ជាតិ
នយោបាយជាតិ
ជិត១ខែ ចំនួនថ្មីនៃអ្នកចុះឈ្មោះបោះឆ្នោត មានតែជាង ២សែននាក់
×
ភ្នំពេញ៖ លទ្ធផលបណ្តោះអាសន្ន ដែលប្រកាសដោយគណៈកម្មាធិការជាតិរៀបចំការបោះឆ្នោត (គ.ជ.ប) បានឲ្យដឹងថា ចំនួនថ្មីនៃអ្នកចុះឈ្មោះបោះឆ្នោត មានជាង ២.៣សែននាក់ ដោយគិតពីថ្ងៃទី១ ដល់ថ្ងៃទី២៧ ខែកញ្ញា ឆ្នាំ២0១៧។ ប៉ុន្តែ ថ្ងៃទី១៩ ដល់ថ្ងៃទី២១ មិនរាប់បញ្ចូលនោះទេ ព្រោះ៣ថ្ងៃនេះ ស្ថិតក្នុងពិធីបុណ្យភ្ជុំបិណ្ឌ ដែលតម្រូវឲ្យគ.ជ.ប ផ្អាកការចុះឈ្មោះ។
ផ្អែកលើប្រភពពីគ.ជ.ប ដដែល ចំនួនចាស់នៃអ្នកចុះឈ្មោះបោះឆ្នោតក្នុងឆ្នាំ២0១៦ មានជិត ៨លាននាក់។ ដូច្នេះ បើបូកចំនួនចាស់និងចំនួនថ្មី បញ្ជូលគ្នា ប្រជាពលរដ្ឋ ដែលមានឈ្មោះក្នុងបញ្ជីបោះឆ្នោតបច្ចុប្បន្ន មានជាង ៨.១លាននាក់ហើយ។
ដើម្បីមានសិទ្ធិបោះឆ្នោតក្នុងឆ្នាំ២0១៨ ប្រជាពលរដ្ឋ ដែលមិនទាន់មានឈ្មោះក្នុងបញ្ជីបោះឆ្នោត ត្រូវតែទៅចុះឈ្មោះបោះឆ្នោត។ ការចុះឈ្មោះបោះឆ្នោតថ្មីនេះ នឹងត្រូវបញ្ចប់ នៅថ្ងៃទី៩ ខែវិច្ឆិកា ឆ្នាំ២0១៧។
ចំណែកឯ ប្រជាពលរដ្ឋ ដែលបានចុះឈ្មោះបោះឆ្នោតរួចហើយ កាលពីឆ្នាំ២0១៦ នឹងមានឈ្មោះក្នុងបញ្ជី ហើយអាចទៅបោះឆ្នោត ក្នុងឆ្នាំ២0១៨តែម្តង ដោយមិនតម្រូវឲ្យទៅចុះឈ្មោះម្តងទៀតឡើយ។ ប៉ុន្តែពួកគេ ក៏ត្រូវតែទៅពិនិត្យឈ្មោះរបស់ខ្លួនឡើងវិញដែរ ដែលត្រូវបានបិទផ្សាយនៅតាមឃុំ-សង្កាត់៕
Tag:
បោះឆ្នោតជាតិ
ចុះឈ្មោះ
គជប
© រក្សាសិទ្ធិដោយ thmeythmey.com