ពីនេះ ពីនោះ
ព័ត៍មានសុខភាព
របបអាហារផ្តល់សុខភាពអាចបន្ថយការប្រឈមនឹងជំងឺភ្លេចភ្លាំងចាស់ជរា
× យោងទៅតាមសេចក្តីរាយការណ៍ពី Mail Online បានឲ្យដឹងថា របបអាហារថ្មីៗដែលផ្តល់សុខភាពអាចកាត់បន្ថយការកើតជំងឺភ្លេចភ្លាំងពេលចាស់ជរាបាន។
ការសិក្សាថ្មីមួយ អ្នកស្រាវជ្រាវបានពិនិត្យទៅលើឥទ្ធិពលនៃរបបអាហារបីប្រភេទលើការប្រឈមនឹងជំងឺភ្លេចភ្លាំងពេលចាស់ជរា។ របបអាហារទាំងនោះមានដូចជា៖
• របបអាហារបែបស្តង់ដាប្រជាជនមីឌីទែរ៉ាណេ
• របបអាហារទប់ស្កាត់ជំងឺលើសសម្ពាធឈាម (Dietary Approach to Stop Hypertension Diet, DASH)
• របបអាហារបែប Mediterranean-DASH Intervention for Neurodegenerative Delay (MIND) ដែលជាការផ្សំចូលគ្នានៃរបបអាហារមីឌីទែរ៉ាណេ និងរបបអាហារ DASH។
ការសិក្សានេះបានរកឃើញថា មនុស្សចាស់ដែលញ៉ាំអាហារធម្មតាដែលមានលក្ខណៈដូចរបបអាហារមួយនៃរបបអាហារទាំងបីខាងលើគឺមិនងាយមានជំងឺភ្លេចភ្លាំងដូចអ្នកដែលញ៉ាំអាហារមិនផ្តល់សុខភាពឡើយ។
អ្នកស្រាវជ្រាវនិយាយថា ពួកកេបានរកឃើញនូវឥទ្ធិពលដ៏ខ្លាំងបំផុតពីរបបអាហារ MIND ដែលវាសម្បូរទៅដោយបន្លែពណ៌បៃតង គ្រាប់ធញ្ញជាតិ និងផ្លែបឺរី ទោះបីជាគេមិនសូវញ៉ាំវាច្រើនក៏ដោយ។ សម្រាប់អ្នកដែលពិតជាញ៉ាំអាហារ MIND ច្រើន គឺអាចបន្ថយការកើតជំងឺភ្លេចភ្លាំងពេលចាស់ជរារហូតដល់ ៥២ភាគរយ៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com