អន្តរជាតិ
×![]()
ដោយ: តន ចាន់រិទ្ធារ៉ា
នាយករដ្ឋមន្ត្រីថៃ ឧត្តមសេនីយ៍ ប្រាយុទ្ធ ចន្ទអូចា នៅថ្ងៃទី២៨ ខែកញ្ញា បានទម្លាយពីកន្លែងលាក់ខ្លួនរបស់អតីតនាយករដ្ឋមន្ត្រី យីងឡាក់ ស៊ីណាវ៉ាត់ ដែលរត់គេចពីប្រទេសកាលពីខែសីហា។ លោក ប្រាយុទ្ធ និយាយថា លោកស្រី យីងឡាក់ កំពុងស្នាក់នៅឯអារ៉ាប់រួមអេមីរ៉ាតឯណោះ។ ជាមួយគ្នានេះដែរ ក្រសួងការបរទេសថៃកំពុងដំណើរការនីតិវិធីលុបលិខិតឆ្លងដែនរបស់លោកស្រី យីងឡាក់ ចោលផងដែរ។
មួយថ្ងៃក្រោយតុលាការកំពូលថៃកាត់ទោសអតីតនាយករដ្ឋមន្ត្រី យីងឡាក់ ស៊ីណាវ៉ាត់ ជាប់ពន្ធនាគារ៥ឆ្នាំ មេដឹកនាំរបបសឹកថៃ ប្រាយុទ្ធ ចន្ទអូចា បានប្រាប់អ្នកសារព័ត៌មានថា លោកស្រី យីងឡាក់ កំពុងស្ថិតនៅទីក្រុងឌូបៃ។ លោកបញ្ជាក់ថា លោកទទួលបានព័ត៌មាននេះពីក្រសួងការបរទេសថៃ ដែលបានតាមដានដំណើរគេចខ្លួនរបស់លោកស្រី យីងឡាក់ ចាប់តាំងពីការបាត់ខ្លួនមុនការប្រកាសសាលដីកាថ្ងៃទី២៥ ខែសីហា។
អតីតនាយករដ្ឋមន្ត្រីស្ត្រីរូបនេះបានភៀសខ្លួនទៅកាន់បរទេស ដើម្បីគេចពីការកាត់ទោសលើករណីធ្វេសប្រហែសជុំវិញក្នុងកម្មវិធីទិញអង្ករតម្លៃថោក ដែលធ្វើឲ្យតុលាការថៃបង្ខំចិត្តពន្យារពេលប្រកាសសាលដីការហូតដល់ថ្ងៃទី២៦ ខែកញ្ញា។ ក្នុងការប្រកាសសាលដីកាលើកទីពីរនេះ តុលាការថៃពិតជារកឃើញថា លោកស្រី យីងឡាក់ ធ្វេសប្រហែសក្នុងការដឹកនាំមែនដែលធ្វើឲ្យរដ្ឋខាតបង់ទឹកប្រាក់រាប់លានដុល្លារ។
ជុំវិញការដាក់ទោសនេះ លោក ប្រាយុទ្ធ បញ្ជាក់ថា ច្បាប់គឺជាច្បាប់ ហើយមនុស្សទាំងអស់ស្ថិតនៅក្រោមច្បាប់ដូចគ្នា និងត្រូវគោរពសាលដីកាដែលប្រកាសរួចហើយ។ បើតាមកាសែត The Nation តុលាការនឹងចេញដីកាចាប់ខ្លួនលោកស្រី យីងឡាក់ ក៏ដូចជាធ្វើបត្យាប័នត្រឡប់ចូលស្រុកវិញ។ នាយករដ្ឋមន្ត្រីថៃបន្ថែមថា ការចាប់ខ្លួនលោកស្រី យីងឡាក់ មិនមែនជារឿងលំបាកទេ ហើយប៉ូលិសនឹងធ្វើកិច្ចការនេះ។
បន្ទាប់ពីការបាត់ខ្លួនរបស់លោកស្រី យីងឡាក់ ប្រព័ន្ធផ្សព្វផ្សាយជាច្រើនក៏រាយការណ៍ថា លោកស្រីអាចរត់ទៅជួបជាមួយបងប្រុសរបស់ខ្លួន គឺអតីតនាយករដ្ឋមន្ត្រី ថាក់ស៊ីន ស៊ីណាវ៉ាត់ នៅឯទីក្រុងឌូបៃ ព្រោះលោកមានផ្ទះនៅទីនោះស្រាប់។ សេចក្ដីរាយការណ៍ជាច្រើនបញ្ជាក់ថា លោកស្រី យីងឡាក់ បានឆ្លងកាត់កម្ពុជា រួចបន្តដំណើរទៅកាន់សិង្ហបុរី មុននឹងជិះយន្តហោះទៅកាន់ឌូបៃ។ មន្ត្រីយោធាថៃអះអាងថា លោក ថាក់ស៊ីន ជាអ្នកជួយសម្រួលការគេចខ្លួននេះ។
ខុសពីការរំពឹងទុក តុលាការបានកាត់ទោសអតីតនាយករដ្ឋមន្ត្រីរូបនេះត្រឹមការជាប់ពន្ធនាគារ៥ឆ្នាំប៉ុណ្ណោះ ខណៈអតីតមន្ត្រីលោកស្រីពីរនាក់ជាប់ពន្ធនាគារចាប់លើស៣០ឆ្នាំឯណោះ។ វាសនាលោកស្រី យីងឡាក់ ទំនងស្ថិតលើផ្លូវដូចបងប្រុសរបស់ខ្លួន ដែលរស់នៅនិរទេសនៅក្រៅប្រទេសដើម្បីគេចពីដាក់ទោស។ លើសពីនេះ អនាគតបក្សភឿថៃ ក៏ស្ថិតក្នុងភាពមិនច្បាស់លាស់ដែរ ខណៈដែលមេដឹកនាំរបស់ខ្លួនកំពុងភៀសខ្លួននោះ៕
មួយថ្ងៃក្រោយតុលាការកំពូលថៃកាត់ទោសអតីតនាយករដ្ឋមន្ត្រី យីងឡាក់ ស៊ីណាវ៉ាត់ ជាប់ពន្ធនាគារ៥ឆ្នាំ មេដឹកនាំរបបសឹកថៃ ប្រាយុទ្ធ ចន្ទអូចា បានប្រាប់អ្នកសារព័ត៌មានថា លោកស្រី យីងឡាក់ កំពុងស្ថិតនៅទីក្រុងឌូបៃ។ លោកបញ្ជាក់ថា លោកទទួលបានព័ត៌មាននេះពីក្រសួងការបរទេសថៃ ដែលបានតាមដានដំណើរគេចខ្លួនរបស់លោកស្រី យីងឡាក់ ចាប់តាំងពីការបាត់ខ្លួនមុនការប្រកាសសាលដីកាថ្ងៃទី២៥ ខែសីហា។
អតីតនាយករដ្ឋមន្ត្រីស្ត្រីរូបនេះបានភៀសខ្លួនទៅកាន់បរទេស ដើម្បីគេចពីការកាត់ទោសលើករណីធ្វេសប្រហែសជុំវិញក្នុងកម្មវិធីទិញអង្ករតម្លៃថោក ដែលធ្វើឲ្យតុលាការថៃបង្ខំចិត្តពន្យារពេលប្រកាសសាលដីការហូតដល់ថ្ងៃទី២៦ ខែកញ្ញា។ ក្នុងការប្រកាសសាលដីកាលើកទីពីរនេះ តុលាការថៃពិតជារកឃើញថា លោកស្រី យីងឡាក់ ធ្វេសប្រហែសក្នុងការដឹកនាំមែនដែលធ្វើឲ្យរដ្ឋខាតបង់ទឹកប្រាក់រាប់លានដុល្លារ។
ជុំវិញការដាក់ទោសនេះ លោក ប្រាយុទ្ធ បញ្ជាក់ថា ច្បាប់គឺជាច្បាប់ ហើយមនុស្សទាំងអស់ស្ថិតនៅក្រោមច្បាប់ដូចគ្នា និងត្រូវគោរពសាលដីកាដែលប្រកាសរួចហើយ។ បើតាមកាសែត The Nation តុលាការនឹងចេញដីកាចាប់ខ្លួនលោកស្រី យីងឡាក់ ក៏ដូចជាធ្វើបត្យាប័នត្រឡប់ចូលស្រុកវិញ។ នាយករដ្ឋមន្ត្រីថៃបន្ថែមថា ការចាប់ខ្លួនលោកស្រី យីងឡាក់ មិនមែនជារឿងលំបាកទេ ហើយប៉ូលិសនឹងធ្វើកិច្ចការនេះ។
បន្ទាប់ពីការបាត់ខ្លួនរបស់លោកស្រី យីងឡាក់ ប្រព័ន្ធផ្សព្វផ្សាយជាច្រើនក៏រាយការណ៍ថា លោកស្រីអាចរត់ទៅជួបជាមួយបងប្រុសរបស់ខ្លួន គឺអតីតនាយករដ្ឋមន្ត្រី ថាក់ស៊ីន ស៊ីណាវ៉ាត់ នៅឯទីក្រុងឌូបៃ ព្រោះលោកមានផ្ទះនៅទីនោះស្រាប់។ សេចក្ដីរាយការណ៍ជាច្រើនបញ្ជាក់ថា លោកស្រី យីងឡាក់ បានឆ្លងកាត់កម្ពុជា រួចបន្តដំណើរទៅកាន់សិង្ហបុរី មុននឹងជិះយន្តហោះទៅកាន់ឌូបៃ។ មន្ត្រីយោធាថៃអះអាងថា លោក ថាក់ស៊ីន ជាអ្នកជួយសម្រួលការគេចខ្លួននេះ។
ខុសពីការរំពឹងទុក តុលាការបានកាត់ទោសអតីតនាយករដ្ឋមន្ត្រីរូបនេះត្រឹមការជាប់ពន្ធនាគារ៥ឆ្នាំប៉ុណ្ណោះ ខណៈអតីតមន្ត្រីលោកស្រីពីរនាក់ជាប់ពន្ធនាគារចាប់លើស៣០ឆ្នាំឯណោះ។ វាសនាលោកស្រី យីងឡាក់ ទំនងស្ថិតលើផ្លូវដូចបងប្រុសរបស់ខ្លួន ដែលរស់នៅនិរទេសនៅក្រៅប្រទេសដើម្បីគេចពីដាក់ទោស។ លើសពីនេះ អនាគតបក្សភឿថៃ ក៏ស្ថិតក្នុងភាពមិនច្បាស់លាស់ដែរ ខណៈដែលមេដឹកនាំរបស់ខ្លួនកំពុងភៀសខ្លួននោះ៕
Tag:
ថៃ
ប្រាយុទ្ធ ចន្ទអូចា
យីងឡាក់ ស៊ីណាវ៉ាត់
© រក្សាសិទ្ធិដោយ thmeythmey.com
