អន្តរជាតិ
ជនភៀសខ្លួនរ៉ូហ៊ីងយ៉ាកើនលើស ៧០ម៉ឺននាក់ ធ្វើឲ្យអង្គការសហប្រជាជាតិបារម្ភរឿងខ្វះខាតជំនួយ
រូបភាព៖ NPR
×![]()
ជនភៀសខ្លួនជនជាតិរ៉ូហ៊ីងយ៉ាទៅកាន់បង់ក្លាដែសកើនឡើងលើសពី៧០ម៉ឺននាក់ហើយ ដែលការណ៍នេះបង្កឲ្យមានការលំបាកក្នុងការថែទាំក៏ដូចជាផ្ដល់សំភារៈផ្គត់ផ្គង់ជាចាំបាច់ដល់ពួកគេដែរ។ នេះបើតាមការឲ្យដឹងពីទីភ្នាក់ងារអង្គការសហប្រជាជាតិ។
ការិយាល័យអង្គការសហប្រជាជាតិទទួលបន្ទុកសម្របសម្រួលជំនួយមនុស្សធម៌បានអះអាងថា ចំនួនជនភៀសខ្លួនរ៉ូហ៊ីងយ៉ាដែលភៀសខ្លួនទៅបង់ក្លាដែសចាប់តាំងពីខែសីហាបានកើនឡើងដល់៤៨ម៉ឺននាក់ហើយ។ ចំនួនជនជាតិរ៉ូហ៊ីងយ៉ាសរុបក្នុងជំរំជនភៀសខ្លួនក្នុងទឹកដីបង់ក្លាដែសបានកើនលើសពី៧០ម៉ឺននាក់ហើយ។
ការកើនឡើងនៃចំនួនជនភៀសខ្លួនបានធ្វើឲ្យទីភ្នាក់ងារអង្គការសហប្រជាជាតិជួបការលំបាកក្នុងការផ្ដល់ជំនួយមនុស្សធម៌ដូចជាស្បៀងអាហាររួមជាមួយសម្ភារចាំបាច់ផ្សេងៗទៀតដល់ជនជាតិរ៉ូហ៊ីងយ៉ាដែលបានរត់គេចពីហិង្សាប្រដាប់អាវុធនៅរដ្ឋ Rakhine។ នោះក៏ដោយសារតែលំហូរចូលនៃជនភៀសខ្លួនច្រើនលើសពីការផ្គត់ផ្គង់ទៅទៀត។
ទីភ្នាក់ងារព័ត៌មាន Xinhua បានស្រង់សម្ដីអ្នកនាំពាក្យអង្គការសហប្រជាជាតិលោក Stephane Dujarric ថា ទីភ្នាក់ងារទទួលបន្ទុកជនភៀសខ្លួនអង្គការសហប្រជាជាតិបានដឹកជំនួយជាច្រើនតាមយន្តហោះដើម្បីយកទៅចែកដល់ជនជាតិរ៉ូហ៊ីងយ៉ានៅជំរំជនភៀសខ្លួន។ ជំនួយទាំងនោះរួមមាន សម្ភារសង្គ្រោះបន្ទាន់ សម្ភារផ្ទះបាយ ធុងទឹក ចង្កៀងភ្លើងនិងរបស់របរចាំបាច់មួយចំនួនទៀត។
អ្នកនាំពាក្យរូបនេះបានបន្ថែមដូច្នេះថា៖«ទោះជាយើងខិតខំបន្ថែមជំនួយយ៉ាងណាក្ដី ការផ្គត់ផ្គង់ក៏នៅតែខ្វះខាត។ នោះក៏ដោយសារតែចំនួនជនភៀសខ្លួនច្រើនលើសពីសមត្ថភាពដែលយើងអាចផ្គត់ផ្គង់បាន។ ដោយសារតែមានការស្នើសុំពីបង់ក្លាដែស ទីភ្នាក់ងារទទួលបន្ទុកជនភៀសខ្លួនអង្គការសហប្រជាជាតិ និងដៃគូមួយចំនួនទៀតបានផ្ដល់ជំនួយសង្គ្រោះ និងការពារបន្ថែមសម្រាប់ប្រជាជនរ៉ូហ៊ីងយ៉ាដែលទើបនឹងមកដល់ជំរំជនភៀសខ្លួន Nayapara និងKutupalong»។
សូមរម្លឹកបន្តិចថា កាលពីថ្ងៃទី២៥ខែសីហា កងសន្តិសុខមីយ៉ាន់ម៉ានិងក្រុមសកម្មប្រយុទ្ធរ៉ូហ៊ីងយ៉ាបានប៉ះទង្គិចគ្នានៅរដ្ឋ Rakhine ហើយហិង្សាប្រដាប់អាវុធនេះនៅតែបន្តរហូតបណ្ដាលឲ្យប្រជាជនរ៉ូហ៊ីងយ៉ាមួយចំនួនធំរត់ភៀសខ្លួនមកបង់ក្លាដែស។ អង្គការសហប្រជាជាតិបានអះអាងថា ការប្រើប្រាស់កម្លាំងរបស់មីយ៉ាន់ម៉ានៅរដ្ឋ Rakhine មិនខុសពីការបោសសម្អាតជនជាតិភាគតិចឡើយ ព្រោះវាមានការកាប់សម្លាប់ រំលោភសេពសន្ថវៈ និងដុតផ្ទះសម្បែងផង៕
ការិយាល័យអង្គការសហប្រជាជាតិទទួលបន្ទុកសម្របសម្រួលជំនួយមនុស្សធម៌បានអះអាងថា ចំនួនជនភៀសខ្លួនរ៉ូហ៊ីងយ៉ាដែលភៀសខ្លួនទៅបង់ក្លាដែសចាប់តាំងពីខែសីហាបានកើនឡើងដល់៤៨ម៉ឺននាក់ហើយ។ ចំនួនជនជាតិរ៉ូហ៊ីងយ៉ាសរុបក្នុងជំរំជនភៀសខ្លួនក្នុងទឹកដីបង់ក្លាដែសបានកើនលើសពី៧០ម៉ឺននាក់ហើយ។
ការកើនឡើងនៃចំនួនជនភៀសខ្លួនបានធ្វើឲ្យទីភ្នាក់ងារអង្គការសហប្រជាជាតិជួបការលំបាកក្នុងការផ្ដល់ជំនួយមនុស្សធម៌ដូចជាស្បៀងអាហាររួមជាមួយសម្ភារចាំបាច់ផ្សេងៗទៀតដល់ជនជាតិរ៉ូហ៊ីងយ៉ាដែលបានរត់គេចពីហិង្សាប្រដាប់អាវុធនៅរដ្ឋ Rakhine។ នោះក៏ដោយសារតែលំហូរចូលនៃជនភៀសខ្លួនច្រើនលើសពីការផ្គត់ផ្គង់ទៅទៀត។
ទីភ្នាក់ងារព័ត៌មាន Xinhua បានស្រង់សម្ដីអ្នកនាំពាក្យអង្គការសហប្រជាជាតិលោក Stephane Dujarric ថា ទីភ្នាក់ងារទទួលបន្ទុកជនភៀសខ្លួនអង្គការសហប្រជាជាតិបានដឹកជំនួយជាច្រើនតាមយន្តហោះដើម្បីយកទៅចែកដល់ជនជាតិរ៉ូហ៊ីងយ៉ានៅជំរំជនភៀសខ្លួន។ ជំនួយទាំងនោះរួមមាន សម្ភារសង្គ្រោះបន្ទាន់ សម្ភារផ្ទះបាយ ធុងទឹក ចង្កៀងភ្លើងនិងរបស់របរចាំបាច់មួយចំនួនទៀត។
អ្នកនាំពាក្យរូបនេះបានបន្ថែមដូច្នេះថា៖«ទោះជាយើងខិតខំបន្ថែមជំនួយយ៉ាងណាក្ដី ការផ្គត់ផ្គង់ក៏នៅតែខ្វះខាត។ នោះក៏ដោយសារតែចំនួនជនភៀសខ្លួនច្រើនលើសពីសមត្ថភាពដែលយើងអាចផ្គត់ផ្គង់បាន។ ដោយសារតែមានការស្នើសុំពីបង់ក្លាដែស ទីភ្នាក់ងារទទួលបន្ទុកជនភៀសខ្លួនអង្គការសហប្រជាជាតិ និងដៃគូមួយចំនួនទៀតបានផ្ដល់ជំនួយសង្គ្រោះ និងការពារបន្ថែមសម្រាប់ប្រជាជនរ៉ូហ៊ីងយ៉ាដែលទើបនឹងមកដល់ជំរំជនភៀសខ្លួន Nayapara និងKutupalong»។
សូមរម្លឹកបន្តិចថា កាលពីថ្ងៃទី២៥ខែសីហា កងសន្តិសុខមីយ៉ាន់ម៉ានិងក្រុមសកម្មប្រយុទ្ធរ៉ូហ៊ីងយ៉ាបានប៉ះទង្គិចគ្នានៅរដ្ឋ Rakhine ហើយហិង្សាប្រដាប់អាវុធនេះនៅតែបន្តរហូតបណ្ដាលឲ្យប្រជាជនរ៉ូហ៊ីងយ៉ាមួយចំនួនធំរត់ភៀសខ្លួនមកបង់ក្លាដែស។ អង្គការសហប្រជាជាតិបានអះអាងថា ការប្រើប្រាស់កម្លាំងរបស់មីយ៉ាន់ម៉ានៅរដ្ឋ Rakhine មិនខុសពីការបោសសម្អាតជនជាតិភាគតិចឡើយ ព្រោះវាមានការកាប់សម្លាប់ រំលោភសេពសន្ថវៈ និងដុតផ្ទះសម្បែងផង៕
Tag:
រ៉ូហ៊ីងយ៉ា
អង្គការសហប្រជាជាតិ
Stephane Dujarric
© រក្សាសិទ្ធិដោយ thmeythmey.com
