ពីនេះ ពីនោះ
ព័ត៍មានសុខភាព
បាក់តេរីដែលរកឃើញក្នុងទឹកឃ្មុំប្រហែលជាជួយប្រឆាំងការបង្ករោគបាន
× យោងទៅតាមសេចក្តីរាយការណ៍ពី The Independent បានឲ្យដឹងថា បាក់តេរីដែលមានក្នុងទឹកឃ្មុំអាចប្រើប្រាស់ដើម្បីផ្លាស់ប្តូរដល់ការប្រើថ្នាំផ្សះបាន។
ពិភពលោកសព្វថ្ងៃកំពុងតែត្រូវការថ្នាំផ្សះថ្មីៗដើម្បីទប់ស្កាត់ការលូតលាស់បាក់តេរីដែលស៊ាំថ្នាំផ្សះ។ ការសិក្សាថ្មីបានរកឃើញថា បាក់តេរីចំនួន ១៣ប្រភេទកំពុងតែរស់នៅក្នុងទឹកឃ្មុំ តែវាអាចបន្ថយការស៊ាំថ្នាំផ្សះរបស់បាក់តេរីក្នុងរាងកាយមនុស្សយើងបានដូចជា MRSA ដែលរឿងនេះត្រូវបានគេដឹងក្នុងមន្ទីរពិសោធន៍។
អ្នកស្រាវជ្រាវបានពិនិត្យទៅលើបាក់តេរី និងមេរោគផ្សិតស៊ាំថ្នាំផ្សះ ជាពិសេសអ្នកដែលមានរបួសបង្ករោគដោយពពួកមេរោគ MRSA និងបាក់តេរី E.Coli មួយចំនួន។ ពួកគេបានរកឃើញថា មេរោគទាំងនេះគឺងាយងាប់វិញជាមួយនឹងបាក់តេរីទាំង ១៣ដែលមានក្នុងទឹកឃ្មុំ។
ទោះបីជាយ៉ាងណាក៏ដោយ ខណៈពេលដែលអ្នកស្រាវជ្រាវបានរកឃើញថា មានប្រសសិទ្ធភាពជាងការប្រើថ្នាំផ្សះដែលមានរួចក៏ដោយ តែពួកគេនៅមិនទាន់បានថ្វើតេស្តថាភាពខុសគ្នាមួយនេះទំនងជាកើតឡើងដោយចៃដន្យឬអត់នោះទេ ហើយក៏មិនទាន់ទាញជាសេចក្តីសន្និដ្ឋានចុងក្រោយនៅឡើយដែរ។
អ្នកស្រាវជ្រាវក៏បានរកឃើញថា បាក់តេរីក្នុងទឹកឃ្មុំបានផលិតនូវសារធាតុពុលខុសៗគ្នាច្រើនដែលឆ្លើយតបក្នុងការស្លាប់បាក់តេរីផ្សេងទៀត។ ជាអកុសល្យ តាមការស្រាវជ្រាវមុនៗបានរកឃើញថា បាក់តេរីក្នុងទឹកឃ្មុំដែលមានប្រសិទ្ធភាពនេះគឺមានតែក្នុងទឹកឃ្មុំដែលស្រស់ៗប៉ុណ្ណោះ ហើយបាក់តេរីនេះនឹងងាប់វិញក្នុងរយៈពេលពីរបីសប្តាហ៍ក្រោយ ហើយវាក៏មិនមានក្នុងទឹកឃ្មុំដែលគេលក់នៅតាមផ្សារ ឬហាងទំនើបដែរ៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com