ពីនេះ ពីនោះ
រវាងពាក្យ «ខ្ជីខ្ជា» និង «ខ្ជះខ្ជាយ» តើប្រើខុសគ្នាដូចម្តេច?
× សាធារណជនភាគច្រើនមិនបានចាប់អារម្មណ៍អំពីអត្ថន័នៃការប្រើប្រាស់ពាក្យ «ខ្ជីខ្ជា» និង «ខ្ជះខ្ជាយ» នេះថាខុសគ្នាយ៉ាងនោះឡើយ។ នៅក្នុងវចនានុក្រមខ្មែរសម្តេច ជួន ណាត បានបញ្ជាក់អំពីអត្ថន័យនៃការប្រើប្រាស់ពាក្យទាំងពីនេះខុសគ្នាយ៉ាងដូច្នេះថា៖
ពាក្យ «ខ្ជីខ្ជា» ជាកិរិយាវិសេសន៍ សម្រាប់ចម្រើនពាក្យ ធ្វើ, ពាក្យនិយាយឲ្យវិសេសឡើង ធ្វើខ្ជីខ្ជា, និយាយខ្ជីខ្ជា គឺធ្វើការ ឬនិយាយអ្វីមិនម៉ត់ចត់។ ជួនកាលមានប្រើជា គុណសព្ទ ដែរដូចពាក្យថា ''អ្នកឯងនេះជាមនុស្សខ្ជីខ្ជាណាស់''។
រីឯពាក្យ «ខ្ជះខ្ជាយ» ជាកិរិយាវិសេសន៍ មានន័យថា ឥតសណ្តាប់ធ្នាប់, រាត់រាយដូចគេជះចោល ចាយវាយប្រាក់កាសខ្ជះខ្ជាយ, ចេះតែស៊ីចាយខ្ជះខ្ជាយឥតបើគិត ។ ប្រើជា កញ្ជះកញ្ជាយ ក៏បាន៕
សរុមកម ពាក្យ «ខ្ជីខ្ជា» គឺសំដៅទៅលើការធ្វើកិច្ចការងារអ្វីមួយដោយមិនផ្ចិតផ្ចង់ ឬមិនបានម៉ត់ចត់។ ចំណែក ពាក្យ «ខ្ជះខ្ជាយ» គឺសំដៅទៅលើការប្រើប្រាស់អ្វីមួយដោយរប៉ែករប៉ាយ ឬប្រើរបស់ច្រើនហួសតម្រូវការដោយមិនស្តាយ។ល៕
© រក្សាសិទ្ធិដោយ thmeythmey.com