ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
សង្រ្កាន្តឆ្នាំថ្មី
អត្ថបទពាណិជ្ជកម្ម
បទយកការណ៍/សម្ភាស
ជាតិ
ស្វែងយល់ពីជីវិតឃ្មុំកម្មករ និងហេតុអ្វី ឃ្មុំទិចមនុស្សហើយ បែរជាងាប់?
07, Oct 2017 ,
4:31 pm
រូបភាព
រូបភាពទំព័រហ្វេសប៊ុក កសិដ្ឋានចិញ្ចឹមឃ្មុំ និងទស្សនាវដ្តី កម្ពុជសុរិយា ទសវត្សរ៍៥០
×
ដោយ:
ឃ្មុំត្រូវបានគេរកឃើញថា មានទឹកឃ្មុំដែលដក់នៅក្នុងគជ់ទឹក ហើយត្រូវបានគេសន្មត់ថា វាមានអាយុកាលប្រមាណ៤៥ លានឆ្នាំមកហើយ ហើយតាមការរកឃើញនេះ គេអាចស្មានដឹងថា ឃ្មុំអាចកើតមានតាំងតែពី២០០ លានឆ្នាំមុន ដូច្នេះ ហ្វូងឃ្មុំបានជួយឲ្យរុក្ខជាតិទាំងឡាយនាគ្រានោះមានផ្លែផ្កា ហើយបន្តធ្វើការងារនេះរហូតមកទល់ពេលបច្ចុប្បន្ន។ ក្រៅពីនេះ ឃ្មុំក៏ជាអ្នកជួយឲ្យមនុស្សសត្វទាំងអស់គ្នារស់រានមានជីវិតដែរ ព្រោះចំការច្បារដំណាំ មានស្រូវ និងរុក្ខជាតិផ្សេងៗទៀត ទទួលបានផលច្រើន ក៏ដោយសារសកម្មភាពរបស់ ឃ្មុំ ក្នុងការបឺតយកលំអងផ្កា។
នៅសម័យបុរាណ ទឹកឃ្មុំត្រូវបានគេចាត់ទុកជាចំណីអាហាររបស់អាទិទេព ឬជាឱសថ ដ៏ពិសិដ្ឋសម្រាប់ព្យាបាលជំងឺផ្សេង និងព្រះរោគាព្រះរាជា ហើយមុនពេលគេស្រាវជ្រាវរកឃើញការផលិតស្ករ ដោយទឹកត្នោត ឬអំពៅ មនុស្សជាទូទៅ បានប្រើប្រាស់ទឹកឃ្មុំ ធ្វើជាចំណីអាហារផ្អែម។ ទឹកឃ្មុំជាផលិតផលធម្មជាតិសុទ្ធសាធ ផលិតដោយសត្វឃ្មុំ ដែលក្រេបចេញពីទឹកដមផ្កា ហើយដើម្បីបានទឹកឃ្មុំ០១ក្រាម សត្វឃ្មុំ០១ ក្បាលត្រូវការ ក្រេបផ្កា ប្រមាណ១៥០០ ទង។
ឃ្មុំត្រូវបានគេចែកចេញជាស្តេចឃ្មុំ និងឃ្មុំកម្មករ។ ជាទូទៅ ក្នុងមួយសំបុក ស្តេចឃ្មុំ មានតែមួយ ឬច្រើនបំផុតពីរប៉ុណ្ណោះ ក្រៅពីនោះ គឺជាឃ្មុំកម្មករ។ ស្តេចឃ្មុំ មានតួនាទីបង្កើត ឬភ្ញាស់កូនឃ្មុំឲ្យរស់រានមានជីវិតឡើង ឯឃ្មុំកម្មករ មានតួនាទី ដីចជា ទី១ អាយុជាស៊ុត ៣ថ្ងៃ
ទី២ អាយុជាដង្កូវ មួយសប្តាហ៍ ទី៣ អាយុជាដុកឌឿ១២ថ្ងៃ។ ទី៤ ជាអ្នកសំអាត ២ថ្ងៃ ទី៥ ជាអ្នកព្យាបាល និងថែទាំគេរយៈពេល៨ថ្ងៃ ទី៦ ជាអ្នកជួសជុល និងកសាងសំបុក៨ថ្ងៃ ទី៧ ជាឆ្មាំសន្តិសុខការពារសំបុករយៈ៣ថ្ងៃ និងទី៨ ជាអ្នកសកម្មលើការងាររកអាហារ និងអ្នកជញ្ជូនសាកសព សម្រាប់អាយុ ដែលសេសសល់ចុងក្រោយ។
ខុសពីសត្វទិច ឬទ្រនិចដទៃ ដូចជាស្រាំង ឪម៉ាល់ ឃ្មុំមានជីវិតខ្លី ព្រោះវានឹងងាប់ ប្រសិនបើវាទិចមនុស្សរួចហើយនោះ ព្រោះក្រោយពេលទិច ទ្រនិចដែលចាក់ចូលទៅក្នុងសាច់នោះ នឹងជាប់ជាមួយសាច់មនុស្ស ហើយសត្វឃ្មុំព្យាយាមដកទ្រនិចចេញមកវិញ។ ពេលទ្រនិចរបូត វានឹងរហែកចេញពីខ្លួនរបស់វា ដែលធ្វើឱ្យដាច់រហែកពោះរបស់វា រួមទាំងប្រព័ន្ធប្រសាទ, សាច់ដុំមួយចំនួន, ប្លោកពឹស, និងចុង នៃបំពង់រំលាយអាហាររបស់វា ជាដើម។
(ប្រភព ទំព័រហ្វេសប៊ុក កសិដ្ឋានចិញ្ចឹមឃ្មុំ និងទស្សនាវដ្តី កម្ពុជសុរិយា ទសវត្សរ៍៥០)
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
© រក្សាសិទ្ធិដោយ thmeythmey.com
អត្ថបទពេញនិយម
ដំណឹងបឋម៖ ករណីផ្ទុះឃ្លាំងគ្រាប់នៅបន្ទាយភូមិភាគ៣ ក្រុងច្បារមន មានអ្នកស្លាប់ និងរបួសច្រើននាក ...
2 ថ្ងៃ
«មជ្ឈការ»មានន័យខុសពី«វិមជ្ឈការ»ដូចម្តេច?
1 សប្តាហ៍
ផ្សារដើមគរថ្មី លើផ្ទៃដី៣០ហិកតា ត្រូវបានដាក់ដំណើរការជាផ្លូវការហើយ
1 ថ្ងៃ
គ្រឿងឥស្សរិយាភរណៈ គឺ «មេដាយ» មិនមែន «មេដៃ» ឡើយ
5 ថ្ងៃ
តើពាក្យ «ដុតដៃដុតជើង» មានន័យដូចម្តេច?
4 ថ្ងៃ
អត្ថបទពេញនិយមបន្ថែម