អន្តរជាតិ
ទោះជិតក្ស័យធន វេណេស៊ុយអេឡាសុខចិត្តដកលុយ៥លានជួយប្រជាជនអាមេរិករងគ្រោះដោយសារព្យុះ
×![]()
រដ្ឋាភិបាលវេណេស៊ុយអេឡាបានប្រកាសផ្តល់ជំនួយជាទឹកប្រាក់ ប្រាំលានដុល្លារដើម្បីជួយដល់ប្រជាជនអាមេរិកដែលរងគ្រោះដោយសារព្យុះ Harvey កន្លងមក។ ក្រុមហ៊ុនប្រេងរដ្ឋវេណេស៊ុយអេឡា Citgo ដែលមានទីស្នាក់ការនៅអាមេរិកជាអ្នករ៉ាប់រងផ្តល់ថវិកាទាំងនោះ។
ខ្យល់ព្យុះ Harvey បង្កផលប៉ះពាល់ខ្លាំងដល់ប្រជាជននៅរដ្ឋតិចសាស ហើយមនុស្សយ៉ាងហោចណាស់ ៣៨ នាក់បានស្លាប់បាត់បង់ជីវិតរួចទៅហើយ។ ប្រទេសជិតខាងដូចជាម៉ិកស៊ិកជាដើមនោះបានសុំផ្តល់ជំនួយដើម្បីជួយសង្គ្រោះប្រជាពលរដ្ឋអាមេរិកផងដែរ។
ចំណែកវេណេស៊ុយអេឡាដែលមិនមានទំនាក់ទំនងល្អសោះជាមួយអាមេរិកនោះ ក៏មិនបានឈរឱបដៃមើលដែរ។ រដ្ឋាភិបាលលោក នីកូឡា ម៉ាឌុយរ៉ូ បានប្រកាសផ្តល់ជំនួយជាថវិកាចំនួន ប្រាំលានដុល្លារទៅសហរដ្ឋអាមេរិកដើម្បីដោះស្រាយបញ្ហាបង្កដោយគ្រោះមហន្តរាយធម្មជាតិនេះ។
ទីភ្នាក់ងារព័ត៌មានអ៊ីរ៉ង់ Press TV បានស្រង់សម្តីរដ្ឋមន្ត្រីការបរទេសវេណេស៊ុយអេឡាលោក Jorge Arreaza ថា ថវិកាជំនួយនេះនឹងត្រូវផ្តល់ឲ្យប្រជាជនរងគ្រោះតាមរយៈក្រុមហ៊ុនប្រេង Citgo ដែលផ្នែកមួយក្រុមហ៊ុនប្រេងរដ្ឋវេណេស៊ុយអេឡា PDVSA និងមានទីតាំងនៅអាមេរិកស្រាប់នោះ។
លោកបានថ្លែងដូច្នេះ៖«វានឹងមានជំនួយដោយផ្ទាល់ដែលមានទំហំប្រាំលានដុល្លារ និងផ្តល់ឲ្យដោយក្រុមហ៊ុន Citgo ទៅកាន់ក្រុមគ្រួសារដែលរងគ្រោះដោយសារខ្យល់ព្យុះ នៅក្រុង Houston និង Corpus Christi ក្រោមការសហការជាមួយអភិបាលក្រុងនិងអាជ្ញាធរមូលដ្ឋានផង។ ជំហានបន្ទាប់យើងគ្រោងប្រើប្រាស់លុយមួយភាគរយនៃចំណូលនៃការលក់ផលិតផលរបស់យើងដើម្បីសាងសង់ផ្ទះនិងជម្រកសម្រាប់ជនរងគ្រោះ»។
ការប្រកាសផ្តល់ជំនួយរាប់លានដុល្លារដើម្បីជួយសង្គ្រោះប្រជាជនអាមេរិកនេះ កើតឡើងចំពេលដែលទំនាក់ទំនងរវាងអាមេរិកនិងវេណេស៊ុយអេឡាល្អក់កករកាន់តែខ្លាំង ហើយរដ្ឋសង្គមនិយមមួយនេះក៏ធ្លាក់ខ្លួនកាន់តែជ្រៅក្នុងវិបត្តិសេដ្ឋកិច្ចផងដែរ។ អតិផរណាកើនឡើងឥតឈប់ ហើយសេដ្ឋកិច្ចនេះអាចនឹងឈានទៅរកក្ស័យធនផងបើគ្មានដំណោះស្រាយសមស្របនោះ។ ប៉ុន្តែអាមេរិកបានបន្តដាក់គំនាបលើប្រទេសនេះដោយសម្រេចដាក់ទណ្ឌកម្មទូទៅ ប្រឆាំងមន្ត្រីជាន់ខ្ពស់ក្នុងរដ្ឋាភិបាលផង និងហាមឃាត់ធនាគារផ្តល់ប្រាក់កម្ចីដល់ក្រុមហ៊ុនប្រេងរបស់រដ្ឋ PDVSA ថែមទៀតកន្លងមកនេះ។
ទាក់ទងចំណងមិត្តភាពជាមួយអាមេរិក និងការផ្តល់ជំនួយទៅសហរដ្ឋអាមេរិកនេះ វេណេស៊ុយអេឡាបានអះអាងថា ខ្លួនទុករឿងនយោបាយមួយឡែក។ ប្រមុខការទូតវេណេស៊ុយអេឡាខាងលើបានបញ្ជាក់ដូច្នេះ៖ «យើងបញ្ជាក់ម្តងទៀត។ វាបង្ហាញពីការសាមគ្គីភាពរបស់ប្រជាជនវេណេស៊ុយអេឡាជាមួយប្រជាជនអាមេរិក ដែលវាហួសពីភាពខុសគ្នានិងខ្វែងគំនិតគ្នាផ្នែ នយោបាយ។ យើងត្រូវតែបង្ហាញពីទឹកចិត្តរបស់យើងក្នុងពេលដែលមិត្តរបស់យើងប្រឈមនឹងបញ្ហាធ្ងន់ធ្ងរបង្កឡើងបាតុភូតធម្មជាតិនេះ»។
ខ្យល់ព្យុះ Harvey បង្កផលប៉ះពាល់ខ្លាំងដល់ប្រជាជននៅរដ្ឋតិចសាស ហើយមនុស្សយ៉ាងហោចណាស់ ៣៨ នាក់បានស្លាប់បាត់បង់ជីវិតរួចទៅហើយ។ ប្រទេសជិតខាងដូចជាម៉ិកស៊ិកជាដើមនោះបានសុំផ្តល់ជំនួយដើម្បីជួយសង្គ្រោះប្រជាពលរដ្ឋអាមេរិកផងដែរ។
ចំណែកវេណេស៊ុយអេឡាដែលមិនមានទំនាក់ទំនងល្អសោះជាមួយអាមេរិកនោះ ក៏មិនបានឈរឱបដៃមើលដែរ។ រដ្ឋាភិបាលលោក នីកូឡា ម៉ាឌុយរ៉ូ បានប្រកាសផ្តល់ជំនួយជាថវិកាចំនួន ប្រាំលានដុល្លារទៅសហរដ្ឋអាមេរិកដើម្បីដោះស្រាយបញ្ហាបង្កដោយគ្រោះមហន្តរាយធម្មជាតិនេះ។
ទីភ្នាក់ងារព័ត៌មានអ៊ីរ៉ង់ Press TV បានស្រង់សម្តីរដ្ឋមន្ត្រីការបរទេសវេណេស៊ុយអេឡាលោក Jorge Arreaza ថា ថវិកាជំនួយនេះនឹងត្រូវផ្តល់ឲ្យប្រជាជនរងគ្រោះតាមរយៈក្រុមហ៊ុនប្រេង Citgo ដែលផ្នែកមួយក្រុមហ៊ុនប្រេងរដ្ឋវេណេស៊ុយអេឡា PDVSA និងមានទីតាំងនៅអាមេរិកស្រាប់នោះ។
លោកបានថ្លែងដូច្នេះ៖«វានឹងមានជំនួយដោយផ្ទាល់ដែលមានទំហំប្រាំលានដុល្លារ និងផ្តល់ឲ្យដោយក្រុមហ៊ុន Citgo ទៅកាន់ក្រុមគ្រួសារដែលរងគ្រោះដោយសារខ្យល់ព្យុះ នៅក្រុង Houston និង Corpus Christi ក្រោមការសហការជាមួយអភិបាលក្រុងនិងអាជ្ញាធរមូលដ្ឋានផង។ ជំហានបន្ទាប់យើងគ្រោងប្រើប្រាស់លុយមួយភាគរយនៃចំណូលនៃការលក់ផលិតផលរបស់យើងដើម្បីសាងសង់ផ្ទះនិងជម្រកសម្រាប់ជនរងគ្រោះ»។
ការប្រកាសផ្តល់ជំនួយរាប់លានដុល្លារដើម្បីជួយសង្គ្រោះប្រជាជនអាមេរិកនេះ កើតឡើងចំពេលដែលទំនាក់ទំនងរវាងអាមេរិកនិងវេណេស៊ុយអេឡាល្អក់កករកាន់តែខ្លាំង ហើយរដ្ឋសង្គមនិយមមួយនេះក៏ធ្លាក់ខ្លួនកាន់តែជ្រៅក្នុងវិបត្តិសេដ្ឋកិច្ចផងដែរ។ អតិផរណាកើនឡើងឥតឈប់ ហើយសេដ្ឋកិច្ចនេះអាចនឹងឈានទៅរកក្ស័យធនផងបើគ្មានដំណោះស្រាយសមស្របនោះ។ ប៉ុន្តែអាមេរិកបានបន្តដាក់គំនាបលើប្រទេសនេះដោយសម្រេចដាក់ទណ្ឌកម្មទូទៅ ប្រឆាំងមន្ត្រីជាន់ខ្ពស់ក្នុងរដ្ឋាភិបាលផង និងហាមឃាត់ធនាគារផ្តល់ប្រាក់កម្ចីដល់ក្រុមហ៊ុនប្រេងរបស់រដ្ឋ PDVSA ថែមទៀតកន្លងមកនេះ។
ទាក់ទងចំណងមិត្តភាពជាមួយអាមេរិក និងការផ្តល់ជំនួយទៅសហរដ្ឋអាមេរិកនេះ វេណេស៊ុយអេឡាបានអះអាងថា ខ្លួនទុករឿងនយោបាយមួយឡែក។ ប្រមុខការទូតវេណេស៊ុយអេឡាខាងលើបានបញ្ជាក់ដូច្នេះ៖ «យើងបញ្ជាក់ម្តងទៀត។ វាបង្ហាញពីការសាមគ្គីភាពរបស់ប្រជាជនវេណេស៊ុយអេឡាជាមួយប្រជាជនអាមេរិក ដែលវាហួសពីភាពខុសគ្នានិងខ្វែងគំនិតគ្នាផ្នែ នយោបាយ។ យើងត្រូវតែបង្ហាញពីទឹកចិត្តរបស់យើងក្នុងពេលដែលមិត្តរបស់យើងប្រឈមនឹងបញ្ហាធ្ងន់ធ្ងរបង្កឡើងបាតុភូតធម្មជាតិនេះ»។
Tag:
វេណេស៊ុយអេឡា
Harvey
នីកូឡា ម៉ាឌុយរ៉ូ
Citgo
Jorge Arreaza
© រក្សាសិទ្ធិដោយ thmeythmey.com
