ជាតិ
« លោក ភាន ឆវ័ន្ត ពេលទទួលត្រាកាន់ដំណែងជាប្រធានពន្ធនាគារខេត្តសៀមរាប
×![]()
សៀមរាប៖ ប្រធានពន្ធនាគារខេត្តកំពង់ធំលោកឧត្តមអគ្គានុរក្សថ្នាក់លេខ៣ ភាន ឆវ័ន្ត ត្រូវបានផ្លាស់ប្តូរតួនាទី ឲ្យមកគ្រប់គ្រងពន្ធនាគារខេត្តសៀមរាប។ ប្រធានពន្ធនាគារខេត្តសៀមរាបចាស់ លោកឧត្តមអគ្គានុរក្សថ្នាក់លេខ២ ឆែម សាវុធ បានប្រគល់ត្រាពន្ធនាគារទៅប្រធានថ្មី មុននឹងលោកត្រូវឡើងទៅកាន់តួនាទីជាប្រធានពន្ធនាគារម១ ឬគុកព្រៃសរ នៅរាជធានីភ្នំពេញ។
អភិបាលរងខេត្តសៀមរាប លោក ពៅ ពិសិដ្ឋ ដែលទទួលបន្ទុកផ្នែកពន្ធនាគារលើកឡើងដោយកោតសរសើរចំពោះការគ្រប់គ្រងរបស់ប្រធានពន្ធនាគារចាស់ ក្នុងរយៈពេលប្រមាណ១០ឆ្នាំកន្លងមក។ លោកបានលើកសរសើរចំពោះភាពច្នៃប្រឌិត និងភាពប៉ិនប្រសព្វពីប្រធានពន្ធនាគារចាស់ លោក ឆែម សាវុធ ដែលបានរៀបចំពន្ធនាគារ ដូចជារៀបចំឲ្យមានវត្តអារាម កន្លែងសិប្បកម្ម ផ្សារ និងកន្លែងកែសម្ផស្សសម្រាប់ទណ្ឌិតជាស្ត្រីវ័យក្មេងជាដើម។
«លោក ឆែម សាវុធ ប្រធានពន្ធនាគារខេត្តសៀមរាប ដែលឡើងទៅកាន់ប្រធានពន្ធនាគារម១»។
តាមរបាយការណ៍របស់លោក ពៅ ពិសិដ្ឋ បច្ចុប្បន្នពន្ធនាគារខេត្តសៀមរាប មានទណ្ឌិតសរុបទាំងអស់ ចំនួន ១៦១៦នាក់ និងមន្ត្រីអគ្គានុរក្ស ១៣២នាក់។ តាមលោកអភិបាលរង នេះជាបន្ទុកមួយដ៏ធ្ងន់ ដែលអគ្គានុរក្សម្នាក់ ត្រូវគ្រប់គ្រងទណ្ឌិតជាង២០នាក់។
ពិធីផ្លាស់ប្តូរមុខដំណែង និងតួនាទី ត្រូវបានរៀបចំធ្វើនៅព្រឹកថ្ងៃទី៦ ខែតុលា ឆ្នាំ២០១៧ នៅសាលាខេត្តសៀមរាប ក្រោមវត្តមានរដ្ឋលេខាធិការក្រសួងមហាផ្ទៃ លោក ប៉ាវ ហមផាន អាជ្ញាធរខេត្ត រួមនិងមន្ត្រីរាជការជាច្រើនរូប។
ក្រោយពីទទួលបានត្រាពន្ធនាគារ និងលិខិតតែងតាំងជាប្រធានពន្ធនាគារខេត្តសៀមរាប លោក ភាន ឆវ័ន្ត បានប្តេជ្ញាថានឹងបំពេញភារកិច្ចថ្មីនេះឲ្យបានល្អប្រសើរ។ ក្នុងតួនាទីថ្មីនេះ លោក ឆវ័ន្ត អះអាងប្រាប់ថ្នាក់លើថា គឺជាឳកាសដែលឲ្យលោកអាចរៀនសូត្រនូវចំណេះដឹងថ្មីៗ និងអភិវឌ្ឍសមត្ថភាព ដើម្បីបង្កើនសមត្ថភាពដែលមាន សំដៅឲ្យអង្គភាពរីកចម្រើនទៅមុខជាលំដាប់។
ឆ្លើយតបទៅនឹងការផ្តល់ទំនុកចិត្តពីក្រសួងមហាផ្ទៃ លោក ឆវ័ន្ត ក៏បានប្តេជ្ញាទៀតថា នឹងគោរពឲ្យបានរាល់ច្បាប់នានា រៀនសូត្រ និងយកគំរូពីថ្នាក់ដឹកនាំមុន បូករួមនិងសមត្ថភាព និងបទពិសោធន៍ដែលលោកមាននៅកន្លែងចាស់ ដើម្បីភាពរីកចម្រើននៅកន្លែងថ្មីនេះ។
លោក ប៉ាវ ហមផាន រដ្ឋលេខាធិការក្រសួងមហាផ្ទៃ ថ្លែងថា ទាំងប្រធានពន្ធនាគារចាស់ និងថ្មី ដែលផ្ទេរមកពីខេត្តកំពង់ធំ គឺសុទ្ធតែមានបទពិសោធន៍ជាច្រើនឆ្នាំ ក្នុងការគ្រប់គ្រងពន្ធនាគារ។ លោកបន្ថែមថា ការផ្ទេរតួនាទីពីតូចទៅធំនេះ គឺដើម្បីឲ្យស័ក្តសមនឹងសមត្ថភាពដែលប្រធានពន្ធនាគារមួយៗមាន។ លោកសូមឲ្យមន្ត្រីទាំង២ ត្រូវខិតខំប្រឹងប្រែង ដើម្បីអភិវឌ្ឍអង្គភាពខ្លួនកាន់តែប្រសើរបន្តទៀត៕
អភិបាលរងខេត្តសៀមរាប លោក ពៅ ពិសិដ្ឋ ដែលទទួលបន្ទុកផ្នែកពន្ធនាគារលើកឡើងដោយកោតសរសើរចំពោះការគ្រប់គ្រងរបស់ប្រធានពន្ធនាគារចាស់ ក្នុងរយៈពេលប្រមាណ១០ឆ្នាំកន្លងមក។ លោកបានលើកសរសើរចំពោះភាពច្នៃប្រឌិត និងភាពប៉ិនប្រសព្វពីប្រធានពន្ធនាគារចាស់ លោក ឆែម សាវុធ ដែលបានរៀបចំពន្ធនាគារ ដូចជារៀបចំឲ្យមានវត្តអារាម កន្លែងសិប្បកម្ម ផ្សារ និងកន្លែងកែសម្ផស្សសម្រាប់ទណ្ឌិតជាស្ត្រីវ័យក្មេងជាដើម។
«លោក ឆែម សាវុធ ប្រធានពន្ធនាគារខេត្តសៀមរាប ដែលឡើងទៅកាន់ប្រធានពន្ធនាគារម១»។
តាមរបាយការណ៍របស់លោក ពៅ ពិសិដ្ឋ បច្ចុប្បន្នពន្ធនាគារខេត្តសៀមរាប មានទណ្ឌិតសរុបទាំងអស់ ចំនួន ១៦១៦នាក់ និងមន្ត្រីអគ្គានុរក្ស ១៣២នាក់។ តាមលោកអភិបាលរង នេះជាបន្ទុកមួយដ៏ធ្ងន់ ដែលអគ្គានុរក្សម្នាក់ ត្រូវគ្រប់គ្រងទណ្ឌិតជាង២០នាក់។
ពិធីផ្លាស់ប្តូរមុខដំណែង និងតួនាទី ត្រូវបានរៀបចំធ្វើនៅព្រឹកថ្ងៃទី៦ ខែតុលា ឆ្នាំ២០១៧ នៅសាលាខេត្តសៀមរាប ក្រោមវត្តមានរដ្ឋលេខាធិការក្រសួងមហាផ្ទៃ លោក ប៉ាវ ហមផាន អាជ្ញាធរខេត្ត រួមនិងមន្ត្រីរាជការជាច្រើនរូប។
ក្រោយពីទទួលបានត្រាពន្ធនាគារ និងលិខិតតែងតាំងជាប្រធានពន្ធនាគារខេត្តសៀមរាប លោក ភាន ឆវ័ន្ត បានប្តេជ្ញាថានឹងបំពេញភារកិច្ចថ្មីនេះឲ្យបានល្អប្រសើរ។ ក្នុងតួនាទីថ្មីនេះ លោក ឆវ័ន្ត អះអាងប្រាប់ថ្នាក់លើថា គឺជាឳកាសដែលឲ្យលោកអាចរៀនសូត្រនូវចំណេះដឹងថ្មីៗ និងអភិវឌ្ឍសមត្ថភាព ដើម្បីបង្កើនសមត្ថភាពដែលមាន សំដៅឲ្យអង្គភាពរីកចម្រើនទៅមុខជាលំដាប់។
ឆ្លើយតបទៅនឹងការផ្តល់ទំនុកចិត្តពីក្រសួងមហាផ្ទៃ លោក ឆវ័ន្ត ក៏បានប្តេជ្ញាទៀតថា នឹងគោរពឲ្យបានរាល់ច្បាប់នានា រៀនសូត្រ និងយកគំរូពីថ្នាក់ដឹកនាំមុន បូករួមនិងសមត្ថភាព និងបទពិសោធន៍ដែលលោកមាននៅកន្លែងចាស់ ដើម្បីភាពរីកចម្រើននៅកន្លែងថ្មីនេះ។
លោក ប៉ាវ ហមផាន រដ្ឋលេខាធិការក្រសួងមហាផ្ទៃ ថ្លែងថា ទាំងប្រធានពន្ធនាគារចាស់ និងថ្មី ដែលផ្ទេរមកពីខេត្តកំពង់ធំ គឺសុទ្ធតែមានបទពិសោធន៍ជាច្រើនឆ្នាំ ក្នុងការគ្រប់គ្រងពន្ធនាគារ។ លោកបន្ថែមថា ការផ្ទេរតួនាទីពីតូចទៅធំនេះ គឺដើម្បីឲ្យស័ក្តសមនឹងសមត្ថភាពដែលប្រធានពន្ធនាគារមួយៗមាន។ លោកសូមឲ្យមន្ត្រីទាំង២ ត្រូវខិតខំប្រឹងប្រែង ដើម្បីអភិវឌ្ឍអង្គភាពខ្លួនកាន់តែប្រសើរបន្តទៀត៕
Tag:
ពន្ធនាគារសៀមរាប
© រក្សាសិទ្ធិដោយ thmeythmey.com
«មជ្ឈការ»មានន័យខុសពី«វិមជ្ឈការ»ដូចម្តេច?
1 សប្តាហ៍
