អន្តរជាតិ
×![]()
ដោយ: តន ចាន់រិទ្ធារ៉ា
ជីវិតនយោបាយរបស់អតីតនាយករដ្ឋមន្ត្រី យីងឡាក់ ស៊ីណាវ៉ាត់ ដែលភៀសខ្លួននៅទីក្រុងឌូបៃ ទំនងជាត្រូវចប់សព្វគ្រប់ហើយ បន្ទាប់ពីច្បាប់ថ្មីស្ដីពីការប្រព្រឹត្តទៅតុលាការកំពូលថៃចូលជាធរមាននៅថ្ងៃទី២៩ ខែកញ្ញា។ នេះបើតាមការលើកឡើងរបស់ប្រធានគណៈកម្មាធិការសរសេររដ្ឋធម្មនុញ្ញថៃ។ មិនត្រឹមតែជីវិតនយោបាយឡើយ លោកស្រី យីងឡាក់ ទំនងជាមិនអាចតវ៉ាការកាត់ទោសឲ្យជាប់ពន្ធនាគារប្រាំឆ្នាំបានដែរ។
អ្នកនយោបាយត្រកូល «ស៊ីណាវ៉ាត់» ម្នាក់ទៀតត្រូវបានកម្ចាត់ពីឆាកនយោបាយរបស់ថៃហើយ។ អតីតនាយករដ្ឋមន្ត្រីថៃ យីងឡាក់ ស៊ីណាវ៉ាត់ ត្រូវបានតុលាការកំពូលថៃរកឃើញថាធ្វេសប្រហែសក្នុងការដឹកនាំតាមរយៈការខាតបង់ទឹកប្រាក់រាប់លានដុល្លារនៃកម្មវិធីទិញអង្ករតម្លៃថោកអំឡុងពេលរដ្ឋាភិបាលលោកស្រីដឹកនាំប្រទេស មុននឹងការធ្វើរដ្ឋប្រហារទម្លាក់ពីអំណាចដោយក្រុមយោធាដឹកនាំដោយឧត្តមសេនីយ៍ ប្រាយុទ្ធ ចន្ទអូចា ក្នុងឆ្នាំ២០១៤។
យ៉ាងណាក្ដី លោកស្រី យីងឡាក់ ទំនងជាមិនអាចប្ដឹងជំទាស់ការកាត់ទោសនេះបានទេ។ ប្រធានគណៈកម្មាធិការសរសេររដ្ឋធម្មនុញ្ញ Meechai Ruchupan និយាយថា បើលោកស្រី យីងឡាក់ ចង់ប្ដឹងទាស់សាលដីកានេះ លោកស្រីត្រូវតែបង្ហាញមុខចំពោះតុលាការដោយផ្ទាល់។ ប៉ុន្តែរឿងនេះទំនងមិនអាចកើតឡើងបានទេ ព្រោះលោកស្រីបានរត់ទៅបរទេសតាំងពីខែមុនមកម្ល៉េះដើម្បីគេចពីការទទួលទោសនេះ។
បើតាមកាសែតបាងកកប៉ុស្តិ៍ លោក Meechai ចង់សំដៅដល់ច្បាប់ស្ដីពីការនីតិវិធីតុលាការកំពូលសម្រាប់អ្នកនយោបាយកាន់តំណែងរដ្ឋ ដែលត្រូវបានចុះក្នុងរាជកិច្ចនៅថ្ងៃទី២៨ ខែកញ្ញា និងចូលជាធរមាននៅថ្ងៃទី២៩ ខែកញ្ញា។ លោក Meechai បញ្ជាក់ថា ករណីលោកស្រី យីងឡាក់ ស្ថិតក្រោមច្បាប់នេះ ដែលមាត្រា៦១ចែងថា ជនជាប់ចោទត្រូវបង្ហាញមុខនៅតុលាការ ពេលប្ដឹងជំទាស់ការកាត់ក្ដីណាមួយ។
ជាមួយគ្នានេះ អាជ្ញាយុកាលនៃបទល្មើសរបស់អតីតនាយករដ្ឋមន្ត្រីស្ត្រីរូបនេះ ក៏មិនការកំណត់ដែរ ដែលនេះមានន័យថា លោកស្រី យីងឡាក់ អាចត្រូវចាប់ខ្លួនគ្រប់ពេលវេលា បើហ៊ានចូលស្រុកនោះ។ កាន់តែធ្ងន់ធ្ងរនោះ ប្រធានគណៈកម្មាធិការសរសេររដ្ឋធម្មនុញ្ញខាងលើសង្កត់ថា បើទោះជាលោកស្រី អនុវត្តទោស៥ឆ្នាំក្ដី ក៏លោកស្រីគ្មានសិទ្ធិធ្វើនយោបាយបានទៀតដែរ ព្រោះលោកស្រីត្រូវកាត់ទោសក្រោមច្បាប់ប្រឆាំងអំពើពុករលួយ។
សូមបញ្ជាក់ថា មួយថ្ងៃក្រោយតុលាការកំពូលថៃកាត់ទោសលោកស្រី យីងឡាក់ មេដឹកនាំរបបសឹកថៃ ប្រាយុទ្ធ ចន្ទអូចា បានប្រាប់អ្នកសារព័ត៌មានថា លោកស្រី យីងឡាក់ កំពុងស្ថិតនៅទីក្រុងឌូបៃ។ លោក ប្រាយុទ្ធ បញ្ជាក់ថា អាជ្ញាធរនឹងចេញដីកាចាប់ខ្លួនលោកស្រី យីងឡាក់ និងព្យាយាមធ្វើបត្យាប័នអតីតនាយករដ្ឋមន្ត្រីរូបនេះត្រឡប់ចូលស្រុកវិញ។ ប៉ុន្តែថៃ និងអារ៉ាប់រូមអេមីរ៉ាតគ្មានកិច្ចព្រមព្រៀងធ្វើបត្យាប័នទេ៕
អ្នកនយោបាយត្រកូល «ស៊ីណាវ៉ាត់» ម្នាក់ទៀតត្រូវបានកម្ចាត់ពីឆាកនយោបាយរបស់ថៃហើយ។ អតីតនាយករដ្ឋមន្ត្រីថៃ យីងឡាក់ ស៊ីណាវ៉ាត់ ត្រូវបានតុលាការកំពូលថៃរកឃើញថាធ្វេសប្រហែសក្នុងការដឹកនាំតាមរយៈការខាតបង់ទឹកប្រាក់រាប់លានដុល្លារនៃកម្មវិធីទិញអង្ករតម្លៃថោកអំឡុងពេលរដ្ឋាភិបាលលោកស្រីដឹកនាំប្រទេស មុននឹងការធ្វើរដ្ឋប្រហារទម្លាក់ពីអំណាចដោយក្រុមយោធាដឹកនាំដោយឧត្តមសេនីយ៍ ប្រាយុទ្ធ ចន្ទអូចា ក្នុងឆ្នាំ២០១៤។
យ៉ាងណាក្ដី លោកស្រី យីងឡាក់ ទំនងជាមិនអាចប្ដឹងជំទាស់ការកាត់ទោសនេះបានទេ។ ប្រធានគណៈកម្មាធិការសរសេររដ្ឋធម្មនុញ្ញ Meechai Ruchupan និយាយថា បើលោកស្រី យីងឡាក់ ចង់ប្ដឹងទាស់សាលដីកានេះ លោកស្រីត្រូវតែបង្ហាញមុខចំពោះតុលាការដោយផ្ទាល់។ ប៉ុន្តែរឿងនេះទំនងមិនអាចកើតឡើងបានទេ ព្រោះលោកស្រីបានរត់ទៅបរទេសតាំងពីខែមុនមកម្ល៉េះដើម្បីគេចពីការទទួលទោសនេះ។
បើតាមកាសែតបាងកកប៉ុស្តិ៍ លោក Meechai ចង់សំដៅដល់ច្បាប់ស្ដីពីការនីតិវិធីតុលាការកំពូលសម្រាប់អ្នកនយោបាយកាន់តំណែងរដ្ឋ ដែលត្រូវបានចុះក្នុងរាជកិច្ចនៅថ្ងៃទី២៨ ខែកញ្ញា និងចូលជាធរមាននៅថ្ងៃទី២៩ ខែកញ្ញា។ លោក Meechai បញ្ជាក់ថា ករណីលោកស្រី យីងឡាក់ ស្ថិតក្រោមច្បាប់នេះ ដែលមាត្រា៦១ចែងថា ជនជាប់ចោទត្រូវបង្ហាញមុខនៅតុលាការ ពេលប្ដឹងជំទាស់ការកាត់ក្ដីណាមួយ។
ជាមួយគ្នានេះ អាជ្ញាយុកាលនៃបទល្មើសរបស់អតីតនាយករដ្ឋមន្ត្រីស្ត្រីរូបនេះ ក៏មិនការកំណត់ដែរ ដែលនេះមានន័យថា លោកស្រី យីងឡាក់ អាចត្រូវចាប់ខ្លួនគ្រប់ពេលវេលា បើហ៊ានចូលស្រុកនោះ។ កាន់តែធ្ងន់ធ្ងរនោះ ប្រធានគណៈកម្មាធិការសរសេររដ្ឋធម្មនុញ្ញខាងលើសង្កត់ថា បើទោះជាលោកស្រី អនុវត្តទោស៥ឆ្នាំក្ដី ក៏លោកស្រីគ្មានសិទ្ធិធ្វើនយោបាយបានទៀតដែរ ព្រោះលោកស្រីត្រូវកាត់ទោសក្រោមច្បាប់ប្រឆាំងអំពើពុករលួយ។
សូមបញ្ជាក់ថា មួយថ្ងៃក្រោយតុលាការកំពូលថៃកាត់ទោសលោកស្រី យីងឡាក់ មេដឹកនាំរបបសឹកថៃ ប្រាយុទ្ធ ចន្ទអូចា បានប្រាប់អ្នកសារព័ត៌មានថា លោកស្រី យីងឡាក់ កំពុងស្ថិតនៅទីក្រុងឌូបៃ។ លោក ប្រាយុទ្ធ បញ្ជាក់ថា អាជ្ញាធរនឹងចេញដីកាចាប់ខ្លួនលោកស្រី យីងឡាក់ និងព្យាយាមធ្វើបត្យាប័នអតីតនាយករដ្ឋមន្ត្រីរូបនេះត្រឡប់ចូលស្រុកវិញ។ ប៉ុន្តែថៃ និងអារ៉ាប់រូមអេមីរ៉ាតគ្មានកិច្ចព្រមព្រៀងធ្វើបត្យាប័នទេ៕
Tag:
ថៃ
យីងឡាក់ ស៊ីណាវ៉ាត់
© រក្សាសិទ្ធិដោយ thmeythmey.com
