អន្តរជាតិ
×![]()
រដ្ឋមន្ត្រីការបរទេសអាមេរិកលោក រិច ធីល័រសិន នឹងធ្វើទៅដំណើរទៅកាន់ក្រុងប៉េកាំងដើម្បីជួបពិភាក្សាជាមួយមេដឹកនាំចិន។ វិបត្តិនុយក្លេអ៊ែរកូរ៉េ និងបញ្ហាពាណិជ្ជកម្មទ្វេភាគី ក្លាយជាកម្មវត្ថុចម្បង នៃដំណើរទស្សនកិច្ចរបស់ប្រមុខការទូតអាមេរិករូបនេះ។
ក្រសួងការបរទេសអាមេរិក បានចេញសេចក្តីប្រកាសព័ត៌មានបញ្ជាក់ថា រដ្ឋមន្ត្រីការទូតអាមេរិក លោក រិច ធីល័រសិន នឹងទស្សនកិច្ចនៅក្រុងប៉េកាំង រយៈពេល៣ថ្ងៃ ចាប់ពីថ្ងៃព្រហស្បតិ៍ ដល់ថ្ងៃសៅរ៍សប្តាហ៍នេះ។
យោងតាមសេចក្តីប្រកាសព័ត៌មាន អ្នកនាំពាក្យក្រសួងការបរទេសអាមេរិក Heather Nauert បានបញ្ជាក់ថា៖«រដ្ឋមន្ត្រីការបរទេសអាមេរិក រិច ធីល័រសិន នឹងជួបពិភាក្សាជាមួយមេដឹកនាំជាន់ខ្ពស់របស់ចិន ហើយលោក នឹងពិភាក្សាពីបញ្ហាជាច្រើន រួមទាំងគម្រោងទស្សនកិច្ចរបស់ប្រធានាធិបតី ដូណាល់ ត្រាំ ទៅកាន់តំបន់អាស៊ី ការរំសាយនុយក្លេអ៊ែរនៅឧបទ្វីបកូរ៉េ រួមទាំងបញ្ហាសេដ្ឋកិច្ច ពាណិជ្ជកម្ម និងវិនិយោគផង»។
វត្តមានរបស់ ប្រមុខការទូតអាមេរិកនៅចិន កើតឡើងចំពេលដែលភាពតានតឹងកើនឡើងខ្លាំងរវាងអាមេរិក និងកូរ៉េខាងជើង បន្ទាប់ពីរដ្ឋកុម្មុយនីស្តនេះ បន្តបាញ់សាកល្បងមីស៊ីលរបស់ខ្លួនឥតឈប់ឈរ។ អាមេរិក ប្រហែលជាបន្តទទូចឲ្យចិន ចាត់វិធានការបន្ថែមទៀត ដើម្បីដាក់សម្ពាធលើក្រុងព្យុងយ៉ាង។
នៅថ្ងៃអង្គារទី ២៦ កញ្ញា ដូណាល់ ត្រាំ ក៏បានព្រមានកូរ៉េខាងជើងដែរថា ការប្រើប្រាស់កម្លាំងទ័ពរបស់អាមេរិក នឹងធ្វើឲ្យកូរ៉េខាងជើងខ្ទេចខ្ទី ប៉ុន្តែលោកទទួលស្គាល់ថា ការប្រើកម្លាំងបាយមិនមែនជាជម្រើសទីមួយរបស់អាមេរិកឡើយ។ ចំណែកក្រុងប៉េកាំង ដែលជាខ្នងបង្អែកកូរ៉េខាងជើងនោះ បានអំពាវនាវឲ្យភាគីទាំងអស់ ត្រឡប់ទៅរកការសន្ទនាវិញ ដើម្បីបញ្ចៀសគ្រោះមហន្តរាយ។
កន្លងមកមហាយក្សចិន ក៏បានគាំទ្រដំណោះស្រាយក្រុមប្រឹក្សាសន្តិសុខ ប្រឆាំងកូរ៉េខាងជើងផងដែរ ហើយចិន ក៏បានសន្យាអនុវត្តដំណោះស្រាយនេះ ឲ្យបានពេញលេញដែរ។ ប៉ុន្តែ ចិននៅតែជំទាស់វិធានការឯកតោភាគីរបស់អាមេរិក ដែលចង់កាត់ផ្តាច់ទំនាក់ទំនងពាណិជ្ជកម្មជាមួយរាល់ប្រទេសទាំងអស់ ដែលធ្វើពាណិជ្ជកម្មជាមួយកូរ៉េខាងជើង។
ដោយឡែកថ្ងៃអង្គារទី ២៦ ខែកញ្ញា ក្រសួងសេដ្ឋកិច្ចអាមេរិក បានសម្រេចដាក់ទណ្ឌកម្មប្រឆាំងមន្ត្រីកូរ៉េខាងជើង ២៦នាក់ និងធនាគារកូរ៉េខាងជើងចំនួន ៩ផ្សេងទៀត ដែលក្នុងចំណោមនោះមានធនាគារ ដែលមានទំនាក់ទំនងជាមួយចិនផងដែរ៕
ក្រសួងការបរទេសអាមេរិក បានចេញសេចក្តីប្រកាសព័ត៌មានបញ្ជាក់ថា រដ្ឋមន្ត្រីការទូតអាមេរិក លោក រិច ធីល័រសិន នឹងទស្សនកិច្ចនៅក្រុងប៉េកាំង រយៈពេល៣ថ្ងៃ ចាប់ពីថ្ងៃព្រហស្បតិ៍ ដល់ថ្ងៃសៅរ៍សប្តាហ៍នេះ។
យោងតាមសេចក្តីប្រកាសព័ត៌មាន អ្នកនាំពាក្យក្រសួងការបរទេសអាមេរិក Heather Nauert បានបញ្ជាក់ថា៖«រដ្ឋមន្ត្រីការបរទេសអាមេរិក រិច ធីល័រសិន នឹងជួបពិភាក្សាជាមួយមេដឹកនាំជាន់ខ្ពស់របស់ចិន ហើយលោក នឹងពិភាក្សាពីបញ្ហាជាច្រើន រួមទាំងគម្រោងទស្សនកិច្ចរបស់ប្រធានាធិបតី ដូណាល់ ត្រាំ ទៅកាន់តំបន់អាស៊ី ការរំសាយនុយក្លេអ៊ែរនៅឧបទ្វីបកូរ៉េ រួមទាំងបញ្ហាសេដ្ឋកិច្ច ពាណិជ្ជកម្ម និងវិនិយោគផង»។
វត្តមានរបស់ ប្រមុខការទូតអាមេរិកនៅចិន កើតឡើងចំពេលដែលភាពតានតឹងកើនឡើងខ្លាំងរវាងអាមេរិក និងកូរ៉េខាងជើង បន្ទាប់ពីរដ្ឋកុម្មុយនីស្តនេះ បន្តបាញ់សាកល្បងមីស៊ីលរបស់ខ្លួនឥតឈប់ឈរ។ អាមេរិក ប្រហែលជាបន្តទទូចឲ្យចិន ចាត់វិធានការបន្ថែមទៀត ដើម្បីដាក់សម្ពាធលើក្រុងព្យុងយ៉ាង។
នៅថ្ងៃអង្គារទី ២៦ កញ្ញា ដូណាល់ ត្រាំ ក៏បានព្រមានកូរ៉េខាងជើងដែរថា ការប្រើប្រាស់កម្លាំងទ័ពរបស់អាមេរិក នឹងធ្វើឲ្យកូរ៉េខាងជើងខ្ទេចខ្ទី ប៉ុន្តែលោកទទួលស្គាល់ថា ការប្រើកម្លាំងបាយមិនមែនជាជម្រើសទីមួយរបស់អាមេរិកឡើយ។ ចំណែកក្រុងប៉េកាំង ដែលជាខ្នងបង្អែកកូរ៉េខាងជើងនោះ បានអំពាវនាវឲ្យភាគីទាំងអស់ ត្រឡប់ទៅរកការសន្ទនាវិញ ដើម្បីបញ្ចៀសគ្រោះមហន្តរាយ។
កន្លងមកមហាយក្សចិន ក៏បានគាំទ្រដំណោះស្រាយក្រុមប្រឹក្សាសន្តិសុខ ប្រឆាំងកូរ៉េខាងជើងផងដែរ ហើយចិន ក៏បានសន្យាអនុវត្តដំណោះស្រាយនេះ ឲ្យបានពេញលេញដែរ។ ប៉ុន្តែ ចិននៅតែជំទាស់វិធានការឯកតោភាគីរបស់អាមេរិក ដែលចង់កាត់ផ្តាច់ទំនាក់ទំនងពាណិជ្ជកម្មជាមួយរាល់ប្រទេសទាំងអស់ ដែលធ្វើពាណិជ្ជកម្មជាមួយកូរ៉េខាងជើង។
ដោយឡែកថ្ងៃអង្គារទី ២៦ ខែកញ្ញា ក្រសួងសេដ្ឋកិច្ចអាមេរិក បានសម្រេចដាក់ទណ្ឌកម្មប្រឆាំងមន្ត្រីកូរ៉េខាងជើង ២៦នាក់ និងធនាគារកូរ៉េខាងជើងចំនួន ៩ផ្សេងទៀត ដែលក្នុងចំណោមនោះមានធនាគារ ដែលមានទំនាក់ទំនងជាមួយចិនផងដែរ៕
Tag:
ចិន
រិច ធីល័រសិន
អាមេរិក
ដូណាល់ ត្រាំ
កូរ៉េខាងជើង
© រក្សាសិទ្ធិដោយ thmeythmey.com
