ជាតិ
×![]()
ដោយ: ថ្មីៗ
ភ្នំពេញ៖ គណបក្សសង្គ្រោះជាតិ នៅតែប្រកាន់ជំហរអហិង្សាដដែល ទោះបីជាឯកឧត្តម កឹម សុខា ត្រូវបានចាប់ខ្លួនក៏ដោយ។ នេះបើតាមការអះអាងរបស់លោក សុន ឆ័យ តំណាងរាស្ត្រនិងជាមន្ត្រីជាន់ខ្ពស់គណបក្សសង្គ្រោះជាតិ។
នៅក្នុងសន្និសីទកាសែត ដែលរៀបចំឡើនៅទីស្នាក់ការកណ្តាល កាលពីព្រឹកថ្ងៃទី១២ ខែកញ្ញា ឆ្នាំ២0១៧នេះ លោក សុន ឆ័យ បានប្រកាសថា គណបក្សសង្គ្រោះជាតិ នៅតែធ្វើកិច្ចការជាធម្មតា ដើម្បីឆ្ពោះទៅរកការបោះឆ្នោតនាពេលខាងមុខ ដោយមិនបានគិតពីគម្រោងអ្វី ដែលនាំឲ្យប៉ះពាល់ដល់សន្តិសុខប្រទេសជាតិ ឬលទ្ធិប្រជាធិបតេយ្យ នោះទេ។ មន្ត្រីជាន់ខ្ពស់គណបក្សសង្គ្រោះជាតិរូបនេះ បញ្ជាក់ដូច្នេះថា៖«គោលដៅរបស់យើង មានតែមួយគត់ គឺឆ្ពោះទៅរកការបោះឆ្នោត។ យើងគ្មានផែនការធ្វើបាតុកម្មទេ»។
លោក សុន ឆ័យ សង្កត់ធ្ងន់ថា ក្រោយឯកឧត្តម កឹម សុខា ត្រូវបានចាប់ខ្លួន គណបក្សសង្គ្រោះជាតិ បានហៅមន្ត្រីនៅតាមរាជធានី-ខេត្ត ក្នុងប្រទេសកម្ពុជា មកប្រជុំ ហើយបានស្នើឲ្យធ្វើការទៅតាមតួនាទីរបស់ខ្លួន ជាពិសេសត្រូវពង្រឹងសមត្ថភាព និងខិតខំបម្រើប្រជាពលរដ្ឋឲ្យបានល្អ។
យ៉ាងណាក៏ដោយចុះ លោក សុន ឆ័យ នៅតែអះអាងថា គណបក្សសង្គ្រោះជាតិ ទាមទារឲ្យដោះលែងឯកឧត្តម កឹម សុខា។ ម្យ៉ាងទៀត លោក ទទូចឲ្យរដ្ឋាភិបាលកម្ពុជា រួមទាំងសហគមន៍អន្តរជាតិនានា ជួយធ្វើអន្តរាគមន៍ ដើម្បីឲ្យស្ថានភាពនយោបាយ វិលទៅរកប្រក្រតីភាពឡើងវិញ ខណៈការបោះឆ្នោតថ្នាក់ជាតិ កាន់តែខិតជិតមកដល់។
ទោះជាមិនធ្វើបាតុកម្ម ក៏ពិតមែន ប៉ុន្តែគណបក្សសង្គ្រោះជាតិ បានប្រកាសថា ក្រុមតំណាងរាស្ត្រខ្លួន នឹងធ្វើដំណើរទៅកាន់ពន្ធនាគារត្រពាំងផ្លុង ក្នុងខេត្តត្បូងឃ្មុំ ជារៀងរាល់ថ្ងៃចន្ទ ដើម្បីសុំចូលជួប និងសុំឲ្យដោះលែងឯកឧត្តម កឹម សុខា។ ក្រុមតំណាងរាស្ត្រគណបក្សសង្គ្រោះជាតិ ធ្លាប់បានស្នើទៅចៅក្រមស៊ើបសួរនៃសាលាដំបូងរាជធានីភ្នំពេញ ដើម្បីសុំចូលជួបឯកឧត្តម កឹម សុខា នៅក្នុងពន្ធនាគារត្រពាំងផ្លុង។ ប៉ុន្តែសំណើនេះ ត្រូវបានច្រានចោល៕
នៅក្នុងសន្និសីទកាសែត ដែលរៀបចំឡើនៅទីស្នាក់ការកណ្តាល កាលពីព្រឹកថ្ងៃទី១២ ខែកញ្ញា ឆ្នាំ២0១៧នេះ លោក សុន ឆ័យ បានប្រកាសថា គណបក្សសង្គ្រោះជាតិ នៅតែធ្វើកិច្ចការជាធម្មតា ដើម្បីឆ្ពោះទៅរកការបោះឆ្នោតនាពេលខាងមុខ ដោយមិនបានគិតពីគម្រោងអ្វី ដែលនាំឲ្យប៉ះពាល់ដល់សន្តិសុខប្រទេសជាតិ ឬលទ្ធិប្រជាធិបតេយ្យ នោះទេ។ មន្ត្រីជាន់ខ្ពស់គណបក្សសង្គ្រោះជាតិរូបនេះ បញ្ជាក់ដូច្នេះថា៖«គោលដៅរបស់យើង មានតែមួយគត់ គឺឆ្ពោះទៅរកការបោះឆ្នោត។ យើងគ្មានផែនការធ្វើបាតុកម្មទេ»។
លោក សុន ឆ័យ សង្កត់ធ្ងន់ថា ក្រោយឯកឧត្តម កឹម សុខា ត្រូវបានចាប់ខ្លួន គណបក្សសង្គ្រោះជាតិ បានហៅមន្ត្រីនៅតាមរាជធានី-ខេត្ត ក្នុងប្រទេសកម្ពុជា មកប្រជុំ ហើយបានស្នើឲ្យធ្វើការទៅតាមតួនាទីរបស់ខ្លួន ជាពិសេសត្រូវពង្រឹងសមត្ថភាព និងខិតខំបម្រើប្រជាពលរដ្ឋឲ្យបានល្អ។
យ៉ាងណាក៏ដោយចុះ លោក សុន ឆ័យ នៅតែអះអាងថា គណបក្សសង្គ្រោះជាតិ ទាមទារឲ្យដោះលែងឯកឧត្តម កឹម សុខា។ ម្យ៉ាងទៀត លោក ទទូចឲ្យរដ្ឋាភិបាលកម្ពុជា រួមទាំងសហគមន៍អន្តរជាតិនានា ជួយធ្វើអន្តរាគមន៍ ដើម្បីឲ្យស្ថានភាពនយោបាយ វិលទៅរកប្រក្រតីភាពឡើងវិញ ខណៈការបោះឆ្នោតថ្នាក់ជាតិ កាន់តែខិតជិតមកដល់។
ទោះជាមិនធ្វើបាតុកម្ម ក៏ពិតមែន ប៉ុន្តែគណបក្សសង្គ្រោះជាតិ បានប្រកាសថា ក្រុមតំណាងរាស្ត្រខ្លួន នឹងធ្វើដំណើរទៅកាន់ពន្ធនាគារត្រពាំងផ្លុង ក្នុងខេត្តត្បូងឃ្មុំ ជារៀងរាល់ថ្ងៃចន្ទ ដើម្បីសុំចូលជួប និងសុំឲ្យដោះលែងឯកឧត្តម កឹម សុខា។ ក្រុមតំណាងរាស្ត្រគណបក្សសង្គ្រោះជាតិ ធ្លាប់បានស្នើទៅចៅក្រមស៊ើបសួរនៃសាលាដំបូងរាជធានីភ្នំពេញ ដើម្បីសុំចូលជួបឯកឧត្តម កឹម សុខា នៅក្នុងពន្ធនាគារត្រពាំងផ្លុង។ ប៉ុន្តែសំណើនេះ ត្រូវបានច្រានចោល៕
Tag:
កឹម សុខា
សុន ឆ័យ
© រក្សាសិទ្ធិដោយ thmeythmey.com
«មជ្ឈការ»មានន័យខុសពី«វិមជ្ឈការ»ដូចម្តេច?
1 សប្តាហ៍
