ពីនេះ ពីនោះ
ព័ត៍មានសុខភាព
ទឹកដោះគោប្រហែលជាជាប់ទាក់ទងនឹងការបាក់ឆ្អឹង និងឆាប់ស្លាប់បាន
× យោងទៅតាមសេចក្តីរាយការណ៍របស់ Mail Online បានឲ្យដឹងថា ការញ៉ាំទឹកដោះគោច្រើនជាងបីកែវក្នុងមួយថ្ងៃប្រហែលជាមិនអាចបង្ការការបាក់បែកឆ្អឹងបានទេ ហើយក៏ប្រហែលជាប្រឈមកាន់តែខ្ពស់នឹងការឆាប់ស្លាប់ផងដែរ។
អ្នកស្រាវជ្រាវបានធ្វើការវាយតម្លៃទៅលើការវិភាគមួយនៃការសិក្សាដ៏ធំចំនួនពីររបស់ Swedish ដែលក្នុងនោះមានក្រុមបុរស និងក្រុមស្ត្រីដែលតម្រូវឲ្យឆ្លើយនូវកម្រងសំណួរទាក់ទងនឹងអាហារ បន្ទាប់មកធ្វើការតាមដានពួកគេជាមធ្យមរយៈពេល ២០ឆ្នាំ។ អ្នកស្រាវជ្រាវចង់ពិនិត្យថា តើពួកគេញា់ំទឹកដោះគោច្រើនប៉ុណ្ណាទោះបអាចជាប់ទាក់ទងនឹងការបាក់បែកឆ្អឹង ឬស្លាប់ទៅក្នុងពេលតាមដាននោះ។
សម្រាប់ស្ត្រី ការញ៉ាំទឹកដោះគោច្រើនជាង ២០០ក្រាមជារៀងរាល់ថ្ងៃ (តិចជាងមួយកែវ) មានការប្រឈមនឹងកសារស្លាប់ដែរក្នុងពេលតាមដាន។ ការប្រឈមនេះចាប់ពី ២១ភាគរយចំពោះការញ៉ាំទឹកដោះគោមួយទៅពីរកែវ និង ៩៣ភាគរយក្នុងការញ៉ាំទឹកដោះគោចាប់ពីបីកែវឡើងទៅ។
ការញ៉ាំទឹកដោះគោច្រើនជាងមួយកែវក្នុងមួយថ្ងៃក៏ជាប់ទាក់ទងនឹងការប្រឈមកាន់តែខ្ពស់នឹងការបាក់ឆ្អឹងលើស្ត្រីដែរ។ ប៉ុន្តែវានៅតែមិនទាន់មានទំនាក់ទំនងណាមួយច្បាស់អំពីការឆាប់ស្លាប់ ឬការបាក់បែកឆ្អឹងលើបុរសឡើយ។
យ៉ាងណាមិញការសិក្សាស្រាវជ្រាវមួយនេះទំនងជាមានភាពសង្ស័យច្រើនណាស់ ដូច្នេះអ្នកមិនគួរណាមានអារម្មណ៍មិនល្អលើការតមទឹកដោះគោដោយសារតែលទ្ធផលនៃការសិក្សានេះឡើយ៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com