អាណាចក្របៃតងប្រជែងដណ្តើមជើងឯកជាមួយសម្ព័ន្ធយុវជនមូស្លីមកម្ពុជានៅថ្ងៃនេះ

កីឡាជាតិ

ជាតិ

អាណាចក្របៃតងប្រជែងដណ្តើមជើងឯកជាមួយសម្ព័ន្ធយុវជនមូស្លីមកម្ពុជានៅថ្ងៃនេះ

08, Oct 2017 , 2:15 pm

រូបភាព

ដោយ:

ក្រុមបាល់ទាត់អាណាចក្របៃតងប្រកួតប្រជែងជាមួយក្រុមសម្ព័ន្ធយុវជនមូស្លីមកម្ពុជាដណ្តើមជើងឯកពានរង្វាន់សម្តេច ហេង សំរិន ប្រចាំឆ្នាំ២០១៧ នាវេលាម៉ោង៣រសៀលថ្ងៃទី៨ ខែតុលា នេះនៅកីឡដ្ឋានជាតិ។ ចំណែកក្រុម Pisnoka FC ទទួលបានចំណាត់ថ្នាក់លេខ៣ក្រោយយកឈ្នះក្រុម Old Town Garden ៥-០ កាលពីម្សិលមិញ។

ក្រោយយកឈ្នះគូប្រកួតរៀងៗក្នុងវគ្គពាក់កណ្តាលផ្តាច់ព្រ័ត្រក្នុងនោះក្រុមអាណាចក្របៃតងឈ្នះ Old Town Garden និងក្រុមយុវជនមូស្លីមកម្ពុជាឈ្នះ Pisnoka FC កាលពីសប្តាហ៍មុននៅកីឡដ្ឋានស្តាតចាស់។ នៅពហុកីឡដ្ឋានជាតិនាវេលាម៉ោង៣រសៀសថ្ងៃអាទិត្យ ទី៨ ខែតុលា នេះក្រុមអាចក្របៃតងត្រូវប្រជែងជាមួយក្រុមសម្ព័ន្ធយុវជនមូស្លីមកម្ពុជាក្នុងវគ្គផ្តាច់ព្រ័ត្រ ដើម្បីដណ្តើមជើងឯកពានរង្វាន់សម្តេច ហេង សំរិន ប្រចាំឆ្នាំ២០១៧។

សម្រាប់ការប្រកួតដណ្តើមចំណាត់ថ្នាក់លេខ៣កាលពីរសៀលថ្ងៃទី៧ តុលា ម្សិលមិញក្រុម Pisnoka FC បានលត់ក្រុម Old Town Garden ក្នុងលទ្ធផល ៥-០ ដើម្បីគ្រងចំណាត់ថ្នាក់លេខ៣ប្រចាំពានរង្វាន់សម្តេច ហេង សំរិន លើកទី១៕