ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
សង្រ្កាន្តឆ្នាំថ្មី
អត្ថបទពាណិជ្ជកម្ម
បទយកការណ៍/សម្ភាស
កីឡាជាតិ
ជាតិ
លោក វង្ស ខាន់ពៅ ថាបើមានវគ្គបំប៉នបច្ចកទេសរាល់ឆ្នាំកីឡាជិះកង់នឹងជោគជ័យនៅឆ្នាំ២០២៣
07, Oct 2017 ,
2:24 pm
រូបភាព
លោក វង្ស ខាន់ពៅ អគ្គលេខាធិការសហព័ន្ធខ្មែរកីឡាទោចក្រយាន
×
ដោយ:
ក្រោយឆ្លងកាត់ការបណ្តុះបណ្តាលទាំងទ្រឹស្តីនិងការអនុវត្តនៅទីស្នាក់ការគណៈកម្មាធិការជាតិអូឡាំពិកកម្ពុជា(NOCC)និងនៅពហុកីឡដ្ឋានជាតិ៥ថ្ងៃ វគ្គសិក្សាសាមគ្គីអូឡាំពិកស្តីពី«គ្រូបង្វឹកកីឡាប្រណាំងទោចក្រយាន»បានបញ្ចប់ក្រោមការវាយតម្លៃខ្ពស់ពីថ្នាក់ដឹកនាំកាលពីរសៀលថ្ងៃទី៦ តុលា។
អគ្គលេខាធិការសហព័ន្ធខ្មែរកីឡាទោចក្រយានបង្ហាញទំនុកចិត្តថា បើមានវគ្គបណ្តុះបណ្តាលបច្ចេកទេសគ្រូបង្វឹកបែបនេះរៀងរាល់ឆ្នាំកីឡាទោចក្រយាននឹងមានការរីកចម្រើនកាន់តែខ្លាំងទៅថ្ងៃអនាគត។ អគ្គលេខាធិការសហព័ន្ធខ្មែរកីឡាទោចក្រយាន លោក វង្ស ខាន់ពៅ បានបាត់ទុកវគ្គសិក្សាសាមគ្គីអូឡាំពិកស្តីពី«គ្រូបង្វឹកកីឡាទោចក្រយាន»ជាការបណ្តុះបណ្តាលមួយដ៏សំខាន់ក្នុងការបង្កើនបច្ចេកទេសនិងផ្តល់បទពិសោធល្អដើម្បីអភិវឌ្ឍន៍សមត្ថភាពឲ្យកាន់តែរីកចម្រើនសម្រាប់មន្ត្រី គ្រូបង្វឹក និងកីឡាករ។
ហើយលោកជឿជាក់ថា បើមានវគ្គបណ្តុះបណ្តាលបំប៉នបច្ចេកទេសបែបនេះកាន់តែច្រើនកីឡាទោចក្រយានទទួលបានជោគជ័យខ្ពស់លើឆាកជាតិ និងអន្តរជាតិ ជាពិសេសស៊ីហ្គេមឆ្នាំ២០២៣។
នាពិធីបិទវគ្គបណ្តុះបណ្តាលកាលពីថ្ងៃទី៦ តុលា នៅទីស្នាក់ការ NOCC លោក វង្ស ខាន់ពៅ បានបញ្ជាក់ថា៖«បើមានលទ្ធភាពបើកបណ្តុះបណ្តាលបច្ចេកទេសជារៀងរាល់ឆ្នាំ គ្រូបង្វឹកកីឡាករមានការយល់ដឹងកាន់តែខ្លាំង។ លើសពីនេះ វាអាចជួយជំរុញគុណផលកីឡាទោចក្រយានឈានទៅរកភាពជោគជ័យលើអន្តរជាតិ ជាពិសេសស៊ីហ្គេមឆ្នាំ២០២៣ ដែលកម្ពុជាជាម្ចាស់ផ្ទះ»។ ក្រោយបណ្តុះបណ្តាលទាំងទ្រឹស្តីនិងការអនុវត្តជាក់ស្តែងនៅទីស្នាក់ការ NOCC និងពហុកីឡដ្ឋានជាតិរយៈពេល៥ថ្ងៃចាប់ពីថ្ងៃទី២ ដល់ថ្ងៃទី៦ ខែតុលា ក្រោមបទឧទ្ទេសរបស់អ្នកជំនាញមកពីសិង្ហបុរីលោក Ramlan Latiff សិក្ខាកាម៣រូបទទួលបានលទ្ធផលល្អ ១៧រូបល្អបង្គួរ និង៥រូបធម្យម។
ជាគ្នានេះអ្នកជំនាញបច្ចេកទេសកីឡាទោចក្រយានកម្រិត UCI ជនជាតិសិង្ហបុរីលោក Ramlan Latiff លើកឡើងថា លោកមានមោទកភាពមែនទែនដែលបានធ្វើជាគ្រូឧទ្ទេសអន្តរជាតិមកបណ្តុះបណ្តាលក៏ដូចជាចែករំលែកបទពិសោធដល់សិក្ខាកាមនៅកម្ពុជាលើកដំបូង។ ហើយការបង្ហាញខ្លួននៅកម្ពុជាលោកចង់ឲ្យសិក្ខាកាមដែលជាសិស្សក្នុងរយៈពេល៥ថ្ងៃក្លាយជាគ្រូបង្វឹកមានការអភិវឌ្ឍខ្ពស់ផ្នែកបច្ចេកទេសកីឡាទោចក្រយាន។ ទោះបីលោកចាត់ទុកវគ្គសិក្សារយៈពេល៥ថ្ងៃវាគ្រាន់តែជាចំណុចចាប់ផ្តើម និងមិនគ្រប់គ្រាន់ទៅនឹងតម្រូវការក៏ដោយ តែលោកជំរុញឲ្យសិក្ខាកាមដែលទទួលបានការបណ្តុះបណ្តាលពីវគ្គនេះត្រូវយកចំណេះជំនាញទៅចែករំលែកដល់កីឡាករនៅតាមមូលដ្ឋានរៀងៗខ្លួនតាមលទ្ធភាពដែលអាចធ្វើទៅបាន។
លោក នុត សាអាន ថ្លែងពេលបិទវគ្គសិក្សាសាមគ្គីស្តីពី«គ្រូបង្វឹកកីឡាទោចក្រយាន»នៅ NOCC
ទន្ទឹមនឹងនេះ លោក នុត សាអាន ប្រធានសហព័ន្ធកីឡាខ្មែរទោចក្រយានជំរុញឲ្យសិក្ខាកាមទាំងអស់ត្រូវខិតខំប្រឹងប្រែងយកចិត្តទុកដាក់រៀនសូត្របន្ថែមទៀតលើជំនាញផ្នែកបច្ចេកទេស ព្រោះបច្ចេកទេសជាចលកររុញច្រានទៅរកភាពជោគជ័យ។ ទោះបីវគ្គសិក្សាមានរយៈពេលខ្លី តែលោករំពឹងថា តាមរយៈខ្លឹមសារនិងការអនុវត្តសិក្ខាកាមទទួលបានចំណេះដឹងថ្មីៗ ដើម្បីចែករំលែកបន្ត និងធ្វើទំនើបកម្មបច្ចេកទេសកីឡាទោចក្រយានឲ្យស្របតាមការវិវត្តរបស់ពិភពលោក។
ក្រោយចប់វគ្គបណ្តុះបណ្តាលក្នុងថ្ងៃបិទវគ្គកាលពីរសៀលថ្ងៃទី៦ ខែតុលា នៅទីស្នាក់ការ NOCC សិក្ខាកាមដែលចូលរៀនទាំង២៥រូបទទួលបានវិញ្ញាបនបត្របញ្ចាក់ការសិក្សាម្នាក់១ ហើយគ្រូឧទ្ទេសជនជាតិសិង្ហបុរីលោក Ramlan Latiff ទទួលបានវត្ថុអនុស្សាវរីយ៍ពី NOCC មួយ និងសហព័ន្ធមួយ។ គួរបញ្ជាក់ថា វគ្គសិក្សាសាមគ្គីអូឡាំពិកស្តីពី«គ្រូបង្វឹកកីឡាទោចក្រយាន»រៀបចំដោយ NOCC សហការជាមួយសហព័ន្ធខ្មែរកីឡាទោចក្រយានក្រោមការឧបត្ថម្ភពីអង្គការសាមគ្គីអូឡាំពិក៕
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
Tag:
ប្រណាំងកង់
វង្ស ខាន់ពៅ
នុត សាអាន
Ramlan Latiff
© រក្សាសិទ្ធិដោយ thmeythmey.com
អត្ថបទពេញនិយម
ដំណឹងបឋម៖ ករណីផ្ទុះឃ្លាំងគ្រាប់នៅបន្ទាយភូមិភាគ៣ ក្រុងច្បារមន មានអ្នកស្លាប់ និងរបួសច្រើននាក ...
2 ថ្ងៃ
«មជ្ឈការ»មានន័យខុសពី«វិមជ្ឈការ»ដូចម្តេច?
1 សប្តាហ៍
ផ្សារដើមគរថ្មី លើផ្ទៃដី៣០ហិកតា ត្រូវបានដាក់ដំណើរការជាផ្លូវការហើយ
1 ថ្ងៃ
គ្រឿងឥស្សរិយាភរណៈ គឺ «មេដាយ» មិនមែន «មេដៃ» ឡើយ
4 ថ្ងៃ
តើពាក្យ «ដុតដៃដុតជើង» មានន័យដូចម្តេច?
3 ថ្ងៃ
អត្ថបទពេញនិយមបន្ថែម