹមត្រូវ និងយុត្តិធម៌»។
ក្រៅពីសហគមន៍អន្តរជាតិ គណបក្សសង្គ្រោះជាតិ តាមរយៈសេចក្តីថ្លែងការណ៍ដដែល ក៏បានស្នើទៅរដ្ឋាភិបាលកម្ពុជាផងដែរ ដើម្បីសុំឲ្យវិទ្យាស្ថានជាតិប្រជាធិបតេយ្យ និងវិទ្យុមួយចំនួន ដំណើរឡើងវិញ។
សំណើររបស់គណបក្សសង្គ្រោះជាតិ ដែលសុំឲ្យរដ្ឋាភិបាលកម្ពុជា អនុគ្រោះដល់វិទ្យាស្ថានជាតិប្រជាធិបតេយ្យ និងប្រព័ន្ធផ្សព្វផ្សាយ ដែលត្រូវបានបិទចោលនាពេលថ្មីៗនេះ មិនអាចទៅរួចនោះទេ។ នេះជាការឆ្លើយតបរបស់លោក ផៃ ស៊ីផាន អ្នកនាំពាក្យនៃទីស្តីការគណៈរដ្ឋមន្ត្រី។ លោក ផៃ ស៊ីផាន ប្រាប់សារព័ត៌មានថ្មីៗថា ការបិទវិទ្យាស្ថានជាតិប្រជាធិបតេយ្យ រួមទាំងប្រព័ន្ធផ្សាព្វផ្សាយមួយចំនួនក្នុងស្រុក គឺជាការអនុវត្តច្បាប់ ដោយមិនពាក់ព័ន្ធនឹងរឿងអ្វីផ្សេងឡើយ។
ការគំរាមកំហែងដល់ ប្រព័ន្ធផ្សព្វផ្សាយ និងការប៉ះបាល់ដល់ការបោះឆ្នោតខាងមុខ ដែលគណបក្សសង្គ្រោះជាតិ លើកឡើង ក៏ត្រូវបានលោក ផៃ ស៊ីផាន ច្រានចោលដែរ។ អ្នកនាំពាក្យនៃទីស្តីការគណៈរដ្ឋមន្ត្រីរូបនេះ បញ្ជាក់ដូច្នេះថា៖«វា ជាវប្បធម៌របស់គណបក្សសង្គ្រោះជាតិទៅហើយ ដែលនិយាយថា ជាការគំរាមបែបនេះ។ នេះជាអនុវត្តច្បាប់របស់រដ្ឋាភិបាលកម្ពុជា ។ បើចង់បានប្រជាធិបតេយ្យ និងនីតិរដ្ឋ គណបក្សសង្គ្រោះជាតិ ត្រូវតែចូលរួមអនុវត្ត»៕
Tag:
CNRP
NDI
ផៃ ស៊ីផាន
© រក្សាសិទ្ធិដោយ thmeythmey.com
«មជ្ឈការ»មានន័យខុសពី«វិមជ្ឈការ»ដូចម្តេច?
1 សប្តាហ៍
