អន្តរជាតិ
កូរ៉េខាងត្បូងសន្យាបន្តផ្ដល់ជំនួយដល់កូរ៉េខាងជើង ទោះវិបត្តិឧបទ្វីបកូរ៉េនៅមិនទាន់ធូរស្រាល
×![]()
កូរ៉េខាងត្បូងបានសន្យាបន្តផ្ដល់ជំនួយមនុស្សធម៌ដល់កូរ៉េខាងជើង ទោះបញ្ហានុយក្លេអ៊ែរកូរ៉េខាងជើងនៅតែមិនទាន់ធូរស្រាលក៏ដោយ។ ប្រធានាធិបតីកូរ៉េខាងត្បូង មូន ចេអ៊ីន បានអះអាងថា សន្តិភាពកើតចេញពីការព្យាយាមផ្សះផ្សា។ ដ្បិតស្ថានភាពនៅឧបទ្វីបកូរ៉េនៅមិនទាន់ធូរស្រាល ប៉ុន្តែសន្តិភាព និងការរីកចម្រើនប្រាកដជាកើតមាន។
នៅថ្ងៃទី២៧ខែកញ្ញា លោកមូន ចេអ៊ីនបានថ្លែងក្នុងកិច្ចប្រជុំជាមួយក្រុមប្រឹក្សាយោបល់បង្រួបបង្រួមជាតិថា ទោះជាវិបត្តិឧបទ្វីបកូរ៉េនៅមិនទាន់ធូរស្រាល កូរ៉េខាងត្បូងនៅតែបន្តផ្ដល់ជំនួយមនុស្សធម៌ដល់ក្រុងព្យុងយ៉ាង។ នោះក៏ដោយសារតែ លោកជឿថាសន្តិសុខ និងភាពរីកចម្រើននឹងកើតមាននៅឧបទ្វីបកូរ៉េពិតប្រាកដណាស់ ហើយសន្តិភាពកើតចេញពីការព្យាយាមផ្សះផ្សាគ្នាផងដែរ។
«នៅខណៈពេលដែលកូរ៉េទាំងពីរកាត់ផ្ដាច់ទំនាក់ទំនងគ្នាកាលពីដប់ឆ្នាំមុន ក្រុមប្រឹក្សាយោបល់បង្រួបបង្រួមជាតិពិតជាជួបការលំបាកច្រើនណាស់។ប៉ុន្តែ សន្តិភាពកើតចេញពីការផ្សះផ្សា ដូច្នេះហើយកូរ៉េខាងត្បូងមិនស្ទាក់ស្ទើរឡើយក្នុងការគាំទ្រគម្រោងបង្រួបបង្រួមជាតិជាច្រើន ទោះជាទំនាក់ទំនងរវាងកូរ៉េទាំងពីរអាក្រក់យ៉ាងណាក្ដី»។ នេះជាសម្ដីរបស់លោក មូន ដែលបានដកស្រង់ដោយទីភ្នាក់ងារព័ត៌មាន Yonhap ។
លោកបានបន្ថែមទៀតថា ដ្បិតស្ថានភាពបច្ចុប្បន្នរបស់កូរ៉េទាំងពីរនៅតែតានតឹង សន្តិភាព និងការរីកចម្រើននឹងកើតមានជាក់ជាពុំខាន។ ម្យ៉ាងទៀត យើងត្រូវតែដោះស្រាយបញ្ហានុយក្លេអ៊ែរកូរ៉េខាងជើងតាមរយៈការសហការគ្នារវាងអាមេរិក និងកូរ៉េខាងត្បូងក៏ដូចជាការសហការយ៉ាងជិតស្និទ្ធជាមួយស្ថាប័នអន្តរជាតិផង។ ហើយស្របពេលជាមួយគ្នានេះដែរ យើងក៏ត្រូវតែត្រៀមខ្លួនរួចរាល់ក្នុងការរួបរួមគ្នាម្ដងទៀតតាមរយៈក្រុមប្រឹក្សាយោបល់បង្រួបបង្រួមជាតិ។
ដោយឡែក កូរ៉េខាងត្បូងក៏បានស្នើបើកកិច្ចសន្ទនាទ្វេភាគីជុំវិញការជួយសង្គ្រោះមនុស្សធម៌ ក៏ដូចជា ការលុបបំបាត់ភាពតានតឹងនៅតាមព្រំប្រទល់កូរ៉េទាំងពីររួមទាំងការរួបរួមគ្នាឡើងវិញជាមួយក្រុងព្យុងយ៉ាងដែរ។ ប៉ុន្តែ កូរ៉េខាងត្បូងនៅតែមិនមានការឆ្លើយតបពីកូរ៉េខាងជើងនៅឡើយ។
គួរបញ្ជាក់ថា បន្ទាប់ពីក្រុងព្យុងយ៉ាងបានបាញ់សាកល្បងអាវុធនុយក្លេអ៊ែរលើកទីប្រាំមួយរបស់ខ្លួន នៅថ្ងៃទី២០ខែកញ្ញា កូរ៉េខាងត្បូងបានយល់ព្រមផ្ដល់ជំនួយដែលមានតម្លៃ៨លានដុល្លារដល់កូរ៉េខាងជើង។ កូរ៉េខាងត្បូងរំពឹងថា សមានចិត្តរបស់ខ្លួនអាចទាក់ចិត្តកូរ៉េខាងជើងឲ្យវិលរកតុចរចាវិញដើម្បីបញ្ចប់បញ្ហានុយក្លេអ៊ែរ៕
នៅថ្ងៃទី២៧ខែកញ្ញា លោកមូន ចេអ៊ីនបានថ្លែងក្នុងកិច្ចប្រជុំជាមួយក្រុមប្រឹក្សាយោបល់បង្រួបបង្រួមជាតិថា ទោះជាវិបត្តិឧបទ្វីបកូរ៉េនៅមិនទាន់ធូរស្រាល កូរ៉េខាងត្បូងនៅតែបន្តផ្ដល់ជំនួយមនុស្សធម៌ដល់ក្រុងព្យុងយ៉ាង។ នោះក៏ដោយសារតែ លោកជឿថាសន្តិសុខ និងភាពរីកចម្រើននឹងកើតមាននៅឧបទ្វីបកូរ៉េពិតប្រាកដណាស់ ហើយសន្តិភាពកើតចេញពីការព្យាយាមផ្សះផ្សាគ្នាផងដែរ។
«នៅខណៈពេលដែលកូរ៉េទាំងពីរកាត់ផ្ដាច់ទំនាក់ទំនងគ្នាកាលពីដប់ឆ្នាំមុន ក្រុមប្រឹក្សាយោបល់បង្រួបបង្រួមជាតិពិតជាជួបការលំបាកច្រើនណាស់។ប៉ុន្តែ សន្តិភាពកើតចេញពីការផ្សះផ្សា ដូច្នេះហើយកូរ៉េខាងត្បូងមិនស្ទាក់ស្ទើរឡើយក្នុងការគាំទ្រគម្រោងបង្រួបបង្រួមជាតិជាច្រើន ទោះជាទំនាក់ទំនងរវាងកូរ៉េទាំងពីរអាក្រក់យ៉ាងណាក្ដី»។ នេះជាសម្ដីរបស់លោក មូន ដែលបានដកស្រង់ដោយទីភ្នាក់ងារព័ត៌មាន Yonhap ។
លោកបានបន្ថែមទៀតថា ដ្បិតស្ថានភាពបច្ចុប្បន្នរបស់កូរ៉េទាំងពីរនៅតែតានតឹង សន្តិភាព និងការរីកចម្រើននឹងកើតមានជាក់ជាពុំខាន។ ម្យ៉ាងទៀត យើងត្រូវតែដោះស្រាយបញ្ហានុយក្លេអ៊ែរកូរ៉េខាងជើងតាមរយៈការសហការគ្នារវាងអាមេរិក និងកូរ៉េខាងត្បូងក៏ដូចជាការសហការយ៉ាងជិតស្និទ្ធជាមួយស្ថាប័នអន្តរជាតិផង។ ហើយស្របពេលជាមួយគ្នានេះដែរ យើងក៏ត្រូវតែត្រៀមខ្លួនរួចរាល់ក្នុងការរួបរួមគ្នាម្ដងទៀតតាមរយៈក្រុមប្រឹក្សាយោបល់បង្រួបបង្រួមជាតិ។
ដោយឡែក កូរ៉េខាងត្បូងក៏បានស្នើបើកកិច្ចសន្ទនាទ្វេភាគីជុំវិញការជួយសង្គ្រោះមនុស្សធម៌ ក៏ដូចជា ការលុបបំបាត់ភាពតានតឹងនៅតាមព្រំប្រទល់កូរ៉េទាំងពីររួមទាំងការរួបរួមគ្នាឡើងវិញជាមួយក្រុងព្យុងយ៉ាងដែរ។ ប៉ុន្តែ កូរ៉េខាងត្បូងនៅតែមិនមានការឆ្លើយតបពីកូរ៉េខាងជើងនៅឡើយ។
គួរបញ្ជាក់ថា បន្ទាប់ពីក្រុងព្យុងយ៉ាងបានបាញ់សាកល្បងអាវុធនុយក្លេអ៊ែរលើកទីប្រាំមួយរបស់ខ្លួន នៅថ្ងៃទី២០ខែកញ្ញា កូរ៉េខាងត្បូងបានយល់ព្រមផ្ដល់ជំនួយដែលមានតម្លៃ៨លានដុល្លារដល់កូរ៉េខាងជើង។ កូរ៉េខាងត្បូងរំពឹងថា សមានចិត្តរបស់ខ្លួនអាចទាក់ចិត្តកូរ៉េខាងជើងឲ្យវិលរកតុចរចាវិញដើម្បីបញ្ចប់បញ្ហានុយក្លេអ៊ែរ៕
Tag:
កូរ៉េខាងត្បូង
កូរ៉េខាងជើង
វិបត្តិឧបទ្វីបកូរ៉េ
© រក្សាសិទ្ធិដោយ thmeythmey.com
