ជាតិ
សម្ដេច ហ៊ុន សែន ចូលរួមកិច្ចសន្ទនាក្រៅផ្លូវការរវាងមេដឹកនាំ APEC និងអាស៊ាន នៅវៀតណាម
×![]()
នាថ្ងៃទី១០ ខែវិច្ឆិកា ឆ្នាំ២០១៧ នេះ សម្តេចនាយករដ្ឋមន្ត្រី ហ៊ុន សែន នឹងដឹកនាំប្រតិភូចូលរួម «កិច្ចសន្ទនាក្រៅផ្លូវការរវាងថ្នាក់ដឹកនាំ នៃកិច្ចសហប្រតិបត្តិការសេដ្ឋកិច្ចអាស៊ី-ប៉ាស៊ីហ្វិក(APEC) និងអាស៊ាន» នៅទីក្រុងដាណាំង ប្រទេសវៀតណាម តាមការអញ្ជើញ របស់ លោក ត្រាន ដាយ ក្វាង ប្រធានរដ្ឋនៃសាធារណរដ្ឋសង្គមនិយមវៀតណាម។
តាមសេចក្តីជូនព័ត៌មានរបស់ទីស្ដីការគណៈរដ្ឋមន្ត្រី នាកិច្ចសន្ទនាក្រៅផ្លូវការនោះ ថ្នាក់ដឹកនាំ នៃកិច្ចសហប្រតិបត្តិការសេដ្ឋកិច្ចអាស៊ី-ប៉ាស៊ីហ្វិក(APEC) និងអាស៊ាន» នឹងផ្តោតលើមូលបទ«ការចូលរួមជាដៃគូដើម្បីថាមភាពថ្មីសម្រាប់សមាហណកម្ម និងការតភ្ជាប់គ្រប់ជ្រុងជ្រោយនៃតំបន់អាស៊ី-ប៉ាស៊ីហ្វិក»។
កិច្ចសន្ទនាក្រៅផ្លូវការនេះ នឹងផ្ដល់ឱកាសដ៏ល្អដើម្បីស្វែងរកវិធីសម្រាប់កិច្ចសហប្រតិបត្តិការថ្មី រវាងយន្តការតំបន់ទាំងពីរនេះ ក្នុងការលើកម្ពស់សន្តិភាព និងវិបុលភាព។
កម្ពុជា ក្នុងនាមជាប្រទេសមិនមែនជាសមាជិកនៃកិច្ចសហប្រតិបត្តិការសេដ្ឋកិច្ចអាស៊ី-ប៉ាស៊ីហ្វិក បានគាំទ្រគំនិតផ្ដួតផ្ដើមក្នុងការបង្កើតវេទិការសម្រាប់ កិច្ចពិភាក្សារវាងថ្នាក់ដឹកនាំអាស៊ាន និងកិច្ចសហប្រតិបត្តិការសេដ្ឋកិច្ចអាស៊ី-ប៉ាស៊ីហ្វិក ជាមួយនិងការយល់ឃើញថា ស្ថាបត្យកម្មតំបន់ដ៏សំខាន់ទាំងពីរ គួរបំពេញបន្ថែមគ្នាទៅវិញទៅមក ក្នុងការកំណត់អនាគតរបស់តំបន់។
គូសបញ្ជាក់ថា នៅថ្ងៃទី១២ ដល់១៤ ខែវិច្ឆិកា នេះ សម្ដេច នាយករដ្ឋមន្ត្រី ហ៊ុន សែន នឹងដឹកនាំគណៈប្រតិភូជាន់ខ្ពស់ទៅចូលរួមកិច្ចប្រជុំកំពូលអាស៊ាន និងកិច្ចប្រជុំកំពូលពាក់ព័ន្ធ ដែលមានមូលបទ «រួមគ្នាជាដៃគូដើម្បីធ្វើការផ្លាស់ប្តូរ រួមចំណែកជាមួយពិភពលោក»។ កិច្ចប្រជុំនេះជាការអញ្ចើញ របស់ លោក រ៉ូឌ្រីហ្គោ រ៉ូឌូតឺតេ ប្រធានាធិបតីសាធារណរដ្ឋហ្វីលីពីន។
នៅមុនពេលកិច្ចប្រជុំកំពូលអាស៊ាន និងកិច្ចប្រជុំកំពូលពាក់ព័ន្ធនេះដែរ សម្ដេច ហ៊ុន សែន នឹងបំពេញទស្សនកិច្ចនៅទីក្រុងក្លាក ខេត្តប៉ាំហ្កា ប្រទេសហ្វីលីពីន នៅថ្ងៃទី១១ ខែវិច្ឆិកា ឆ្នាំ២០១៧ តាមការអញ្ជើញរបស់ អតីតប្រធានាធិបតីហ្វីលីពីន លោក ស្រី គ្លោរីយ៉ា ម៉ាកាប៉ាហ្កោល អារ៉ូយ៉ូ។ ក្នុងឱកាសទស្សនកិច្ចនេះ សម្ដេច នឹងទៅស្សនាតំបន់កំពង់ផែរួចពន្ធ ក្លា ដើម្បីពិនិត្យមើលរបៀបគ្រប់គ្រង និងហេដ្ឋារចនាសម្ព័ន្ធរបស់តំបន់នេះ ដែលនឹងផ្ដល់ជាប្រយោជន៍សម្រាប់ការអភិវឌ្ឍនៅកម្ពុជា៕
តាមសេចក្តីជូនព័ត៌មានរបស់ទីស្ដីការគណៈរដ្ឋមន្ត្រី នាកិច្ចសន្ទនាក្រៅផ្លូវការនោះ ថ្នាក់ដឹកនាំ នៃកិច្ចសហប្រតិបត្តិការសេដ្ឋកិច្ចអាស៊ី-ប៉ាស៊ីហ្វិក(APEC) និងអាស៊ាន» នឹងផ្តោតលើមូលបទ«ការចូលរួមជាដៃគូដើម្បីថាមភាពថ្មីសម្រាប់សមាហណកម្ម និងការតភ្ជាប់គ្រប់ជ្រុងជ្រោយនៃតំបន់អាស៊ី-ប៉ាស៊ីហ្វិក»។
កិច្ចសន្ទនាក្រៅផ្លូវការនេះ នឹងផ្ដល់ឱកាសដ៏ល្អដើម្បីស្វែងរកវិធីសម្រាប់កិច្ចសហប្រតិបត្តិការថ្មី រវាងយន្តការតំបន់ទាំងពីរនេះ ក្នុងការលើកម្ពស់សន្តិភាព និងវិបុលភាព។
កម្ពុជា ក្នុងនាមជាប្រទេសមិនមែនជាសមាជិកនៃកិច្ចសហប្រតិបត្តិការសេដ្ឋកិច្ចអាស៊ី-ប៉ាស៊ីហ្វិក បានគាំទ្រគំនិតផ្ដួតផ្ដើមក្នុងការបង្កើតវេទិការសម្រាប់ កិច្ចពិភាក្សារវាងថ្នាក់ដឹកនាំអាស៊ាន និងកិច្ចសហប្រតិបត្តិការសេដ្ឋកិច្ចអាស៊ី-ប៉ាស៊ីហ្វិក ជាមួយនិងការយល់ឃើញថា ស្ថាបត្យកម្មតំបន់ដ៏សំខាន់ទាំងពីរ គួរបំពេញបន្ថែមគ្នាទៅវិញទៅមក ក្នុងការកំណត់អនាគតរបស់តំបន់។
គូសបញ្ជាក់ថា នៅថ្ងៃទី១២ ដល់១៤ ខែវិច្ឆិកា នេះ សម្ដេច នាយករដ្ឋមន្ត្រី ហ៊ុន សែន នឹងដឹកនាំគណៈប្រតិភូជាន់ខ្ពស់ទៅចូលរួមកិច្ចប្រជុំកំពូលអាស៊ាន និងកិច្ចប្រជុំកំពូលពាក់ព័ន្ធ ដែលមានមូលបទ «រួមគ្នាជាដៃគូដើម្បីធ្វើការផ្លាស់ប្តូរ រួមចំណែកជាមួយពិភពលោក»។ កិច្ចប្រជុំនេះជាការអញ្ចើញ របស់ លោក រ៉ូឌ្រីហ្គោ រ៉ូឌូតឺតេ ប្រធានាធិបតីសាធារណរដ្ឋហ្វីលីពីន។
នៅមុនពេលកិច្ចប្រជុំកំពូលអាស៊ាន និងកិច្ចប្រជុំកំពូលពាក់ព័ន្ធនេះដែរ សម្ដេច ហ៊ុន សែន នឹងបំពេញទស្សនកិច្ចនៅទីក្រុងក្លាក ខេត្តប៉ាំហ្កា ប្រទេសហ្វីលីពីន នៅថ្ងៃទី១១ ខែវិច្ឆិកា ឆ្នាំ២០១៧ តាមការអញ្ជើញរបស់ អតីតប្រធានាធិបតីហ្វីលីពីន លោក ស្រី គ្លោរីយ៉ា ម៉ាកាប៉ាហ្កោល អារ៉ូយ៉ូ។ ក្នុងឱកាសទស្សនកិច្ចនេះ សម្ដេច នឹងទៅស្សនាតំបន់កំពង់ផែរួចពន្ធ ក្លា ដើម្បីពិនិត្យមើលរបៀបគ្រប់គ្រង និងហេដ្ឋារចនាសម្ព័ន្ធរបស់តំបន់នេះ ដែលនឹងផ្ដល់ជាប្រយោជន៍សម្រាប់ការអភិវឌ្ឍនៅកម្ពុជា៕
Tag:
ហ៊ុន សែន
កិច្ចប្រជុំ
© រក្សាសិទ្ធិដោយ thmeythmey.com
