ពីនេះ ពីនោះ
ព័ត៍មានសុខភាព
ហាត់ប្រាណអាចបន្ថយការបាក់ទឹកចិត្តបាន
× យោងទៅតាមសេចក្តីរាយការណ៍របស់ Daily Mirror បានឲ្យដឹងថា ការហាត់ប្រាណបែកញើសនៅពេលទំនេរមានន័យថា អ្នកកំពុងតែបង្កើនឱកាសលុបបំបាត់ជំងឺបាក់ទឹកចិត្តបានល្អជាអ្នកដែលមិនចូលចិត្តហាត់ប្រាណ។ យ៉ាងណាមិញ ទំនាក់ទំនងនេះកើតឡើងចំពោះអ្នកដែលចូលចិត្តចំណាយពេលវេលាទំនេរធ្វើការសកម្មក្នុងរាងកាយប៉ុណ្ណោះ។
ដំណឹងនេះបានមកពីការសិក្សាដ៏ធំមួយរបស់ប្រជាជន Norwegian ហើយរកឃើញថា កាលណាអ្នកប្រើពេលវេលាទំនេរធ្វើសកម្មភាពហាត់ប្រាណកាន់តែច្រើន បែរជាជួយបន្ថយឱកាសកើតជំងឺបាក់ទឹកចិត្តកាន់តែល្អ។ ប៉ុន្តែការសិក្សនេះមិនបានផ្តល់អំណះអំណាងទៅលើភាពផ្ទាល់នៃទំនាក់ទំនងនេះឡើយ ឧទាហរណ៍ មិនដឹងថាការហាត់ប្រាណអាចបន្ថយអាការៈនៃជំងឺបាក់ទឹកចិត្តឬអត់ឡើយ។
អ្នកស្រាវជ្រាវក៏បានរកឃើញថា កម្រិតនៃការគាំទ្រ និងភ្ជាប់ទំនាក់ទំនងក្នុងសង្គមប្រហែលជាអាចជួយពន្យល់អំពីទំនាក់ទំនងនេះបាន ហើយក៏គួរតែមានការស្រាវជ្រាវបន្ថែមទៀតរវាងកន្លែងធ្វើការ និងសកម្មភាពពេលទំនេរ។ សរុបមក លទ្ធផលនៃការសិក្សានេះគួរតែសន្និដ្ឋានក្នុងន័យមួយដែលគេដឹងរួចទៅហើយចំពោះសុខភាពផ្លូវចិត្ត៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com