ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
សង្រ្កាន្តឆ្នាំថ្មី
អត្ថបទពាណិជ្ជកម្ម
បទយកការណ៍/សម្ភាស
ជាតិ
កម្ពុជាចំណាយថវិកាជាតិជាង ៤០០លានដុល្លារក្នុង១ឆ្នាំ លើការព្យាបាលជំងឺដែលកើតពីកង្វះអនាម័យ
15, Nov 2017 ,
10:39 pm
រូបភាព
×
ដោយ:
ពលរដ្ឋខ្មែរម្នាក់បានចំណាយប្រាក់១៤ដុល្លារក្នុងមួយឆ្នាំ លើការព្យាបាលជំងឺដែលកើតឡើងដោយសារកង្វះអនាម័យ និងបានចំណាយ៣៤ដុល្លារផ្សេងទៀត លើការខាតបង់ផ្នែកសេដ្ឋកិច្ច ដែលពាក់ព័ន្ធនឹងវិស័យទេសចរណ៍ សុវត្ថិភាពសង្គម សុខភាពសាធារណៈ និងបរិស្ថាន។
កម្ពុជាបានបាត់បង់ថវិកាជាង៤០០លានដុល្លារក្នុងមួយឆ្នាំ ទៅលើការព្យាបាលជំងឺរបស់ពលរដ្ឋដែលរងគ្រោះដោយកង្វះអនាម័យ និងលើការខ្វះផ្នែកសុខមាលភាពសាធារណៈ។ តួលេខនៃខាតបង់ថវិកាជាតិនេះត្រូវបានលើកឡើងដោយលោក យឹម ឆៃលី ប្រធានក្រុមប្រឹក្សាស្ដារអភិវឌ្ឍន៍វិស័យកសិកម្ម និងជនបទ នៅព្រឹកថ្ងៃទី១៥ខែវិច្ឆិកានេះ។ លោក យឹម ឆៃលី បាននិយាយអំពីការបាត់បង់ថវិកាដោយសារបញ្ហាអនាម័យនេះនៅក្នុងសន្និសីទអន្តរជាតិស្តីពី «ពីសហគមន៍ទៅជាប្រទេសដែលគ្មានការបន្ទោបង់ពាសវាលពាសកាល» ដែលកំពុងប្រព្រឹត្តិទៅរយៈពេល៣ថ្ងៃនៅសណ្ឋាគារកាំបូឌីយ៉ាណា។
រដ្ឋាភិបាលកម្ពុជា និងមូលនិធិគម្រោងសហគមន៍ដឹកនាំអនាម័យទាំងស្រុងដែលសហការដោយអង្គការភ្លែនអន្តរជាតិ។
នៅក្នុងឱកាសបើកសន្និសីទអន្តរជាតិដែលបានប្រមូលផ្តុំអ្នកជំនាញទឹកស្អាត និងផ្នែកអនាម័យប្រមាណ១០០នាក់មកពីតំបន់អាស៊ីខាងត្បូង និងអាស៊ីអាគ្នេយ៍ លោកឧបនាយករដ្ឋមន្ត្រីបានទាញចំណាប់អារម្មណ៍អ្នកចូលរួមអំពីលទ្ធផលនៃការសិក្សាមួយដែលបង្ហាញថា ពលរដ្ឋខ្មែរម្នាក់បានចំណាយ១៤ដុល្លារក្នុងមួយឆ្នាំដើម្បីព្យាបាលជំងឺដែលបណ្តាលមកពីកង្វះអនាម័យ។ កម្ពុជាក៏ត្រូវបាត់បង់៣៤ដុល្លារផ្សេងទៀតក្នុងពលរដ្ឋម្នាក់ បើគេនិយាយអំពីផលប៉ះពាល់ផ្នែកបរិស្ថាន សុខភាពសាធារណៈ និងសុវត្ថិភាពសង្គមជាដើមនោះ។
លោក យឹម ឆៃលី បានថ្លែងយ៉ាងដូច្នេះថា៖«ការធ្វើយុទ្ធនាការលើកកម្ពស់អនាម័យ មិនមែនគ្រាន់តែការសាងសង់បង្គន់ប៉ុណ្ណោះទេ តែវាជាការអប់រំដើម្បីផ្លាស់ប្តូរទម្លាប់ បញ្ឈប់បន្ទោបង់ពាសវាលពាសកាល។ ការផ្លាស់ប្តូរទម្លាប់ប្រជាជន គឺជាបេះដូងនៃកម្មវិធីលើកកម្ពស់ងអនាម័យ»។
លោក Kamal Kar ប្រធានមូលនិធិគម្រោងសហគមន៍ដឹកនាំអនាម័យទាំងស្រុង (CLTS) បានថ្លែងនៅក្នុងសន្និសីទដដែលនេះថា សន្និសីទថ្ងៃនេះ មិនត្រឹមតែនិយាយពីភាពជោគជ័យតែប៉ុណ្ណោះទេ ប៉ុន្តែក៏នឹងលើកឡើងពីអំពីភាពបរាជ័យ និងភាពខ្សោយមាន ដើម្បីពង្រឹងបន្ថែមទៀតនៅចំណុចទាំងអស់នេះ។ លោកបន្ថែមថា សន្និសីទនេះនឹងពន្លឿនស្ថានភាពនៃការបញ្ឈប់កាបន្ទោបង់ពាសវាលពាសកាល នៅក្នុងតំបន់អាស៊ីអាគ្នេយ៍៕
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
Tag:
យឹម ឆៃលី
Kamal Kar
ថវិកាជាតិ
កង្វះអនាម័យ
© រក្សាសិទ្ធិដោយ thmeythmey.com
អត្ថបទពេញនិយម
តើពាក្យ «សិទ្ធិ, សិទ្ធ» ប្រើខុសគ្នាដូចម្តេច?
3 ថ្ងៃ
កម្ពុជា នឹងមានភ្លៀងធ្លាក់ ពីថ្ងៃទី៤-៦ឧសភា
4 ថ្ងៃ
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ
5 ថ្ងៃ
តើពាក្យងារជា «សម្តេច» មានន័យដូចម្តេច?
7 ថ្ងៃ
ការប្រឡងគ្រូអនុវិទ្យាល័យ នឹងរៀបចំ២ដំណាក់កាល ដើម្បីសម្រាំងយកបេក្ខជន៤៤១នាក់ប៉ុណ្ណោះ
3 ថ្ងៃ
អត្ថបទពេញនិយមបន្ថែម