ពីនេះ ពីនោះ
ព័ត៍មានសុខភាព
ចាស់ៗតាមស្រុកស្រែនិយាយថា៖ ញ៉ាំកាហ្វេច្រើនអាយុវែង តើពិតដែរទេ?
× យោងទៅតាមសេចក្តីរាយការណ៍ពី The Independent បានឲ្យដឹងថា ការញ៉ាំកាហ្វេ ៣ ទៅ៥ដងក្នុងមួយថ្ងៃអាចជួយមនុស្សរស់បានកាន់តែយូរ។តាមការស្រាវជ្រាវបានបញ្ជាក់ថា ការញ៉ាំកាហ្វេទៀងទាត់ មានជាប់ទាក់ទងនឹងការថយចុះជំងឺរ៉ាំរ៉ៃដូចជា ជំងឺបេះដូង ជាដើម ដោយមិនខ្វល់ថាពួកគេញ៉ាំកាហ្វេធម្មតា ឬគ្មានជាតិកាហ្វេអ៊ីនឬអត់ទេ។
លទ្ធផលបានមកពីការសិក្សាចំនួនបី ដែលមានអ្នកជំនាញសុខភាពសរុប ២០៨៥០១នាក់ ដែលត្រូវបានតាមដានយូរជាង ២០ឆ្នាំនោះ បានឲ្យដឹងថា អ្នកដែលញ៉ាំកាហ្វេមួយទៅប្រាំពែងក្នុងមួយថ្ងៃ ទំនងជាឆាប់ស្លាប់ឡើងនៅចុងបញ្ចប់នៃការសិក្សា ប៉ុន្តែអ្នកដែលមិនបានញ៉ាំកាហ្វេសោះបែរជាឆាប់ស្លាប់លឿនជាងបន្តិចទៅវិញ។
អ្នកដែលញ៉ាំកាហ្វេ ៥ពែងក្នុងមួយថ្ងៃមិនសូវជាឆាប់ស្លាប់ឡើយ។ ទោះបីជាយ៉ាងណាក៏ដោយ លទ្ធផលនៃការសិក្សាបានផ្លាស់ប្តូរដែរដោយផ្អែកទៅលើអ្នកដែលចូលរួមមានច្រើនណាស់ដែលបានជក់បារី។ រឿងនេះអាចដោយសារតែការញ៉ាំកាហ្វេច្រើនៗ និងជក់បារីច្រើនជាមួយគ្នា ដូច្នេះឥទ្ធិពលមិនល្អចំពោះសុខភាពដោយសារការជក់បារីអាចនឹងលុបបំបាត់ តែទទួលបានផលពីកាហ្វេវិញ។
លទ្ធផលនៃការសិក្សាបញ្ជាក់ថា ការញ៉ាំកាហ្វេទៀងទាត់ប្រហែលជាមានប្រយោជន៍ច្រើន។ ការសិក្សាមិនបានផ្តល់អំណះអំណាងទៅលើមូលហេតុ និងឥទ្ធិពល ថាតើការញ៉ាំកាហ្វេរាល់ថ្ងៃនឹងមានប្រយោជន៍ចំពោះសុខភាពរយៈពេលយូរឬអត់បើសិនជារបៀបរស់នៅទូទៅមិនផ្តល់សុខភាពផងនោះ៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com