ពីនេះ ពីនោះ
ប្រហុក-ផ្អក ជាមុខម្ហូបប្រពៃណីដែលប្រជាជនកម្ពុជានិយមចូលចិត្ត
× ជាប្រភពប្រូតេអ៊ីនដ៏សំខាន់សម្រាប់ប្រជាជនកម្ពុជា។ ប្រជាជនកម្ពុជា ភាគច្រើនទទួលប្រភពប្រូតេអ៊ីនពីសាច់ត្រី។ ក្នុងរដូវសម្បូរត្រីចាប់ពីខែវិច្ឆិកា ដល់ខែមករា ប្រជាជនកម្ពុជានិយមធ្វើប្រហុក-ផ្អកសម្រាប់រក្សាទុកធ្វើជាម្ហូបនៅរដូវខ្វះខាតត្រីសាច់។ ផ្អកគឺជាអាហារផ្អាប់ធ្វើពីត្រីដូចគ្នានឹងប្រហុកផងដែរ។ គេអាចធ្វើផ្អកពីត្រីល្អិត (ត្រីជញ្ជាត់) កំពិស ត្រីព្រួល ឬ ត្រីប្រា។ល។
ផ្អកត្រូវបានគេផ្សំគ្រឿងផ្សេងៗ ពិសេសអំបិល រួចញាត់ដាក់ផ្អាប់ទុកក្នុងពាង, ក្រឡ ឬឪទឹនជាដើម ដូចក្នុងរូបភាពដែលបានបង្ហាញនេះ។ ផលចាប់ត្រីទឹកសាបក្នុងប្រទេសកម្ពុជា ជាពិសេសត្រីក្នុងបឹងទន្លេសាប និងទន្លេមេគង្គ គឺស្ថិតនៅក្នុងចំណោមប្រទេសដែលមានផលចាប់ត្រីទឹកសាបធំៗលើពិភពលោក។ ដោយស្ថិតនៅក្នុងតំបន់ត្រូពិក ប្រទេសកម្ពុជាមានទីតាំងនៅកណ្តាលនៃឥណ្ឌូចិន រវាងប្រទេសថៃ វៀតណាម និងឡាវ ក្នុងអាងទន្លេមេគង្គក្រោម។ ទន្លេមេគង្គគឺជាទន្លេដ៏ធំបំផុតនៅអាស៊ីអាគ្នេយ៍ដែលមានប្រវែងជិត 5000 គីឡូម៉ែត្រ។
មានប្រភពពីទីបេប្រទេសចិន ទន្លេមេគង្គបានហូរឆ្លងកាត់ប្រទេសមីយ៉ាន់ម៉ា ប្រទេសថៃ ប្រទេសឡាវ ប្រទេសកម្ពុជា ហើយហូរចាក់ទៅសមុទ្រ ក្នុងប្រទេសវៀតណាម។ អាងទន្លេមេគង្គមានទំហំប្រហែល 795.000 គីឡូម៉ែត្រការ៉េ និងមានល្បឿនហូរជាមធ្យមគឺប្រហែល 15,000 ម៉ែត្រគូប/វិនាទី។ សំណង់ទំបន់វារីអគ្គិសនី អាចធ្វើឲ្យទំហំអាង និងល្បឿនហូរនៃទឹកទន្លេមេគង្គប្រែប្រួលនាថ្ងៃអនាគត។
(អត្ថបទ និងរូបភាពដោយ Chhut Chheana / USAID Wonders of the Mekong).
© រក្សាសិទ្ធិដោយ thmeythmey.com