ជាតិ
ក្រសួងអប់រំ ដាក់បញ្ចូលមុខវិជ្ជាភាសាអង់គ្លេស សម្រាប់ថ្នាក់បឋមសិក្សាពីទី៤ ដល់ទី៦
× ភ្នំពេញ៖ ក្រសួងអប់រំ យុវជន និងកីឡា សម្រេចដាក់បញ្ចូលមុខវិជ្ជាភាសាអង់គ្លេសក្នុងកម្មវិធីសិក្សាកម្រិតបឋមសិក្សាចំណេះដឹងទូទៅពីថ្នាក់ទី៤ ដល់ទី៦ ដើម្បីផ្ដល់ឱកាសឲ្យសិស្សបានសិក្សាជាមូលដ្ឋា នដំបូងនៃភាសាអង់គ្លេស សម្រាប់បន្តការសិក្សានៅកម្រិតមធ្យមសិក្សា។
តាមរយៈសេចក្ដីណែនាំចុះថ្ងៃទី០៦ ខែតុលា ស្ដីពីការបង្រៀន និងរៀនមុខវិជ្ជាភាសាអង់គ្លេសនៅសាលាបឋមសិក្សា ក្រសួងអប់រំ បានប្រាប់ឲ្យគ្រឹះស្ថានសិក្សាបឋមសិក្សាចំណេះទូទៅសាធារណៈទាំងអស់ ត្រូវប្រើប្រាស់សៀវភៅភាសាអង់គ្លេស «English Grade 4, Grade 5 និង Grade 6» ជាសៀវភៅគោលតែមួយក្នុងការបង្រៀន និងរៀននៅតាមសាលាបឋមសិក្សាទូទាំងប្រទេស។ ក្រសួងអប់រំកំណត់ដាក់បញ្ជូលម៉ោងសិក្សាទៅក្នុងកាលវិភាគចំនួន២ម៉ោង ក្នុងមួយសប្ដាហ៍ដែលមួយម៉ោងរៀនត្រឹម៤០នាទី ហើយប្រធានកម្រងត្រូវសហការជាមួយនាយកសាលារៀន ដើម្បីកំណត់ម៉ោងក្នុងកាលវិភាគឲ្យច្បាស់លាស់ឲ្យគ្រប់សាលាបឋមសិក្សា។
ក្រសួងអប់រំ បានចេញសេចក្តីណែនាំដូច្នេះថា៖«នាយកសាលារៀនចាត់តាំងគ្រូបង្រៀនដែលមានចំណេះដឹងផ្នែកភាសាអង់គ្លេស ឬធ្លាប់បានចូលរួមក្នុងវគ្គតម្រង់ទិសការប្រើប្រាស់កម្មវិធីសិក្សា និងសៀវភៅគោល និងវិធីសាស្ត្របង្រៀនភាសាថ្នាក់សិក្សាទាំង៣កម្រិត (ទី៤ដល់ទី៦)។ ចំពោះម៉ោងដែលគ្រូបង្រៀននោះនៅសេសសល់ត្រូវជួយការងាររដ្ឋបាលឬបណ្ណាល័យសាលារៀន»។
ចំណែកសាលារៀនដែលគ្រូពុំទាន់បានទទួលការបណ្ដុះបណ្ដាលការណែនាំកម្មវិធីសិក្សា និងសៀវភៅគោល និងវិធីសាស្ត្របង្រៀនភាសាអង់គ្លេសថ្នាក់ទី៤ដល់ទី៦នេះ គណៈគ្រប់គ្រងសាលារៀនត្រូវជ្រើសរើសគ្រូបង្រៀនដែលចេះភាសាអង់គ្លេស ដើម្បីបណ្ដុះបណ្ដាលជំនាញឬបំប៉នសមត្ថភាពផ្នែកកម្មវិធី និងសៀវភៅសិក្សាគោល និងវិធីសាស្ត្របង្រៀនភាសាអង់គ្លេស សម្រាប់បង្រៀននាពេលខាងមុខ។នេះជាសេចក្តីណែនាំរបស់ក្រសួងអប់រំ។
អ្វីដែលគួរឲ្យកត់សម្គាល់នោះ ការដាក់បញ្ចូលភាសាអង់គ្លេសតាំងពីថ្នាក់បឋមនេះ គឺជាការកំណែទម្រង់ល្អុមួយ សម្រាប់ជួយបំប៉នចំណេះដឹងភាសាបរទេសរបស់សិស្ស តាំងពីថ្នាក់ក្រោម ក៏ដូចជាលើកកម្ពស់វិរ័យអប់រំនៅតាមសាលារដ្ឋបន្ថែមទៀតដែរ៕
ក្រសួងអប់រំ យុវជន និងកីឡាបានសម្រេចដាក់បញ្ជូលការបង្រៀនភាសាអង់គ្លេសក្នុងកម្មវិធីម៉ោងសិក្សាថ្នាក់បឋមសិក្សា សម្រាប់ជាគ្រឹះក្នុងការបន្តទៅថ្នាក់មធ្យមសិក្សា។
ក្រសួងអប់រំបានចេញសេចក្ដីណែនាំមួយចុះថ្ងៃទី០៦ ខែតុលា ស្ដីពីការបង្រៀន និងរៀនមុខវិជ្ជាភាសាអង់គ្លេសនៅសាលាបឋមសិក្សា ដែលក្រសួងបានដាក់បញ្ចូលមុខវិជ្ជាភាសាអង់គ្លេសក្នុងកម្មវិធីសិក្សាកម្រិតបឋមសិក្សាចំណេះដឹងទូទៅពីថ្នាក់ទី៤ ដល់ទី ៦ ដើម្បីផ្ដល់ឱកាសឲ្យសិស្សបានសិក្សាជាមូលដ្ឋានដំបូងនៃភាសាអង់គ្លេសសម្រាប់បន្តការសិក្សានៅកម្រិតមធ្យមសិក្សា។
ក្រសួងអប់រំបន្តថា សម្រាប់ការសិក្សាភាសាអង់គ្លេសនៅថ្នាក់បឋមសិក្សានេះ គ្រប់គ្រឹះស្ថានសិក្សាបឋមសិក្សាចំណេះទូទៅសាធារណៈទាំងអស់ ត្រូវប្រើប្រាស់សៀវភៅភាសាអង់គ្លេស English Grade 4, Grade 5 និង Grade 6 ជាសៀវភៅគោលតែមួយក្នុងការបង្រៀន និងរៀននៅតាមសាលាបឋមសិក្សាទូទាំងប្រទេស។
ជាមួយគ្នានោះដែរ ក្រសួងអប់រំបានដាក់បញ្ជូលម៉ោងសិក្សាទៅក្នុងកាលវិភាគចំនួន២ម៉ោង ក្នុងមួយសប្ដាហ៍ដែលមួយម៉ោងរៀនត្រឹម៤០នាទី ហើយប្រធានកម្រងត្រូវសហការជាមួយនាយកសាលារៀន ដើម្បីកំណត់ម៉ោងក្នុងកាលវិភាគឲ្យច្បាស់លាស់ឲ្យគ្រប់សាលាបឋមសិក្សា។
ក្រសួងអប់រំបន្ថែមថា ការរើសគ្រូបង្រៀនគឺជាការចាត់តាំងរបស់នាយកសាលាដោយផ្ដោតលើចំណេះដឹងផ្នែកភាសាអង់គ្លេស ឬធ្លាប់បានចូលរួមក្នុងវគ្គតម្រង់ទិសការប្រើប្រាស់កម្មវិធីសិក្សា និងសៀវភៅគោល និងវិធីសាស្ត្របង្រៀនភាសាថ្នាក់សិក្សាទាំង៣កម្រិត (ទី៤ដល់ទី៦) ហើយម៉ោងដែលគ្រូបង្រៀននោះនៅសេសសល់ត្រូវជួយការងាររដ្ឋបាលឬបណ្ណាល័យសាលារៀន។
ក្រសួងអប់រំក៏អនុញ្ញាតឲ្យគណៈគ្រប់គ្រងនៃសាលាណាដែលពុំទាន់បានទទួលការបណ្ដុះបណ្ដាលពីកម្មវិធីសិក្សា និងសៀវភៅគោល និងវិធីសាស្ត្របង្រៀនភាសាអង់គ្លេសថ្នាក់ទី៤ដល់ទី៦នេះ ត្រូវជ្រើសរើសគ្រូបង្រៀនដែលចេះភាសាអង់គ្លេស ដើម្បីបណ្ដុះបណ្ដាលជំនាញឬបំប៉នសមត្ថភាពផ្នែកកម្មវិធី និងសៀវភៅសិក្សាគោល និងវិធីសាស្ត្របង្រៀនភាសាអង់គ្លេស សម្រាប់បង្រៀននាពេលខាងមុខ។
ចំពោះការកំណត់ពិន្ទុត្រូវធ្វើឡើងតាមការវាយតម្លៃទៅលើសមាសភាគទាំង៤នៃភាសាអង់គ្លេសគឺ ការស្ដាប់ ការអាន ការនិយាយ និងការសរសេរ ដែលពិន្ទុសរុបស្មើនឹង១០ពិន្ទុដូចមុខវិជ្ជាផ្សេងទៀតដែរ៕
Tag:
អប់រំ
ភាសាអង់គ្លេស
© រក្សាសិទ្ធិដោយ thmeythmey.com