ពីនេះ ពីនោះ
ព័ត៍មានសុខភាព
ហាត់យូហ្គាប្រហែលជាមានប្រយោជន៍រយៈពេលវែងលើអ្នកជំងឺបាក់ទឹកចិត្ត
× យោងទៅតាមសេចក្តីរាយការណ៍របស់ Mail Online បានឲ្យដឹងថា ការហាត់ក្បាច់យូហ្គាអាចបំបាត់រោគសញ្ញានៃការបាក់ទឹកចិត្តបាន។ រឿងនេះគឺបានមកពីការសិក្សាដ៏ធំមួយ ប៉ុន្តែវាមិនបានរកឃើញនូវអត្ថប្រយោជន៦អ្វីពីការហាត់យូហ្គានៅចុងបញ្ចប់នៃការសិក្សារយៈពេល ១០សប្តាហ៍ឡើយ។ គេគ្រាន់តែដឹងថា វាធ្វើឲ្យរោគសញ្ញានៃការជំងឺបាក់ទឹកចិត្តធូរស្រាលប៉ុណ្ណោះក្នុងរយៈពេលតាមដាន ៦ខែ។
ការសិក្សារបស់អាមេរិកមួយនេះមានការចូលរួមដោយមនុស្សធំចំនួន ១២២នាក់ ដែលមានជំងឺបាក់ទឹកចិត្តកម្រិតមធ្យម និងមិនឆ្លើយតបលើការប្រើប្រាស់ថ្នាំប្រឆាំងការបាក់ទឹកចិត្តទេ។ ដូច្នេះពួកគេត្រូវបានគេរៀបចំឲ្យហាត់យូហ្គាចំនួន ១០សប្តាហ៍ និងរៀនថ្នាក់អប់រំសុខភាពផង។
ថ្វីបើលទ្ធផលនៃការសិក្សានេះឃើញថា រោគសញ្ញានៃការបាក់ទឹកចិត្តមានភាពធូរស្រាលមែនក៏ដោយ តែវាមិនបានផ្តល់អំណះអំណាងណាមួយថា ការហាត់យូហ្គាមានប្រយោជន៍ចំពោះជំងឺបាក់ទឹកចិត្តនៅឡើយទេ។ ការសិក្សានេះក៏មិនអាចផ្លាស់ប្តូរក្បួនព្យាបាលជំងឺបាក់ទឹកចិត្តដោយការប្រើវិធីដូចជា ព្យាបាលដោយផ្លាស់ប្តូរអាកប្បកិរិយា ព្រមទាំងថ្នាំប្រឆាំងការបាក់ទឹកចិត្តដែរ។
ទោះបីជាយ៉ាងណាក៏ដោយ មានអំណះអំណាងមួយដែលនិយាយថា ការហាត់ប្រាណ និងការធ្វើឲ្យអារម្មណ៍ស្ងប់ស្ងាត់ គឺជាគន្លឹះដ៏សំខាន់របស់យូហ្គា ដែលជំរុញដល់អារម្មណ៍ផ្លូវចិត្តកាន់តែល្អ៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com