រដ្ឋាភិបាលទិញស្ពានកោះកុង ពីក្រុមហ៊ុន លី យ៉ុងផាត់ មកគ្រប់គ្រងវិញ

ជាតិ

រដ្ឋាភិបាលទិញស្ពានកោះកុង ពីក្រុមហ៊ុន លី យ៉ុងផាត់ មកគ្រប់គ្រងវិញ

01, Nov 2017 , 11:16 am

រូបភាព

ដោយ: ថ្មីៗ

ភ្នំពេញ៖ រដ្ឋាភិបាល បានសម្រេចទិញយកស្ពានកោះកុង ពីក្រុមហ៊ុន លី យ៉ុងផាត់ មកគ្រប់គ្រងវិញ ដើម្បីសម្រួលដល់ការធ្វើដំណើររបស់ប្រជាពលរដ្ឋ។

តាមរយៈហ្វេសប៊ុកសម្ដេចនាយករដ្ឋមន្ត្រី ហ៊ុន សែន គោលបំណងនៃការទិញស្ពានកោះកុងមកគ្រប់គ្រងវិញនេះ គឺដើម្បីឲ្យប្រជាពលរដ្ឋធ្វើដំណើរឆ្លងកាត់ដោយពុំចាំបាច់បង់ថ្លៃ ក្នុងឱកាសអបអរព្រះរាជពិធីបុណ្យអុំទូក បណ្តែតប្រទីប និងសំពះព្រះខែអកអុំបុក ចាប់ពីថ្ងៃទី២ វិច្ចិកា នេះទៅ ។សម្ដេច ហ៊ុន សែន សង្ឃឹមថា ប្រជាពលរដ្ឋនឹងទទួលបានផលប្រយោជន៏ពីការសម្រេចនេះ។

ចំពោះកិច្ចការដែលនៅសេសសល់ ប្រមុខរដ្ឋាភិបាល បង្គាប់ឲ្យក្រសួងសាធារណការ និងដឹកជញ្ជូន ,ក្រសួងសេដ្ធកិច្ច និងហិរញ្ញវត្ថុ និងសាលាខេត្តកោះកុង ពិភាក្សាជាមួយក្រុមហ៊ុន លី យ៉ុងផាត់ ដោះស្រាយនៅពេលក្រោយ ។

ស្ពានកោះកុងនេះ បានកសាងឡើងកាលពីឆ្នាំ២០០២ ដោយការវិនិយោគរបស់ក្រុមហ៊ុន លី យ៉ុងផាត់។ ស្ពាននេះមានប្រវែង១៩០០ម៉ែត្រ ឆ្លងកាត់ស្ទឹងកាត់កោះប៉ោ ភ្ជាប់នឹងច្រកចាំយាម ជិតប្រទេសថៃ៕