អន្តរជាតិ
×![]()
ដោយ: តន ចាន់រិទ្ធារ៉ា
សហភាពអឺរ៉ុបបានបញ្ចេញផែនការទទួលយកជនភៀសខ្លួនចំនួន៥ម៉ឺននាក់ពីប្រទេសអាហ្វ្រិកខាងជើង ដើម្បីរស់នៅតាមប្រទេសសមាជិកនានា។ ផែនការថ្មីនេះ មានគោលដៅដោះស្រាយវិបត្តិជនភៀសខ្លួន ដែលហូរចូលតំបន់អឺរ៉ុបខុសច្បាប់យ៉ាងគំហុកក្នុងឆ្នាំមុនៗ និងបង្កជាបញ្ហាបែកបាក់ក្នុងចំណោមសមាជិករបស់អឺរ៉ុប។ ផែនការនេះ មិនមានលក្ខណៈចាប់បង្ខំអ្វីទេ ដោយរដ្ឋអឺរ៉ុបទាំងអស់អាចស្ម័គ្រចិត្តទទួល ឬមិនទទួលជនភៀសខ្លួនបាន។
គណៈកម្មការអឺរ៉ុប នៅថ្ងៃទី២៧ ខែកញ្ញា បានប្រកាសផែនការទទួលយកជនភៀសខ្លួនពីអាហ្វ្រិក ដែលត្រូវចំណាយទឹកប្រាក់ជិត៦០០លានដុល្លារ។ ជនភៀសខ្លួនមកពីលីប៊ី អេហ្ស៊ីប នីហ្ស៊េ ស៊ូសង់ ឆាដ និងសូម៉ាលី ចំនួនប្រាំម៉ឺននាក់នឹងត្រូវទៅរស់នៅប្រទេសអឺរ៉ុបសម្រាប់រយៈពេលពីរឆ្នាំខាងមុខ។ ផែនការនេះមានគោលដៅទប់ស្កាត់លំហូរជនអន្តោប្រវេសន៍ខុសច្បាប់ និងសកម្មភាពរត់ពន្ធមនុស្សខុសច្បាប់ផងដែរ។
ស្នងការទទួលបន្ទុកទេសន្តរប្រវេសន៍អឺរ៉ុប Dimitris Avramopoulos និយាយថា ផែនការខាងលើនេះនឹងជួយជនភៀសខ្លួនដែលត្រូវការកាពារពីការធ្លាក់ចូលក្នុងដៃក្រុមជួញដូរមនុស្ស។ មន្ត្រីជាន់ខ្ពស់សហភាពអឺរ៉ុបរូបនេះបន្ថែមថា ការទទួលយកជនភៀសខ្លួនមកពីអាហ្វ្រិកពេលនេះ ក៏ជាការបង្ហាញការទទួលខុសត្រូវរបស់អឺរ៉ុបជាមួយប្រទេសទីបីដូចជាអាហ្វ្រិកជាដើមផង។ នេះបើតាមការផ្សាយរបស់សារព័ត៌មានអង់គ្លេស Telegraph ។
តាមពិតទៅផែនការថ្មីនេះអាចចាត់ទុកជាវិធានការបន្តគម្រោងពីទទួលយកជនភៀសខ្លួនលើកមុន ដែលអស់សុពលភាពនៅសប្ដាហ៍នេះ និងត្រូវអះអាងថា បរាជ័យទៅហើយ។ ផែនការទទួលយកជនភៀសខ្លួន ដែលដាក់ចេញកាលពីឆ្នាំមុន មិនបានទទទួលលទ្ធផលតាមការកំណត់ទេ ព្រោះមានជនភៀសខ្លួនចំនួន២ម៉ឺន៩ពាន់នាក់ប៉ុណ្ណោះត្រូវបានបែងចែកតាមគោលដៅក្នុងចំណោមជនភៀសខ្លួនសរុប១៦ម៉ឺននាក់។
សមាជិកអឺរ៉ុបបានខ្វែងគំនិតគ្នាលើការទទួលយកជនភៀសខ្លួន ដែលលក្ខណៈចាប់បង្ខំ ហើយមានសមាជិកខ្លះមិនស្ដាប់គណៈកម្មការអឺរ៉ុបលើបញ្ហានេះទេ។ រដ្ឋអឺរ៉ុបខ្លះដូចជាហុងគ្រី និងប៉ូឡូញ បានបដិសេធទទួលយកជនភៀសខ្លួន ដ្បិតរដ្ឋាភិបាលប្រទេសនេះមាននយោបាយប្រឆាំងជនភៀសខ្លួន និងយកលេសថា ជនភៀសខ្លួនទាំងនោះ គឺជាគំរាមកំហែងសន្តិសុខផ្ទៃក្នុង ជាពិសេសករណីភេរវកម្មជាតែម្ដង។
ទទួលជនភៀសខ្លួនបន្ថែម តែរឹតបន្តឹងព្រំដែន
នៅសប្ដាហ៍នេះដែរ សហភាពអឺរ៉ុបក៏ប្រកាសផែនការរបស់ខ្លួនក្នុងការអនុញ្ញាតឲ្យសមាជិកនៃតំបន់ Schengen អាចអនុវត្តការរឹតបន្តឹងព្រំដែនរយៈពេលបីឆ្នាំទៅមុខទៀត បើការគំរាមសន្តិសុខមានកម្រិតខ្ពស់។ បច្ចុប្បន្ន រដ្ឋសមាជិក Schengen អាចពង្រឹងសន្តិសុខតាមព្រំដែនរបស់ខ្លួនរយៈពេល៦ខែ ក្នុងករណីមានការគំរាមកំហែង ហើយវិធានការនេះអាចពង្រីកដល់ទៅពីរឆ្នាំ បើមានការគំរាមលើព្រំដែនដែរនោះ។
សមាជិកអឺរ៉ុបដូចជាបារាំង និងអាល្លឺម៉ង់ បានស្នើឲ្យការពង្រីករយៈពេលនៃការត្រួតពិនិត្យតាមព្រំដែនឲ្យបានយូរឆ្នាំ ព្រោះពួកគេបារម្ភពីសុវត្ថិភាពប្រជាជនខ្លួន ខណៈដែលការវាយប្រហារភេរវកម្មបានផ្ទុះឡើងជាច្រើនលើកក្នុងពេលប៉ុន្មានឆ្នាំនេះ។ សំណើនេះធ្វើឡើង ខណៈដែលវិធានការត្រួតពិនិត្យព្រំដែនដែលក្រុងព្រុចសែលអនុញ្ញាតតាំងពីឆ្នាំមុនមកនោះ នឹងអស់សុពលភាពនៅខែវិច្ឆិកាខាងមុខ តែសមាជិកភាគច្រើនចង់ឲ្យមានការរឹតបន្តឹងព្រំដែនបន្ថែមទៀត។
លំហូរជនភៀសខ្លួន និងការវាយប្រហារភេរវកម្ម គឺជាបញ្ហាព្រួយបារម្ភសម្រាប់សមាជិកអឺរ៉ុប។ ការទទួលយកជនភៀសខ្លួនក្នុងនាមមនុស្សធម៌ បង្កការមិនពេញចិត្តក្នុងចំណោមប្រជាជនម្ចាស់ស្រុក ព្រោះពួកគេយល់ថា ជនភៀសខ្លួនទាំងនោះជាប្រភពនៃបញ្ហាសន្តិសុខ។ ជាការពិត ក្នុងការវាយប្រហារច្រើននៅអឺរ៉ុប ជនសង្ស័យភាគច្រើនមានប្រភពមកពីជនភៀសខ្លួន ដែលរងឥទ្ធិពលពីមនោគមន៍របស់ក្រុមជ្រុលនិយមមានក្រុមរដ្ឋឥស្លាមជាដើម៕
គណៈកម្មការអឺរ៉ុប នៅថ្ងៃទី២៧ ខែកញ្ញា បានប្រកាសផែនការទទួលយកជនភៀសខ្លួនពីអាហ្វ្រិក ដែលត្រូវចំណាយទឹកប្រាក់ជិត៦០០លានដុល្លារ។ ជនភៀសខ្លួនមកពីលីប៊ី អេហ្ស៊ីប នីហ្ស៊េ ស៊ូសង់ ឆាដ និងសូម៉ាលី ចំនួនប្រាំម៉ឺននាក់នឹងត្រូវទៅរស់នៅប្រទេសអឺរ៉ុបសម្រាប់រយៈពេលពីរឆ្នាំខាងមុខ។ ផែនការនេះមានគោលដៅទប់ស្កាត់លំហូរជនអន្តោប្រវេសន៍ខុសច្បាប់ និងសកម្មភាពរត់ពន្ធមនុស្សខុសច្បាប់ផងដែរ។
ស្នងការទទួលបន្ទុកទេសន្តរប្រវេសន៍អឺរ៉ុប Dimitris Avramopoulos និយាយថា ផែនការខាងលើនេះនឹងជួយជនភៀសខ្លួនដែលត្រូវការកាពារពីការធ្លាក់ចូលក្នុងដៃក្រុមជួញដូរមនុស្ស។ មន្ត្រីជាន់ខ្ពស់សហភាពអឺរ៉ុបរូបនេះបន្ថែមថា ការទទួលយកជនភៀសខ្លួនមកពីអាហ្វ្រិកពេលនេះ ក៏ជាការបង្ហាញការទទួលខុសត្រូវរបស់អឺរ៉ុបជាមួយប្រទេសទីបីដូចជាអាហ្វ្រិកជាដើមផង។ នេះបើតាមការផ្សាយរបស់សារព័ត៌មានអង់គ្លេស Telegraph ។
តាមពិតទៅផែនការថ្មីនេះអាចចាត់ទុកជាវិធានការបន្តគម្រោងពីទទួលយកជនភៀសខ្លួនលើកមុន ដែលអស់សុពលភាពនៅសប្ដាហ៍នេះ និងត្រូវអះអាងថា បរាជ័យទៅហើយ។ ផែនការទទួលយកជនភៀសខ្លួន ដែលដាក់ចេញកាលពីឆ្នាំមុន មិនបានទទទួលលទ្ធផលតាមការកំណត់ទេ ព្រោះមានជនភៀសខ្លួនចំនួន២ម៉ឺន៩ពាន់នាក់ប៉ុណ្ណោះត្រូវបានបែងចែកតាមគោលដៅក្នុងចំណោមជនភៀសខ្លួនសរុប១៦ម៉ឺននាក់។
សមាជិកអឺរ៉ុបបានខ្វែងគំនិតគ្នាលើការទទួលយកជនភៀសខ្លួន ដែលលក្ខណៈចាប់បង្ខំ ហើយមានសមាជិកខ្លះមិនស្ដាប់គណៈកម្មការអឺរ៉ុបលើបញ្ហានេះទេ។ រដ្ឋអឺរ៉ុបខ្លះដូចជាហុងគ្រី និងប៉ូឡូញ បានបដិសេធទទួលយកជនភៀសខ្លួន ដ្បិតរដ្ឋាភិបាលប្រទេសនេះមាននយោបាយប្រឆាំងជនភៀសខ្លួន និងយកលេសថា ជនភៀសខ្លួនទាំងនោះ គឺជាគំរាមកំហែងសន្តិសុខផ្ទៃក្នុង ជាពិសេសករណីភេរវកម្មជាតែម្ដង។
ទទួលជនភៀសខ្លួនបន្ថែម តែរឹតបន្តឹងព្រំដែន
នៅសប្ដាហ៍នេះដែរ សហភាពអឺរ៉ុបក៏ប្រកាសផែនការរបស់ខ្លួនក្នុងការអនុញ្ញាតឲ្យសមាជិកនៃតំបន់ Schengen អាចអនុវត្តការរឹតបន្តឹងព្រំដែនរយៈពេលបីឆ្នាំទៅមុខទៀត បើការគំរាមសន្តិសុខមានកម្រិតខ្ពស់។ បច្ចុប្បន្ន រដ្ឋសមាជិក Schengen អាចពង្រឹងសន្តិសុខតាមព្រំដែនរបស់ខ្លួនរយៈពេល៦ខែ ក្នុងករណីមានការគំរាមកំហែង ហើយវិធានការនេះអាចពង្រីកដល់ទៅពីរឆ្នាំ បើមានការគំរាមលើព្រំដែនដែរនោះ។
សមាជិកអឺរ៉ុបដូចជាបារាំង និងអាល្លឺម៉ង់ បានស្នើឲ្យការពង្រីករយៈពេលនៃការត្រួតពិនិត្យតាមព្រំដែនឲ្យបានយូរឆ្នាំ ព្រោះពួកគេបារម្ភពីសុវត្ថិភាពប្រជាជនខ្លួន ខណៈដែលការវាយប្រហារភេរវកម្មបានផ្ទុះឡើងជាច្រើនលើកក្នុងពេលប៉ុន្មានឆ្នាំនេះ។ សំណើនេះធ្វើឡើង ខណៈដែលវិធានការត្រួតពិនិត្យព្រំដែនដែលក្រុងព្រុចសែលអនុញ្ញាតតាំងពីឆ្នាំមុនមកនោះ នឹងអស់សុពលភាពនៅខែវិច្ឆិកាខាងមុខ តែសមាជិកភាគច្រើនចង់ឲ្យមានការរឹតបន្តឹងព្រំដែនបន្ថែមទៀត។
លំហូរជនភៀសខ្លួន និងការវាយប្រហារភេរវកម្ម គឺជាបញ្ហាព្រួយបារម្ភសម្រាប់សមាជិកអឺរ៉ុប។ ការទទួលយកជនភៀសខ្លួនក្នុងនាមមនុស្សធម៌ បង្កការមិនពេញចិត្តក្នុងចំណោមប្រជាជនម្ចាស់ស្រុក ព្រោះពួកគេយល់ថា ជនភៀសខ្លួនទាំងនោះជាប្រភពនៃបញ្ហាសន្តិសុខ។ ជាការពិត ក្នុងការវាយប្រហារច្រើននៅអឺរ៉ុប ជនសង្ស័យភាគច្រើនមានប្រភពមកពីជនភៀសខ្លួន ដែលរងឥទ្ធិពលពីមនោគមន៍របស់ក្រុមជ្រុលនិយមមានក្រុមរដ្ឋឥស្លាមជាដើម៕
Tag:
អឺរ៉ុប
អាហ្វ្រិក
ជនភៀសខ្លួន
© រក្សាសិទ្ធិដោយ thmeythmey.com
