ជាតិ
នយោបាយជាតិ
តុលាការ បដិសេធជាលើកទី៣ ចំពោះសំណើតំណាងរាស្ត្រ ដែលសុំចូលជួបឯកឧត្តម កឹម សុខា
×![]()
ដោយ: ថ្មីៗ
ភ្នំពេញ៖ ចៅក្រមស៊ើបសួរ នៅតែមិនឲ្យក្រុមតំណាងរាស្ត្រចូលជួបឯកឧត្តម កឹម សុខា ក្នុងពន្ធនាគារ ដដែល។ ហេតុផលលើកទី៣នេះ ដែលចៅក្រមស៊ើបសួរ ឆ្លើយទៅក្រុមតំណាងរាស្ត្រគណបក្សសង្គ្រោះជាតិ គឺមិនខុសពីហេតុផល កាលពីលើកទីមួយនិងលើកទីពីរឡើយ។
ការព្យាយាមរបស់ក្រុមតំណាងរាស្ត្រគណបក្សសង្គ្រោះជាតិ ដែលសុំចូលជួបឯកឧត្តម កឹម សុខា ក្នុងពន្ធនាគារត្រពាំងផ្លុង ក្នុងខេត្តត្បូងឃ្មុំ ត្រូវបានចៅក្រមស៊ើបសួរនៃសាលាដំបូងរាជធានីភ្នំពេញ ច្រានចោលម្តងហើយម្តងទៀត។ បើគិតទៅ នេះជាលើកទីបីហើយ ដែលសំណើរបស់ក្រុមតំណាងរាស្ត្រ ត្រូវបរាជ័យ។ ហើយសំណើលើកទីបីនេះ គឺលោក សួន រីដា តំណាងរាស្ត្រមួយនៃគណបក្សសង្គ្រោះជាតិ ជាអ្នកសរសេរផ្ញើទៅកាន់ចៅក្រមស៊ើបសួរ ដើម្បីសុំចូលជួបឯកឧត្តម កឹម សុខា។
សម្រាប់សំណើលើកទីបីនេះ ចៅក្រមស៊ើបសួរ បានឆ្លើយទៅលោក សួន រីដា តាមរយៈលិខិតថា សំណុំរឿង កំពុងស្ថិតក្នុងដំណាក់កាលនៃការស៊ើបសួរ ដូច្នេះ មានតែមេធាវី និងក្រុមគ្រួសារប៉ុណ្ណោះ ដែលអាចទទួលបានការអនុញ្ញាតឲ្យចូលជួបឯកឧត្តម កឹម សុខា ក្នុងពន្ធនាគារ រីអ្នកផ្សេងទៀត ពុំអាចទទួលបានការអនុញ្ញាតនោះទេ។ ហេតុផលខាងលើនេះ គឺដូចគ្នានឹងហេតុផលទាំងពីរលើកកន្លងមក ដែលចៅក្រមស៊ើបសួរ បានឆ្លើយតបទៅកាន់ក្រុមតំណាងរាស្ត្រគណបក្សសង្គ្រោះជាតិ។
លោក សួន រីដា ដែលជាម្ចាស់សំណើលើកទីបីនេះ បានប្រាប់សារព័ត៌ថ្មីៗថា ឯកឧត្តម កឹម សុខា ជាជនត្រូវចោទ មិនទាន់ក្លាយជាអ្នកទោសនោះទេ ដូច្នេះ នៅតែមានសិទ្ធិជួបក្រុមគ្រួសារ រួមទាំងអ្នកទៃផងដែរ។ លោក និយាយដូច្នេះថា៖«ហេតុផលរបស់ចៅក្រមស៊ើបសួរ គ្រាន់តែជាហេតុផលរបស់ភាគីតែម្ខាងប៉ុណ្ណោះ។ ហើយគាត់ បកស្រាយ តាមតែគាត់ចង់បាន»។
ការដែលចៅក្រមស៊ើបសួរ មិនព្រមអនុញ្ញាតបែបនេះ បានធ្វើឲ្យក្រុមតំណាងរាស្ត្រគណបក្សសង្គ្រោះជាតិ ដាក់គម្រោងទៅមុខពន្ធនាគារត្រពាំងផ្លុង ជារៀងរាល់ថ្ងៃចន្ទ ដើម្បីទាមទារសុំចូលជួបឯកឧត្តម កឹម សុខា។ បើតាមលោក សុន ឆ័យ មន្ត្រីជាន់ខ្ពស់គណបក្សសង្គ្រោះជាតិ ដែលធ្លាប់អះអាងកន្លងមក ក្រុមតំណាងរាស្ត្រ មិនមានមធ្យោបាយអ្វីផ្សេងនោះទេ ក្រៅតែពីការទៅទាមទារនៅមុខពន្ធនាគារត្រពាំងផ្លុង ប្រសិនបើ ចៅក្រោមស៊ើបសួរ នៅតែមិនអនុញ្ញាតឲ្យចូលជួបឯកឧត្តម កឹម សុខា។
រហូតមកដល់ពេលនេះ ឯកឧត្តម កឹម សុខា បានជាប់ពន្ធនាគារជិតមួយខែហើយ។ ក្នុងរយៈពេលជិតមួយខែនេះ អ្នក ដែលបានទៅចូលសួរសុខទុក្ខឯកឧត្តម កឹម សុខា គឺមានតែក្រុមគ្រួសារនិងក្រុមមេធាវី ប៉ុណ្ណោះ៕
ការព្យាយាមរបស់ក្រុមតំណាងរាស្ត្រគណបក្សសង្គ្រោះជាតិ ដែលសុំចូលជួបឯកឧត្តម កឹម សុខា ក្នុងពន្ធនាគារត្រពាំងផ្លុង ក្នុងខេត្តត្បូងឃ្មុំ ត្រូវបានចៅក្រមស៊ើបសួរនៃសាលាដំបូងរាជធានីភ្នំពេញ ច្រានចោលម្តងហើយម្តងទៀត។ បើគិតទៅ នេះជាលើកទីបីហើយ ដែលសំណើរបស់ក្រុមតំណាងរាស្ត្រ ត្រូវបរាជ័យ។ ហើយសំណើលើកទីបីនេះ គឺលោក សួន រីដា តំណាងរាស្ត្រមួយនៃគណបក្សសង្គ្រោះជាតិ ជាអ្នកសរសេរផ្ញើទៅកាន់ចៅក្រមស៊ើបសួរ ដើម្បីសុំចូលជួបឯកឧត្តម កឹម សុខា។
សម្រាប់សំណើលើកទីបីនេះ ចៅក្រមស៊ើបសួរ បានឆ្លើយទៅលោក សួន រីដា តាមរយៈលិខិតថា សំណុំរឿង កំពុងស្ថិតក្នុងដំណាក់កាលនៃការស៊ើបសួរ ដូច្នេះ មានតែមេធាវី និងក្រុមគ្រួសារប៉ុណ្ណោះ ដែលអាចទទួលបានការអនុញ្ញាតឲ្យចូលជួបឯកឧត្តម កឹម សុខា ក្នុងពន្ធនាគារ រីអ្នកផ្សេងទៀត ពុំអាចទទួលបានការអនុញ្ញាតនោះទេ។ ហេតុផលខាងលើនេះ គឺដូចគ្នានឹងហេតុផលទាំងពីរលើកកន្លងមក ដែលចៅក្រមស៊ើបសួរ បានឆ្លើយតបទៅកាន់ក្រុមតំណាងរាស្ត្រគណបក្សសង្គ្រោះជាតិ។
លោក សួន រីដា ដែលជាម្ចាស់សំណើលើកទីបីនេះ បានប្រាប់សារព័ត៌ថ្មីៗថា ឯកឧត្តម កឹម សុខា ជាជនត្រូវចោទ មិនទាន់ក្លាយជាអ្នកទោសនោះទេ ដូច្នេះ នៅតែមានសិទ្ធិជួបក្រុមគ្រួសារ រួមទាំងអ្នកទៃផងដែរ។ លោក និយាយដូច្នេះថា៖«ហេតុផលរបស់ចៅក្រមស៊ើបសួរ គ្រាន់តែជាហេតុផលរបស់ភាគីតែម្ខាងប៉ុណ្ណោះ។ ហើយគាត់ បកស្រាយ តាមតែគាត់ចង់បាន»។
ការដែលចៅក្រមស៊ើបសួរ មិនព្រមអនុញ្ញាតបែបនេះ បានធ្វើឲ្យក្រុមតំណាងរាស្ត្រគណបក្សសង្គ្រោះជាតិ ដាក់គម្រោងទៅមុខពន្ធនាគារត្រពាំងផ្លុង ជារៀងរាល់ថ្ងៃចន្ទ ដើម្បីទាមទារសុំចូលជួបឯកឧត្តម កឹម សុខា។ បើតាមលោក សុន ឆ័យ មន្ត្រីជាន់ខ្ពស់គណបក្សសង្គ្រោះជាតិ ដែលធ្លាប់អះអាងកន្លងមក ក្រុមតំណាងរាស្ត្រ មិនមានមធ្យោបាយអ្វីផ្សេងនោះទេ ក្រៅតែពីការទៅទាមទារនៅមុខពន្ធនាគារត្រពាំងផ្លុង ប្រសិនបើ ចៅក្រោមស៊ើបសួរ នៅតែមិនអនុញ្ញាតឲ្យចូលជួបឯកឧត្តម កឹម សុខា។
រហូតមកដល់ពេលនេះ ឯកឧត្តម កឹម សុខា បានជាប់ពន្ធនាគារជិតមួយខែហើយ។ ក្នុងរយៈពេលជិតមួយខែនេះ អ្នក ដែលបានទៅចូលសួរសុខទុក្ខឯកឧត្តម កឹម សុខា គឺមានតែក្រុមគ្រួសារនិងក្រុមមេធាវី ប៉ុណ្ណោះ៕
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 4 ថ្ងៃ
