អន្តរជាតិ
ព្យុះ Harvey៖ ដូណាល់ ត្រាំ មិនចង់ទទួលជំនួយពីម៉ិកស៊ិក តែព្រមទទួលជំនួយពីសិង្ហបុរី
រូបភាព៖ USA Today
×![]()
រដ្ឋតិចសាស និងតំបន់ខ្លះទៀតនៅអាមេរិកបន្តរងគ្រោះខ្លាំងដោយសារដោយសារខ្យល់ព្យុះ Harvey។ មនុស្សយ៉ាងហោចណាស់ ៣៨ នាក់បានស្លាប់បាត់បង់ជីវិត ហើយការខូចខាតទ្រព្យសម្បត្តិ និងសេដ្ឋកិច្ចជារួមកើនដល់ ៤២ ពាន់លានដុល្លារអាមេរិកឯណោះ។ អាជ្ញាធរកំពុងឆ្ការដៃឆ្ការជើងជួយសង្គ្រោះប្រជាពលរដ្ឋ ហើយគេឃើញបណ្តាប្រទេសជិតខាងអាមេរិកប្រកាសផ្តល់ជំនួយសង្គ្រោះជនរងគ្រោះទាំងនោះផង។ សិង្ហបុរីបានបញ្ជូនយន្តហោះបួនគ្រឿង និងទាហាន ៣៧នាក់ទៅចូលរួមប្រតិបត្តិការសង្គ្រោះពលរដ្ឋ ក្រោយលោក ដូណាល់ ត្រាំ ព្រមទទួលជំនួយពីរដ្ឋាភិបាលសិង្ហបុរី។ ចំណែកអភិបាលរដ្ឋតិចសាស ក៏ព្រមទទួលយកជំនួយពីម៉ិកស៊ិកដែរ ទោះកន្លងមករដ្ឋបាល ដូណាល់ ត្រាំ មិនសម្រេចចិត្តជាផ្លូវការទទួលយកជំនួយពីម៉ិកស៊ិកក្តី។
ខ្យល់ព្យុះ Harvey ក្លាយជាគ្រោះមហន្តរាយធម្មជាតិធំបំផុតមួយដែលបង្កគ្រោះថ្នាក់ខ្លាំងដល់ប្រជាជនអាមេរិកកន្លងមកនេះ។ ព្យុះនេះបង្កឲ្យមានទឹកជន់លិចផ្ទះ ផ្លូវថ្នល់ បំផ្លិចបំផ្លាញផ្ទះសម្បែង និងឆកយកជីវិតប្រជាជនជាច្រើននាក់ផងដែរ។ ប្រជាជនជាច្រើនម៉ឺននាក់ត្រូវបានគេជម្លៀសពីលំនៅដ្ឋានទៅរកកន្លែងមានសុវត្ថិភាព។
សារព័ត៌មាន New York Times ចុះផ្សាយដោយស្រង់សម្តីអាជ្ញាធរមូលដ្ឋានថា មនុស្សស្លាប់យ៉ាងហោចណាស់ ៣៨ នាក់ ហើយក្នុងចំណោមអ្នកស្លាប់នោះមានមន្ត្រីប៉ូលិសដែលកំពុងបំពេញការងារ ស្ត្រីចាស់ដែលពិបាករត់ភៀសខ្លួន និងមានអ្នកស្លាប់ដោយសារដើមឈើរលំសង្កត់ជាដើម។
១. ព្យុះ Harvey បង្កការខាតបង់អស់ ៤២ពាន់លានដុល្លារ
ខណៈដែលអាជ្ញាធរកំពុងផ្តោតយកចិត្តទុកដាក់លើការជួយសង្គ្រោះប្រជាពលរដ្ឋដែលរងគ្រោះដោយសារគ្រោះមហន្តរាយធម្មជាតិនេះ គេឃើញមានការវាយតម្លៃពីការខូចខាតបង្កឡើងដោយខ្យល់ព្យុះនេះដែរ។ ទីភ្នាក់ងារព័ត៌មាន AFP ដកស្រង់ទិន្នន័យស្ថាប័នស្រាវជ្រាវ Enki ដែលបង្ហាញថា ទំហំនៃការខូចខាតដែលបង្កឡើងដោយព្យុះនេះកើនដល់ ៤២ពាន់លានដុល្លារឯណោះ ហើយការខូចខាតនេះអាចនឹងកើនឡើងថែមទៀតនៅពេលខាងមុខ។
ទំហំនៃការខូចខាតនេះគឺវាប្រហាក់ប្រហែលនឹងការខូចខាតដែលបង្កឡើងដោយព្យុះ Ike ដែលវាយប្រហាររដ្ឋតិចសាសឆ្នាំ ២០០៨ ហើយវាមានទំហំធំជាងការខូតខាតដែលបង្កដោយព្យុះ Wilma ដែលកើតឡើងឆ្នាំ ២០០៥ផងដែរ។ កាលនោះទំហំនៃការខូតខាតមានត្រឹម ៣៨ពាន់លានដុល្លារប៉ុណ្ណោះ។
ដោយឡែក គេក៏ព្យាករផងដែរពីបញ្ហាដែកនឹងអាចកើតមានឡើងបន្តបន្ទាប់ទៀតនៅពេលអនាគតនោះ។ បើគ្រោះមហន្តរាយធម្មជាតិទ្រង់ទ្រាយធំបែបនេះកើតឡើងជាញឹកញាប់ វានឹងធ្វើឲ្យទីក្រុងភាគច្រើននៅក្នុងរដ្ឋតិចសាសប្រឈមបញ្ហាច្រើន ជាពិសេសប៉ះពាល់ដល់ការបំពេញការងារ, ការប្រមូលពន្ធ, កាត់ផ្តាច់ការផ្គត់ផ្គង់ចំណីអាហារ ប្រេង ឧស្ម័ន រួមទាំងការលក់ដូរប្រកបអាជីវកម្មផងដែរ។
២.អាជ្ញាធរតិចសាសព្រមទទួលជំនួយពីម៉ិកស៊ិក ទោះលោកត្រាំ មិនព្រម
ស្ថិតក្នុងគ្រាលំបាកនេះ ម៉ិកស៊ិកបានសម្រេចសុំផ្តល់ជំនួយសង្គ្រោះដល់ប្រជាជនអាមេរិកដែរ។ ប៉ុន្តែកន្លងមករដ្ឋបាលលោក ដូណាល់ ត្រាំ បង្ហាញជំហរស្ទាក់ស្ទើរ និងមិនបានសម្រេចចិត្តភ្លាមៗទទួលឲ្យម៉ិកស៊ិកចូលជួយសង្គ្រោះឡើយ។
តាមពិតទៅ ការស្នើសុំផ្តល់ជំនួយនេះ កើតឡើងចំពេលដែលទំនាក់ទំនងរវាងអាមេរិកនិងម៉ិកស៊ិកល្អក់កករ ព្រោះលោក ត្រាំ បន្តទាលុយថ្លៃសង់ជញ្ជាំងតាមព្រំដែន និងគំរាមបណ្តេញប្រជាជនម៉ិកស៊ិកដែលរស់នៅខុសច្បាប់នៅអាមេរិកផង។ ប្រជាជនម៉ិកស៊ិកយ៉ាងហោចណាស់ ប្រាំមួយសែននាក់បន្តរស់នៅដោយគ្មានឯកសារត្រឹមត្រូវក្នុងទឹកដីអាមេរិក ហើយពួកប្រឈមមុខនឹងការបណ្តេញចេញថែមទៀតផង។
ពាក់ព័ន្ធការទទួលជំនួយម៉ិកស៊ិកនេះ សារព័ត៌មាន Dallas News ផ្សាយថា អភិបាលរដ្ឋតិចសាស Greg Abbott បានអះអាងថា រដ្ឋរបស់លោកព្រមទទួលជំនួយពីខាងរដ្ឋាភិបាលម៉ិកស៊ិក។ លោកបានបញ្ជាក់ដូច្នេះ៖«ពិតហើយ ។ យើងកំពុងទទួលជំនួយពីខាងម៉ិកស៊ិក។ យើងមានបញ្ជាជំនួយនានាដែលគេផ្តល់ឲ្យយើង»។
កាលពីថ្ងៃអង្គារ ម៉ិកស៊ិកបានផ្ញើកំណត់ទូតមួយដែលមានបញ្ជាក់ពីបញ្ជីសម្ភារៈនិងមធ្យោបាយដែលអាចជួយសង្គ្រោះប្រជាជនអាមេរិកបាន។ ក្នុងនោះម៉ិកស៊ិកក៏ត្រៀមបញ្ជូនទាហាន, រថយន្តដឹកស្បៀង ថ្នាំសង្កូវ ទឹក និងសម្ភារៈផ្សេងទៀតផងដែរ។
៣.មិនទទួលជំនួយពីម៉ិកស៊ិក តែព្រមទទួលពីជំនួយសិង្ហបុរី?
ថ្វីបើលោក ត្រាំ មិនប្រកាសទទួលជំនួយពីម៉ិកស៊ិកជាផ្លូវការក៏ដោយ លោកបានព្រមទទួលជំនួយពីសង្ហបុរីកាលពីថ្ងៃអង្គារកន្លងទៅ។ រដ្ឋាភិបាលសិង្ហបុរីបានសម្រេចបញ្ជូនយន្តហោះដឹកជញ្ជូន CH-47 ចំនួន បួនគ្រឿងឲ្យទៅជួយដឹកជញ្ជូនប្រជាជន និងដឹកស្បៀងសម្រាប់ជនរងគ្រោះផងដែរ។
បើតាមទូរទស្សន៍សិង្ហបុរី Channel News Asia លោក ដូណាល់ ត្រាំ បាននិយាយតាមទូរសព្ទជាមួយនាយករដ្ឋមន្ត្រីសិង្ហបុរីលោក លី សៀនឡុង ក្នុងពេលលោកចេញដំណើរទៅតិចសាស។ ពេលនោះលោក ត្រាំ ក៏ព្រមទទួលយកការផ្តល់ជំនួយសង្គ្រោះនោះភ្លាមដែរ។ កងទ័ពសង្ហបុរី ៣៤នាក់ និងយន្តហោះដឹកជញ្ជូនបួនគ្រឿង ចូលរួមក្នុងប្រតិបត្តិការជួយសង្គ្រោះនេះ ហើយពួកគេមានវត្តមាននៅក្រុង Peace Prairie នៃរដ្ឋតិចសាស ចាប់ពីឆ្នាំ ១៩៩៩ ដោយពួកគេចូលរួមការបណ្តុះបណ្តាល និងហ្វឹកហ្វឺនបច្ចេកទេសនៅទីនោះ៕
ខ្យល់ព្យុះ Harvey ក្លាយជាគ្រោះមហន្តរាយធម្មជាតិធំបំផុតមួយដែលបង្កគ្រោះថ្នាក់ខ្លាំងដល់ប្រជាជនអាមេរិកកន្លងមកនេះ។ ព្យុះនេះបង្កឲ្យមានទឹកជន់លិចផ្ទះ ផ្លូវថ្នល់ បំផ្លិចបំផ្លាញផ្ទះសម្បែង និងឆកយកជីវិតប្រជាជនជាច្រើននាក់ផងដែរ។ ប្រជាជនជាច្រើនម៉ឺននាក់ត្រូវបានគេជម្លៀសពីលំនៅដ្ឋានទៅរកកន្លែងមានសុវត្ថិភាព។
សារព័ត៌មាន New York Times ចុះផ្សាយដោយស្រង់សម្តីអាជ្ញាធរមូលដ្ឋានថា មនុស្សស្លាប់យ៉ាងហោចណាស់ ៣៨ នាក់ ហើយក្នុងចំណោមអ្នកស្លាប់នោះមានមន្ត្រីប៉ូលិសដែលកំពុងបំពេញការងារ ស្ត្រីចាស់ដែលពិបាករត់ភៀសខ្លួន និងមានអ្នកស្លាប់ដោយសារដើមឈើរលំសង្កត់ជាដើម។
១. ព្យុះ Harvey បង្កការខាតបង់អស់ ៤២ពាន់លានដុល្លារ
ខណៈដែលអាជ្ញាធរកំពុងផ្តោតយកចិត្តទុកដាក់លើការជួយសង្គ្រោះប្រជាពលរដ្ឋដែលរងគ្រោះដោយសារគ្រោះមហន្តរាយធម្មជាតិនេះ គេឃើញមានការវាយតម្លៃពីការខូចខាតបង្កឡើងដោយខ្យល់ព្យុះនេះដែរ។ ទីភ្នាក់ងារព័ត៌មាន AFP ដកស្រង់ទិន្នន័យស្ថាប័នស្រាវជ្រាវ Enki ដែលបង្ហាញថា ទំហំនៃការខូចខាតដែលបង្កឡើងដោយព្យុះនេះកើនដល់ ៤២ពាន់លានដុល្លារឯណោះ ហើយការខូចខាតនេះអាចនឹងកើនឡើងថែមទៀតនៅពេលខាងមុខ។
ទំហំនៃការខូចខាតនេះគឺវាប្រហាក់ប្រហែលនឹងការខូចខាតដែលបង្កឡើងដោយព្យុះ Ike ដែលវាយប្រហាររដ្ឋតិចសាសឆ្នាំ ២០០៨ ហើយវាមានទំហំធំជាងការខូតខាតដែលបង្កដោយព្យុះ Wilma ដែលកើតឡើងឆ្នាំ ២០០៥ផងដែរ។ កាលនោះទំហំនៃការខូតខាតមានត្រឹម ៣៨ពាន់លានដុល្លារប៉ុណ្ណោះ។
ដោយឡែក គេក៏ព្យាករផងដែរពីបញ្ហាដែកនឹងអាចកើតមានឡើងបន្តបន្ទាប់ទៀតនៅពេលអនាគតនោះ។ បើគ្រោះមហន្តរាយធម្មជាតិទ្រង់ទ្រាយធំបែបនេះកើតឡើងជាញឹកញាប់ វានឹងធ្វើឲ្យទីក្រុងភាគច្រើននៅក្នុងរដ្ឋតិចសាសប្រឈមបញ្ហាច្រើន ជាពិសេសប៉ះពាល់ដល់ការបំពេញការងារ, ការប្រមូលពន្ធ, កាត់ផ្តាច់ការផ្គត់ផ្គង់ចំណីអាហារ ប្រេង ឧស្ម័ន រួមទាំងការលក់ដូរប្រកបអាជីវកម្មផងដែរ។
២.អាជ្ញាធរតិចសាសព្រមទទួលជំនួយពីម៉ិកស៊ិក ទោះលោកត្រាំ មិនព្រម
ស្ថិតក្នុងគ្រាលំបាកនេះ ម៉ិកស៊ិកបានសម្រេចសុំផ្តល់ជំនួយសង្គ្រោះដល់ប្រជាជនអាមេរិកដែរ។ ប៉ុន្តែកន្លងមករដ្ឋបាលលោក ដូណាល់ ត្រាំ បង្ហាញជំហរស្ទាក់ស្ទើរ និងមិនបានសម្រេចចិត្តភ្លាមៗទទួលឲ្យម៉ិកស៊ិកចូលជួយសង្គ្រោះឡើយ។
តាមពិតទៅ ការស្នើសុំផ្តល់ជំនួយនេះ កើតឡើងចំពេលដែលទំនាក់ទំនងរវាងអាមេរិកនិងម៉ិកស៊ិកល្អក់កករ ព្រោះលោក ត្រាំ បន្តទាលុយថ្លៃសង់ជញ្ជាំងតាមព្រំដែន និងគំរាមបណ្តេញប្រជាជនម៉ិកស៊ិកដែលរស់នៅខុសច្បាប់នៅអាមេរិកផង។ ប្រជាជនម៉ិកស៊ិកយ៉ាងហោចណាស់ ប្រាំមួយសែននាក់បន្តរស់នៅដោយគ្មានឯកសារត្រឹមត្រូវក្នុងទឹកដីអាមេរិក ហើយពួកប្រឈមមុខនឹងការបណ្តេញចេញថែមទៀតផង។
ពាក់ព័ន្ធការទទួលជំនួយម៉ិកស៊ិកនេះ សារព័ត៌មាន Dallas News ផ្សាយថា អភិបាលរដ្ឋតិចសាស Greg Abbott បានអះអាងថា រដ្ឋរបស់លោកព្រមទទួលជំនួយពីខាងរដ្ឋាភិបាលម៉ិកស៊ិក។ លោកបានបញ្ជាក់ដូច្នេះ៖«ពិតហើយ ។ យើងកំពុងទទួលជំនួយពីខាងម៉ិកស៊ិក។ យើងមានបញ្ជាជំនួយនានាដែលគេផ្តល់ឲ្យយើង»។
កាលពីថ្ងៃអង្គារ ម៉ិកស៊ិកបានផ្ញើកំណត់ទូតមួយដែលមានបញ្ជាក់ពីបញ្ជីសម្ភារៈនិងមធ្យោបាយដែលអាចជួយសង្គ្រោះប្រជាជនអាមេរិកបាន។ ក្នុងនោះម៉ិកស៊ិកក៏ត្រៀមបញ្ជូនទាហាន, រថយន្តដឹកស្បៀង ថ្នាំសង្កូវ ទឹក និងសម្ភារៈផ្សេងទៀតផងដែរ។
៣.មិនទទួលជំនួយពីម៉ិកស៊ិក តែព្រមទទួលពីជំនួយសិង្ហបុរី?
ថ្វីបើលោក ត្រាំ មិនប្រកាសទទួលជំនួយពីម៉ិកស៊ិកជាផ្លូវការក៏ដោយ លោកបានព្រមទទួលជំនួយពីសង្ហបុរីកាលពីថ្ងៃអង្គារកន្លងទៅ។ រដ្ឋាភិបាលសិង្ហបុរីបានសម្រេចបញ្ជូនយន្តហោះដឹកជញ្ជូន CH-47 ចំនួន បួនគ្រឿងឲ្យទៅជួយដឹកជញ្ជូនប្រជាជន និងដឹកស្បៀងសម្រាប់ជនរងគ្រោះផងដែរ។
បើតាមទូរទស្សន៍សិង្ហបុរី Channel News Asia លោក ដូណាល់ ត្រាំ បាននិយាយតាមទូរសព្ទជាមួយនាយករដ្ឋមន្ត្រីសិង្ហបុរីលោក លី សៀនឡុង ក្នុងពេលលោកចេញដំណើរទៅតិចសាស។ ពេលនោះលោក ត្រាំ ក៏ព្រមទទួលយកការផ្តល់ជំនួយសង្គ្រោះនោះភ្លាមដែរ។ កងទ័ពសង្ហបុរី ៣៤នាក់ និងយន្តហោះដឹកជញ្ជូនបួនគ្រឿង ចូលរួមក្នុងប្រតិបត្តិការជួយសង្គ្រោះនេះ ហើយពួកគេមានវត្តមាននៅក្រុង Peace Prairie នៃរដ្ឋតិចសាស ចាប់ពីឆ្នាំ ១៩៩៩ ដោយពួកគេចូលរួមការបណ្តុះបណ្តាល និងហ្វឹកហ្វឺនបច្ចេកទេសនៅទីនោះ៕
Tag:
ដូណាល់ ត្រាំ
ម៉ិកស៊ិក
សិង្ហបុរី
Harvey
© រក្សាសិទ្ធិដោយ thmeythmey.com
