សម្តេច ហ៊ុន សែន ធ្លាប់រិះគន់ការយកស្នាដៃអក្សរសិល្ប៍ទៅកែច្នៃ ពីតួស្លាប់ ទៅតួរស់ឡើងវិញ

ជាតិ

សម្តេច ហ៊ុន សែន ធ្លាប់រិះគន់ការយកស្នាដៃអក្សរសិល្ប៍ទៅកែច្នៃ ពីតួស្លាប់ ទៅតួរស់ឡើងវិញ

29, Sep 2017 , 9:19 pm

រូបភាព

ហ្វេសប៊ុកសម្ដេច ហ៊ុន សែន

ដោយ: ថ្មីៗ

ភ្នំពេញ៖ នៅព្រឹកថ្ងៃទី២៩ កញ្ញានេះ សម្ដេចនាយករដ្ឋមន្ត្រី ហ៊ុន សែន ជួបសំណេះសំណាលជាមួយអ្នកសិល្បករខ្មែរ ក្នុងពិធីបំពាក់មេដាយកិត្តិយស «ព្រះរាជាណាចក្រកម្ពុជា ថ្នាក់មហាសេរីវឌ្ឍន៍» ជូនព្រឹទ្ធាចារ្យ ប្រាជ្ញ ឈួន និង គង់ ណៃ ។ ព្រឹទ្ធាចារ្យកោសល្យវោហារ គង់ ណៃ ទើបទទួលបានពានរង្វាន់សិល្បៈវប្បធម៌ ក្រុងហ្វូកូអូកា (Fukuoka Arts and Culture Prize) ។

នៅក្នុងពិធីនេះ សម្ដេច ហ៊ុន សែន បានរម្លឹកអនុស្សាវរីយ៍មួយចំនួន ជាមួយអ្នកសិល្បៈចាប៉ីដងវែង និងអ្នកសិល្បៈជើងចាស់នានា ដែលសម្ដេចបានយកចិត្តទុកដាក់លើសុខទុក្ខរបស់ពួកគាត់ និងការស្ដារឡើងវិញនៃសិល្បៈបុរាណខ្មែរ ចាប់តាំងពីប្រទេសរួចផុតពីសម័យសង្គ្រាមមក។

ថ្លែងក្នុងពិធីជួបសំណេះសំណាលគ្នានេះ ស្រាប់តែប្រមុខរដ្ឋាភិបាល បានរម្លឹកពីការមិនពេញចិត្តចំពោះការអ្នកនិពន្ធដែលបានក្រឡៃសាច់រឿង«ទុំទាវ» និង«ម៉ាកភូយ៉ុងកែវ» ខុសពីការពិតនៃសាច់រឿងដើម។ ចំណុចដែលនាយករដ្ឋមន្ត្រី មិនពេញចិត្តនោះ គឺត្រង់ថា អ្នកនិពន្ធបានកែក្រឡៃសាច់រឿងទុំទាវ ដោយរៀបចំឲ្យតួអង្គទុំទាវ ស្លាប់ហើយរស់ឡើងវិញ។ ចំណែកសាច់រឿង«ម៉ាកភូយ៉ុងកែវ» ក៏អ្នកនិពន្ធរៀបចំឲ្យតួអង្គម្នាក់ឈ្មោះ«នាយដាំ» ស្លាប់ហើយរស់ឡើងវិញដែរ។ សម្ដេច ហ៊ុន សែន ធ្លាប់រិះគន់អ្នកនិពន្ធដែលក្រឡៃសាច់រឿងនេះ ។

សូមស្ដាប់ប្រសាសន៍សម្ដេច ហ៊ុន សែន៖

**audio2**