អន្តរជាតិ
អាជ្ញាធរឌូប៉ៃ សន្យាតាមដាន និងមិនឲ្យលោកស្រីយីងឡាក់ ធ្វើសកម្មភាពនយោបាយ
×![]()
ប្រមុខការពារជាតិថៃ លោក Prawit Wongsuwan បានថ្លែងជាផ្លូវការទៅកាន់អ្នកសារព័ត៌មានថា អតីតនាយករដ្ឋមន្ត្រីថៃ លោកស្រី Yingluck Shinawattra កំពុងតែស្នាក់នៅទីក្រុងឌូប៉ៃ។ លោកបន្ថែមថា អាជ្ញាធរឌូបៃ ក៏បានសន្យាមិនបណ្តោយឲ្យលោកស្រី ធ្វើសកម្មភាពនយោបាយអ្វីទៀតដែរ។
«អាជ្ញាធរឌូប៉ៃ បានសន្យាជាមួយក្រសួងការបរទេសថៃ ថា ពួកគេ នឹងតាមដានលោកស្រី យីងឡាក់ និងធានាថា លោកស្រី មិនអាចចូលរួមក្នុងយុទ្ធនាការនយោបាយឡើយ »។ នេះបើយោងតាមការចុះផ្សាយរបស់សារព័ត៌មានថៃ The Nation ដែលបានដកស្រង់សេចក្តីថ្លែងការណ៍ខ្លីរបស់លោកឧបនាយករដ្ឋមន្ត្រី និងជារដ្ឋមន្ត្រីការពារជាតិថៃ Prawit Wongsuwan ជាមួយនឹងអ្នកសារព័ត៌មាន នៅថ្ងៃ២៨ កញ្ញា ។
សេចក្តីថ្លែងការណ៍របស់ប្រមុខការពារជាតិថៃរូបនេះ ត្រូវបានធ្វើឡើងស្របជាមួយនឹងសេចក្តីថ្លែងការណ៍របស់ប្រមុខរបបសឹកថៃលោកនាយករដ្ឋមន្ត្រី ប្រាយុទ្ធ ចន្ទអូចា ដែលបានថ្លែងនៅថ្ងៃដូចគ្នា ថា លោក បានទទួលបានព័ត៌មានមិនផ្លូវការថា លោកស្រី Yingluck កំពុងស្នាក់នៅក្រុងឌូប៉ៃ ។ ក៏ប៉ុន្តែប្រមុខរបបសឹក អះអាងថា លោកគ្មានរឿងអ្វីត្រូវភ្ញាក់ផ្អើលដែរ ដ្បិតនេះ គឺជាសមត្ថកិច្ចរបស់តុលាការនោះទេ ។
សូមរម្លឹកបន្តិចដែរថា នៅថ្ងៃទី២៧ កញ្ញា តុលាការកំពូលថៃបានកាត់ទោសកំបាំងមុខលើសំណុំរឿងរបស់អតីតនាយករដ្ឋមន្ត្រី Yingluck Shinawattra ដោយសម្រេចឲ្យជាប់ពន្ធនាគារ៥ឆ្នាំពីបទធ្វេសប្រហែសក្នុងការដឹកនាំដែលធ្វើឲ្យរដ្ឋខាតបង់ទឹកប្រាក់រាប់លានដុល្លារជុំវិញកម្មវិធីទិញអង្ករតម្លៃថោក។
អ្វីគួរកត់សម្គាល់នោះ បើតាមសារព័ត៌មាន Bangkok Post រដ្ឋាភិបាលក្រុងបាងកក មិនមានកិច្ចព្រមព្រៀងធ្វើបត្យាប័នជាមួយនឹងរដ្ឋាភិបាលក្រុងឌូប៉ៃឡើយ ពោលគឺ បើទោះបីជាលោកស្រី Yingluck ត្រូវបានតុលាការថៃ កាត់ទោសថាបានប្រព្រឹត្តបទល្មើសព្រហ្មទណ្ឌក៏ដោយ ក្រុងបាងកក មិនអាចស្នើឲ្យក្រុងឌូប៉ៃបញ្ជូនលោកស្រី Yingluck ទៅថៃវិញឡើយ ។
នេះ ក៏មិនមែនជារឿងថ្មីអ្វីដែរ ដ្បិតបងប្រុសអតីតនាយករដ្ឋមន្ត្រីថៃរូបនេះ គឺលោកអតីតនាយករដ្ឋមន្ត្រីថៃ Thaksin Sinawattra ក៏ត្រូវបានតុលាការថៃកាត់ឲ្យជាប់ទោសកាលពីដប់ឆ្នាំមុន ហើយពេលនេះ លោកអតីតនាយករដ្ឋមន្ត្រី ក៏កំពុងតែរស់នៅដោយសុវត្ថិភាពនៅក្នុងទីក្រុងឌូប៉ៃផងដែរ ៕
«អាជ្ញាធរឌូប៉ៃ បានសន្យាជាមួយក្រសួងការបរទេសថៃ ថា ពួកគេ នឹងតាមដានលោកស្រី យីងឡាក់ និងធានាថា លោកស្រី មិនអាចចូលរួមក្នុងយុទ្ធនាការនយោបាយឡើយ »។ នេះបើយោងតាមការចុះផ្សាយរបស់សារព័ត៌មានថៃ The Nation ដែលបានដកស្រង់សេចក្តីថ្លែងការណ៍ខ្លីរបស់លោកឧបនាយករដ្ឋមន្ត្រី និងជារដ្ឋមន្ត្រីការពារជាតិថៃ Prawit Wongsuwan ជាមួយនឹងអ្នកសារព័ត៌មាន នៅថ្ងៃ២៨ កញ្ញា ។
សេចក្តីថ្លែងការណ៍របស់ប្រមុខការពារជាតិថៃរូបនេះ ត្រូវបានធ្វើឡើងស្របជាមួយនឹងសេចក្តីថ្លែងការណ៍របស់ប្រមុខរបបសឹកថៃលោកនាយករដ្ឋមន្ត្រី ប្រាយុទ្ធ ចន្ទអូចា ដែលបានថ្លែងនៅថ្ងៃដូចគ្នា ថា លោក បានទទួលបានព័ត៌មានមិនផ្លូវការថា លោកស្រី Yingluck កំពុងស្នាក់នៅក្រុងឌូប៉ៃ ។ ក៏ប៉ុន្តែប្រមុខរបបសឹក អះអាងថា លោកគ្មានរឿងអ្វីត្រូវភ្ញាក់ផ្អើលដែរ ដ្បិតនេះ គឺជាសមត្ថកិច្ចរបស់តុលាការនោះទេ ។
សូមរម្លឹកបន្តិចដែរថា នៅថ្ងៃទី២៧ កញ្ញា តុលាការកំពូលថៃបានកាត់ទោសកំបាំងមុខលើសំណុំរឿងរបស់អតីតនាយករដ្ឋមន្ត្រី Yingluck Shinawattra ដោយសម្រេចឲ្យជាប់ពន្ធនាគារ៥ឆ្នាំពីបទធ្វេសប្រហែសក្នុងការដឹកនាំដែលធ្វើឲ្យរដ្ឋខាតបង់ទឹកប្រាក់រាប់លានដុល្លារជុំវិញកម្មវិធីទិញអង្ករតម្លៃថោក។
អ្វីគួរកត់សម្គាល់នោះ បើតាមសារព័ត៌មាន Bangkok Post រដ្ឋាភិបាលក្រុងបាងកក មិនមានកិច្ចព្រមព្រៀងធ្វើបត្យាប័នជាមួយនឹងរដ្ឋាភិបាលក្រុងឌូប៉ៃឡើយ ពោលគឺ បើទោះបីជាលោកស្រី Yingluck ត្រូវបានតុលាការថៃ កាត់ទោសថាបានប្រព្រឹត្តបទល្មើសព្រហ្មទណ្ឌក៏ដោយ ក្រុងបាងកក មិនអាចស្នើឲ្យក្រុងឌូប៉ៃបញ្ជូនលោកស្រី Yingluck ទៅថៃវិញឡើយ ។
នេះ ក៏មិនមែនជារឿងថ្មីអ្វីដែរ ដ្បិតបងប្រុសអតីតនាយករដ្ឋមន្ត្រីថៃរូបនេះ គឺលោកអតីតនាយករដ្ឋមន្ត្រីថៃ Thaksin Sinawattra ក៏ត្រូវបានតុលាការថៃកាត់ឲ្យជាប់ទោសកាលពីដប់ឆ្នាំមុន ហើយពេលនេះ លោកអតីតនាយករដ្ឋមន្ត្រី ក៏កំពុងតែរស់នៅដោយសុវត្ថិភាពនៅក្នុងទីក្រុងឌូប៉ៃផងដែរ ៕
© រក្សាសិទ្ធិដោយ thmeythmey.com
