ជើងឯកពិភពលោក៖ កាយវប្បកម្មឈ្នះមេដាយមាស១ ប្រាក់១ និងសំរឹទ្ធ១

កីឡាជាតិ

ជាតិ

ជើងឯកពិភពលោក៖ កាយវប្បកម្មឈ្នះមេដាយមាស១ ប្រាក់១ និងសំរឹទ្ធ១

08, Oct 2017 , 3:19 pm

រូបភាព

ដោយ:

ក្រុមកីឡាករកាយវប្បកម្មកម្ពុជាឈ្នះមេដាយមាស១ ប្រាក់១ និងសំរឹទ្ធ១ពីការប្រកួតជើងឯកពិភពលើកទី៩ប្រចាំព្រឹត្តិការណ៍ WBPF World Bodybuilding & Physique Sports Championships។ ការប្រកួតដែលចាប់ផ្តើមចន្លោះពីថ្ងៃទី២ ដល់ថ្ងៃទី៩ ខែតុលា នៅទីក្រុងអាល់ឡានបាតាប្រទេសម៉ុងហ្គោលីមានជាង៧០ប្រទេសមកពីទូទាំងពិភពលោកចូលរួម។

នាការប្រកួតវគ្គផ្តាច់ព្រ័ត្រលើវិញ្ញាសាបង្ហាញសាច់ដុំកម្ពស់១,៧៥ម៉ែត្រឡើងទៅដែលមានកីឡាករ៥រូបចូលរួម អ្នកលេងសាច់ដុំ សំបូរ ណាន បានឈ្នះមេដាយមាសពីព្រឹត្តិការណ៍ 9th WBPF World Bodybuilding & Physique Sports Championships នៅក្រុងអាល់ឡានបាតាប្រទេសម៉ុងហ្គោលី ខណៈកីឡាករ តឹក ប៊ុនវី ដណ្តើមបានមេដាយមេដាយប្រាក់។

ក្រៅពីមេដាយមាសនិងប្រាក់ខាងលើ កីឡាករសាច់ដុំ ណុំ សុបិន្ត ដែលបានឆ្លងផុតវគ្គជម្រុះឡើងទៅវគ្គផ្តាច់ព្រ័ត្របានឈ្នះមេដាយសំរឹទ្ធ១ផងដែរលើវិញ្ញាសាបង្ហាញសាច់ដុំកម្ពស់១,៦៧ម៉ែត្រឡើងក្នុងចំណោមកីឡាករ៥រូបចូលរួម។

គួរបញ្ជាក់ថា ព្រឹត្តិការណ៍កីឡាកាយវប្បកម្មជ្រើសរើសជើងឯកពិភពលោក 9th WBPF World Bodybuilding & Physique Sports Championships នៅទីក្រុងអាល់ឡានបាតាប្រទេសម៉ុងហ្គោលី ដែលចាប់ផ្តើមចន្លោះពីថ្ងៃទី២ ដល់ថ្ងៃទី៩ ខែតុលាមានជាង៧០ប្រទេសចូលរួម។ ក្នុងនោះកម្ពុជាបានបញ្ជូនកីឡាករ៣រូបឲ្យចូលរួមរួមមានកីឡាករ តឹក ប៊ុនវី, សំបូរ ណាន និងកីឡាករ ណុំ សុបិន្ត៕