ក្រសួងសាធារណៈការ ចាប់រថយន្តលើសទម្ងន់ជិត៥០០គ្រឿង និងពិន័យជាង៨០០លានរៀល

ជាតិ

ក្រសួងសាធារណៈការ ចាប់រថយន្តលើសទម្ងន់ជិត៥០០គ្រឿង និងពិន័យជាង៨០០លានរៀល

11, Nov 2017 , 5:19 pm

រូបភាព

រូបពីហ្វេសប៊ុកក្រសួងសាធារណៈការ និងដឹកជញ្ជូន

ដោយ: ថ្មីៗ

ភ្នំពេញ៖ ក្រសួងសាធារណៈការ និងដឹកជញ្ជូន បានចាប់រថយន្តលើសទម្ងន់ជិត៥០០គ្រឿង និងពិន័យជាង៨០០លានរៀល នៅក្នុងខែតុលា ឆ្នាំ២០១៧។ នេះបើតាមហ្វេសប៊ុកក្រសួង។

លេខាធិការដ្ឋាននៃគណៈកម្មាធិការដឹកនាំការត្រួតពិនិត្យយានយន្តដឹកជញ្ជូនលើសទម្ងន់ បានចាប់រថយន្តដឹកទំនិញលើសកំណត់ចំនួន ៤៩៥គ្រឿង និងពិន័យបានថវិកាសរុបចំនួន ៨៣២.៨៤៥.០០០រៀល។ ក្នុងចំណោមរថយន្តដែលចាប់បាននោះ ផ្ទុកលើសទម្ងន់ចាប់ពី ៤តោន រហូតដល់ ៣២តោន។

បើតាមក្រសួងសាធារណៈការ រថយន្តដែលចាប់បានទាំងនេះ មានការថយចុះចំនួន ១៤៧ គ្រឿង បើធៀបនឹងខែកញ្ញា ដែលសមត្ថកិច្ចឃាត់បានរថយន្ត ៦៤២ គ្រឿង ៕