ពីនេះ ពីនោះ
ព័ត៍មានសុខភាព
របៀបរស់នៅផ្តល់សុខភាពទាំង ៧អាចបន្ថយការប្រឈមនឹងជំងឺមហារីកបានពាក់កណ្តាល
× យោងទៅតាមគេហទំព័រ Mail Online បានឲ្យដឹងថា ក្បួនយុទ្ធសាស្ត្រដ៏មានតម្លៃ ៧យ៉ាងដើម្បីផ្តល់សុខភាពល្អដល់ជីវិត អាចជួយបង្ការជំងឺមហារីក និងជំងឺបេះដូងបាន។ រឿងនេះបានមកពិការសិក្សាថ្មីមួយដែលបានរកឃើញថា អ្នកដែលអនុវត្តក្បួនយុទ្ធសាស្ត្រទាំង ៧ខាងលើនេះអាចបន្ថយការប្រឈមនឹងជំងឺបេះដូង និងជំងឺមហារីកបានយ៉ាងល្អ។
ការសិក្សាមានលក្ខណៈទ្រង់ទ្រាយធំ និងរយៈពេលយូរនេះ ធ្វើឲ្យអ្នកស្រាវជ្រាវរកឃើញថា ការប្រឈមនឹងជំងឺមហារីកមានការថយចុះលើមនុស្សដែលបានអនុវត្តវិធីថែរក្សាសុខភាពទាំង ៧។ ឧទាហរណ៍ អ្នកដែលអាចសម្រេចវិធីនេះចាប់ពី ៦ឡើងទៅអាចបន្ថយការប្រឈមនឹងជំងឺមហារីករហូតដល់ ៥១ភាគរយឯណោះ។ ការដែលមានត្រឹមតែ ៤ចំណុចក៏នៅតែបន្ថយការប្រឈមនឹងជំងឺមហារីកបាន ៣៣ភាគរយដែរ។
ក្បួនយុទ្ធសាស្ត្រថែរក្សាសុខភាពទាំង ៧នោះមានដូចជា៖
1. ធ្វើសកម្មភាពរាងកាយ៖ យ៉ាងហោចណាស់ធ្វើសកម្មផាពរាងកាយខ្លាំងក្លាត្រឹម ៧៥នាទីក្នុងមយយសប្តាហ៍ ឬសកម្មភាពរាងកាយកម្រិតមធ្យម ១៥០នាទីក្នុងមួយសប្តាហ៍។
2. ត្រូវមានសន្ទស្សន៍ទម្ងន់ធៀបនឹងកម្ពស់ BMI សុខភាពល្អ គឺតិចជាង ២៥kg/m2
3. របបអាហារ គួរតែមានសមាសធាតុអាហារផ្តល់សុខភាព ៤ ទៅ៥មុខក្នុងមួយពេល
4. កូឡេស្តេរ៉ុលក្នុងឈាមសរុបត្រូវតិចជាង ២០០mg/dl
5. សម្ពាធឈាមខាងលើត្រូវតិចជាង ១២០mm Hg និងខាងក្រោមតិចជាង ៨០mm Hg
6. ជាតិស្ករក្នុងឈាមពេលមិនទាន់ញ៉ាំអាហារសោះ ៨ម៉ោងត្រូវតិចជាង ១០០mg/dl
7. មិនត្រូវជក់បារី ឬឈប់ជក់បារីយ៉ាងហោចណាស់ច្រើនជាង ១២ខែដែរ៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com