អន្តរជាតិ
តើប្រទេសណាខ្លះ នៅបន្តទទួលស្គាល់ «តៃវ៉ាន់»ជារដ្ឋ?
× គេហទំព័រផ្លូវការក្រសួងការបរទេសតៃវ៉ាន់ មកដល់ពេលនេះមានប្រទេសមិនច្រើនឡើយ ដែលបានទទួលស្គាល់ តៃវ៉ាន់ ជាប្រទេសស្របច្បាប់នោះ ។ នេះក៏ដោយសារ ប្រទេសជាច្រើនបានប្រកាសគោរពគោលនយោបាយ «ចិនតែមួយ» ពោលគឺ តៃវ៉ាន់ គ្រាន់តែជាផ្នែកមួយរបស់ចិនប៉ុណ្ណោះ។
ពិតណាស់ ជាគោលការណ៍អន្តរជាតិ និងស្ទើរតែបានក្លាយជាទំនៀមទម្លាប់អន្តរជាតិហើយនោះ ដើម្បីក្លាយជាប្រទេសមួយស្របច្បាប់ រដ្ឋនោះ ត្រូវមានលក្ខខណ្ឌចម្បងដូចជា ១. ទឹកដី ២. ប្រជាជន ៣. រដ្ឋាភិបាល និងចុងក្រោយនោះការទទួលស្គាល់ជាអន្តរជាតិ(ទំនាក់ទំនងការទូតផ្លូវការ) ។
ដោយឡែកសម្រាប់តៃវ៉ាន់វិញ បានបំពេញលក្ខខណ្ឌស្ទើរតែទាំងអស់ហើយ។ នៅឡើយតែការទទួលស្គាល់ពីសហគមន៍អន្តរជាតិនោះទេ ដែលតៃវ៉ាន់ មិនអាចបំពេញបាន ។ ប្រទេសដែលធ្លាប់តែមានទំនាក់ទំនងការទូតផ្លូវការពីមុន បានចាប់ផ្តើមដោះដៃ ម្តងមួយៗ ដ្បិតប្រទេសទាំងនោះ ត្រូវស្រវាចាប់ចិន ដែលត្រូវបានអង្គការសហប្រជាជាតិទទួលស្គាល់ស្របច្បាប់ ។
ខាងក្រោមនេះ គឺជាបញ្ជីរាយឈ្មោះប្រទេសឬរដ្ឋ ដែលនៅតែទទួលស្គាល់តៃវ៉ាន់ជាប្រទេស និងថែមទាំងមានទំនាក់ទំនងការទូតផ្លូវការជាមួយនឹងតៃវ៉ាន់ ដែលយោងតាមគេហទំព័រផ្លូវការរបស់ក្រសួងការបរទេសតៃវ៉ាន់ ៖
+ តំបន់អាស៊ីខាងកើត និងប៉ាស៊ីហ្វិក
១. គីរីបាទី (Kiribati)
២. កោះសាធារណរដ្ឋម៉ាហ្សាល់ ( Republic of the Marshall Islands)
៣. ណូរូ (Nauru)
៤. សាធារណរដ្ឋប៉ាឡោ (Republic of Palau)
៥. កោះសូឡូមុន (Solomon Island)
៦. Tuvalu
+ អាហ្វ្រិក
១. បូគីណាហ្វាសូ ( Burkina Faso)
២. ស្វាស៊ីឡង់ (Kingdom of Swaziland)
+ អឺរ៉ុប
១. Holy See
+ អាមេរិកឡាទីន និងខារ៉ាប៊ីន
១. បេលី (Belize)
២. ដូមីនិក (The Dominican Republic)
៣. អែលសាល់វ៉ាឌ័រ (El Salvador)
៤. ក្វាតេម៉ាឡា (The Republic of Guatemala)
៥. ហៃទី (Haiti)
៦. សាធារណរដ្ឋហុងឌូរ៉ា (The Republic of Honduras)
៧. នីការ៉ាហ្កា (Nicaragua)
៨. ប៉ារ៉ាហ្កាយ (The Republic of Paraguay)
៩. St. Kitts and Nevis
១០. សាំងលូសី (Saint Lucia)
១១. St. Vincent & the Grenadines ៕
© រក្សាសិទ្ធិដោយ thmeythmey.com