ជាតិ
នយោបាយជាតិ
ប្រធានបក្សប្រឆាំង និងបក្សកាន់អំណាច ចោទគ្នាថា «មិនគោរពកិច្ចព្រមព្រៀងក្រុងប៉ារីស»
រូបភាព៖ លោក ម៉ៅ មុនីវណ្ណ តំណាងរាស្ត្រគណបក្សសង្គ្រោះជាតិ ឡើងអានសារលិខិតរបស់ឯកឧត្តម កឹម សុខា ទៅកាន់អ្នកគាំទ្រ ដែលចូលរួមក្នុងពិធីអបអរសាទរកិច្ចព្រមព្រៀងសន្តិភាពទីក្រុងប៉ារីសលើក២៦
×![]()
ដោយ: ម៉ៅ សុផា
ភ្នំពេញ៖ ពីក្នុងមន្ទីរឃុំឃាំង ឯកឧត្តម កឹម សុខា ប្រធានគណបក្សសង្គ្រោះជាតិនៅតែថ្លែងសាររម្លឹកថ្ងៃកិច្ចព្រមព្រៀងក្រុងប៉ារីសស្តីពីសន្តិភាពនៅកម្ពុជា។ ប្រធានគណបក្សជំទាស់ យល់ថា បច្ចុប្បន្នកម្ពុជាកំពុងដើរចេញពីស្មារតីនៃកិច្ចព្រមព្រៀងសន្តិភាពទីក្រុងប៉ារីស។ ប៉ុន្តែ សម្តេច ហ៊ុន សែន ក៏បានអត្ថាធិប្បាយដែរថា មានតែអ្នកដែលវាយប្រហារដ្ឋាភិបាលទេ ដែលមិនគោរពកិច្ចព្រមព្រៀងសន្តិភាពទីក្រុងប៉ារីស។
គណបក្សសង្គ្រោះជាតិបានប្រារព្ធខួប២៦ឆ្នាំនៃកិច្ចព្រមព្រៀងក្រុងប៉ារីសស្តីពីសន្តិភាពនៅកម្ពុជា នាព្រឹកថ្ងៃទី២៣តុលានេះ នៅទីស្នាក់កណ្តាលគណបក្ស។ បើទោះជាកំពុងជាប់ឃុំឃាំងរង់ចាំការកាត់ក្តីពីបទក្បត់ជាតិ ប្រធានគណបក្សសង្គ្រោះជាតិក៏អាចនិយាយទៅកាន់សមាជិក និងអ្នកគាំទ្រគណបក្សសង្គ្រោះជាតិបានដែរ តាមរយៈសារលិខិតដែលអានដោយ លោក ម៉ៅ មុនីវណ្ណ មន្ត្រីជាន់ខ្ពស់ និងជាតំណាងរាស្ត្រ នៅចំពោះមុខសកម្មជន និងសមាជិកប្រមាណ២០០នាក់។
លោក កឹម សុខា បានសរសេរថា៖«ខ្ញុំសង្កេតឃើញថា រហូតមកដល់ពេលនេះ ប្រទេសកម្ពុជា ដើរផ្លូវផ្ទុយពីស្មារតីនៃកិច្ចព្រមព្រៀងសន្តិភាពទីក្រុងប៉ារីស បណ្តាលឲ្យមានការថ្កោលទោសពីមតិជាតិនិងអន្តរជាតិ»។ តាមរយៈសារលិខិតដដែលនេះ ប្រធានគណបក្សសង្គ្រោះជាតិ បានស្នើឲ្យខ្មែរគ្រប់ភាគី ជាពិសេសគណបក្សនយោបាយ រួបរួមគ្នាដើម្បីការពាររដ្ឋធម្មនុញ្ញនិងស្មារតីកិច្ចព្រមព្រៀងសន្តិភាពទីក្រុងប៉ារីស។
«សូមបញ្ចប់ការលាបពណ៌ ដើម្បីបំបាត់សំឡេងជំទាស់ ឈប់បំបែបបំបាក់ ដើម្បីឈានទៅរកការផ្សះផ្សារជាតិ បង្រួបបង្រួមជាតិដោយឈរលើគោលការណ៍ប្រជាធិបតេយ្យ សេរី ពហុបក្ស និងសុំឲ្យវិលមករកការប្រកួតប្រជែងគ្នាតាមរយៈការបោះឆ្នោតដោយសេរី ត្រឹមត្រូវ និងយុត្តិធម៌។ ទោះជាគណបក្សណាឈ្នះឬចាញ់ ក៏យើងទាំងអស់គ្នា នៅតែជាខ្មែរតែមួយ»។ នេះការអំពាវនាវរបស់ឯកឧត្តម កឹម សុខា ដែលស្នើឲ្យសហគមន៍អន្តរជាតិ ជាពិសេសប្រទេសជាម្ចាស់ហត្ថលេខាលើកិច្ចព្រមព្រៀងសន្តិភាពទីក្រុងប៉ារីស ជួយធ្វើអន្តរគមន៍ចំពោះស្ថានការណ៍នៅកម្ពុជានាពេលបច្ចុប្បន្ន។
ប្រមុខរដ្ឋាភិបាល សម្តេច ហ៊ុន សែន ក៏មានសារជុំវិញកិច្ចព្រមព្រៀងសន្តិភាពទីក្រុងប៉ារីសដែរ។ ក្នុងពិធីបើកការរដ្ឋានសាងសង់ស្ពានបេតុង ឆ្លងកាត់ទន្លេសាបនាថ្ងៃទី២៣ ខែតុលា ឆ្នាំ២0១៧នេះ សម្តេច ហ៊ុន សែន បានថ្លែងការពាររដ្ឋាភិបាលកម្ពុជាថា កម្ពុជាកំពុងគោរពកិច្ចព្រមព្រៀងសន្តិភាពទីក្រុងប៉ារីស។ សម្តេច ហ៊ុន សែន វាយបកវិញថា មានតែភាគីដែលរិះគន់រដ្ឋាភិបាលទេ ដែលមិនគោរពកិច្ចព្រមព្រៀងសន្តិភាពទីក្រុងប៉ារីស។ ប្រធានគណបក្សកាន់អំណាច បានអត្ថាធិប្បាយយ៉ាងដូច្នេះថា៖«ដោយសារតែគេ មិនបានគោរពកិច្ចព្រមព្រៀងសន្តិភាពទីក្រុងប៉ារីសនោះហើយ បានជាមានគណបក្សនយោបាយមួយ នឹងអាចត្រូវរំលាយនៅពេលខាងមុខ ហើយត្រូវកាត់ទោសអ្នកដែលក្បត់កិច្ចព្រមព្រៀងសន្តិភាពទីក្រុងប៉ារីស»។
សូមបញ្ជាក់ថា កិច្ចព្រមព្រៀងសន្តិភាពទីក្រុងប៉ារីស ត្រូវបង្កើតឡើង ដើម្បីរក្សាសន្តិភាព ការពារអធិបតេយ្យភាព ឯករាជ្យ បូរណភាព និងភាពមិនអាចរំលោភបាននៃដែនដីអព្យាក្រឹតភាព និងឯកភាពជាតិរបស់កម្ពុជា។ ប្រទេសដែលជាម្ចាស់ហត្ថលេខា រួមមាន កម្ពុជា អូស្ត្រាលី ព្រុយណេ កាណាដា ចិន បារាំង ឥណ្ឌា ឥណ្ឌូនេស៊ី ជប៉ុន ឡាវ ម៉ាឡេស៊ី ហ្វីលីពីន សិង្ហបូរី សហភាពសូវៀត ថៃ អង់គ្លេស អាមេរិក និងវៀតណាម៕
គណបក្សសង្គ្រោះជាតិបានប្រារព្ធខួប២៦ឆ្នាំនៃកិច្ចព្រមព្រៀងក្រុងប៉ារីសស្តីពីសន្តិភាពនៅកម្ពុជា នាព្រឹកថ្ងៃទី២៣តុលានេះ នៅទីស្នាក់កណ្តាលគណបក្ស។ បើទោះជាកំពុងជាប់ឃុំឃាំងរង់ចាំការកាត់ក្តីពីបទក្បត់ជាតិ ប្រធានគណបក្សសង្គ្រោះជាតិក៏អាចនិយាយទៅកាន់សមាជិក និងអ្នកគាំទ្រគណបក្សសង្គ្រោះជាតិបានដែរ តាមរយៈសារលិខិតដែលអានដោយ លោក ម៉ៅ មុនីវណ្ណ មន្ត្រីជាន់ខ្ពស់ និងជាតំណាងរាស្ត្រ នៅចំពោះមុខសកម្មជន និងសមាជិកប្រមាណ២០០នាក់។
លោក កឹម សុខា បានសរសេរថា៖«ខ្ញុំសង្កេតឃើញថា រហូតមកដល់ពេលនេះ ប្រទេសកម្ពុជា ដើរផ្លូវផ្ទុយពីស្មារតីនៃកិច្ចព្រមព្រៀងសន្តិភាពទីក្រុងប៉ារីស បណ្តាលឲ្យមានការថ្កោលទោសពីមតិជាតិនិងអន្តរជាតិ»។ តាមរយៈសារលិខិតដដែលនេះ ប្រធានគណបក្សសង្គ្រោះជាតិ បានស្នើឲ្យខ្មែរគ្រប់ភាគី ជាពិសេសគណបក្សនយោបាយ រួបរួមគ្នាដើម្បីការពាររដ្ឋធម្មនុញ្ញនិងស្មារតីកិច្ចព្រមព្រៀងសន្តិភាពទីក្រុងប៉ារីស។
«សូមបញ្ចប់ការលាបពណ៌ ដើម្បីបំបាត់សំឡេងជំទាស់ ឈប់បំបែបបំបាក់ ដើម្បីឈានទៅរកការផ្សះផ្សារជាតិ បង្រួបបង្រួមជាតិដោយឈរលើគោលការណ៍ប្រជាធិបតេយ្យ សេរី ពហុបក្ស និងសុំឲ្យវិលមករកការប្រកួតប្រជែងគ្នាតាមរយៈការបោះឆ្នោតដោយសេរី ត្រឹមត្រូវ និងយុត្តិធម៌។ ទោះជាគណបក្សណាឈ្នះឬចាញ់ ក៏យើងទាំងអស់គ្នា នៅតែជាខ្មែរតែមួយ»។ នេះការអំពាវនាវរបស់ឯកឧត្តម កឹម សុខា ដែលស្នើឲ្យសហគមន៍អន្តរជាតិ ជាពិសេសប្រទេសជាម្ចាស់ហត្ថលេខាលើកិច្ចព្រមព្រៀងសន្តិភាពទីក្រុងប៉ារីស ជួយធ្វើអន្តរគមន៍ចំពោះស្ថានការណ៍នៅកម្ពុជានាពេលបច្ចុប្បន្ន។
ប្រមុខរដ្ឋាភិបាល សម្តេច ហ៊ុន សែន ក៏មានសារជុំវិញកិច្ចព្រមព្រៀងសន្តិភាពទីក្រុងប៉ារីសដែរ។ ក្នុងពិធីបើកការរដ្ឋានសាងសង់ស្ពានបេតុង ឆ្លងកាត់ទន្លេសាបនាថ្ងៃទី២៣ ខែតុលា ឆ្នាំ២0១៧នេះ សម្តេច ហ៊ុន សែន បានថ្លែងការពាររដ្ឋាភិបាលកម្ពុជាថា កម្ពុជាកំពុងគោរពកិច្ចព្រមព្រៀងសន្តិភាពទីក្រុងប៉ារីស។ សម្តេច ហ៊ុន សែន វាយបកវិញថា មានតែភាគីដែលរិះគន់រដ្ឋាភិបាលទេ ដែលមិនគោរពកិច្ចព្រមព្រៀងសន្តិភាពទីក្រុងប៉ារីស។ ប្រធានគណបក្សកាន់អំណាច បានអត្ថាធិប្បាយយ៉ាងដូច្នេះថា៖«ដោយសារតែគេ មិនបានគោរពកិច្ចព្រមព្រៀងសន្តិភាពទីក្រុងប៉ារីសនោះហើយ បានជាមានគណបក្សនយោបាយមួយ នឹងអាចត្រូវរំលាយនៅពេលខាងមុខ ហើយត្រូវកាត់ទោសអ្នកដែលក្បត់កិច្ចព្រមព្រៀងសន្តិភាពទីក្រុងប៉ារីស»។
សូមបញ្ជាក់ថា កិច្ចព្រមព្រៀងសន្តិភាពទីក្រុងប៉ារីស ត្រូវបង្កើតឡើង ដើម្បីរក្សាសន្តិភាព ការពារអធិបតេយ្យភាព ឯករាជ្យ បូរណភាព និងភាពមិនអាចរំលោភបាននៃដែនដីអព្យាក្រឹតភាព និងឯកភាពជាតិរបស់កម្ពុជា។ ប្រទេសដែលជាម្ចាស់ហត្ថលេខា រួមមាន កម្ពុជា អូស្ត្រាលី ព្រុយណេ កាណាដា ចិន បារាំង ឥណ្ឌា ឥណ្ឌូនេស៊ី ជប៉ុន ឡាវ ម៉ាឡេស៊ី ហ្វីលីពីន សិង្ហបូរី សហភាពសូវៀត ថៃ អង់គ្លេស អាមេរិក និងវៀតណាម៕
Tag:
កិច្ចព្រមព្រៀងក្រុងប៉ារីស
កឹម សុខា
ហ៊ុន សែន
© រក្សាសិទ្ធិដោយ thmeythmey.com
