ពីនេះ ពីនោះ
ប្រយ័ត្នប្រឡំអត្ថន័យគ្នារវាងពាក្យ «កេរ» និង «កេរ្តិ៍» !
× សាធារណជនមួយចំនួននៅតែបន្តប្រើប្រាស់ពាក្យ «កេរ» និង «កេរ្តិ៍» ទាំងពីរនេះ ដោយមិនដឹងថា ពាក្យមួយណាត្រូវប្រើក្នុងន័យមួយណាឡើយ។ ហើយសាធារណជនមួយចំនួនទៀត នៅតែសរសេរពាក្យទាំងនេះខុសអក្ខរាវីរុទ្ធដដែល។ នៅក្នុងវចនានុក្រមខ្មែរសម្តេច ជួន ណាត បានសរសេរ និងពន្យល់អត្ថនន័យនៃពាក្យ «កេរ» និង «កេរ្តិ៍» នេះដូចខាងក្រោម៖
ទីមួយ៖ «កេរ» ជានាមសព្ទ មានន័យថា ដំណែល, ជាសម្បាច់របស់ដូនតា ឬ មាតាបិតាជាដើម។ ឧទាហរណ៍៖ ស្រែនេះជាកេររបស់ជីដូនខ្ញុំ, ប្រាសាទនគរវត្ត ជាកេររបស់ព្រះមហាក្សត្រ ជាបុព្វបុរសរបស់ខ្មែរ ។
ទីពីរ៖ «កេរ្តិ៍» ជានាមសព្ទ មានន័យថា សេចក្តីសរសើរ, ការល្បី, ការល្បីលេចឮ, ខ្ចរខ្ចាយ។ ឧទាហរណ៍៖ កេរ្តិ៍ឈ្មោះ, និយាយបង្កាច់កេរ្តិ៍គេ, កេរ្តិ៍ឈ្មោះមិនសូវល្អ៕
© រក្សាសិទ្ធិដោយ thmeythmey.com