អន្តរជាតិ
×![]()
ដោយ: តន ចាន់រិទ្ធារ៉ា
បន្ទាប់ពីកូរ៉េខាងជើងបាញ់មីស៊ីលប្រភេទថ្មី Hwasong-15 នៅថ្ងៃទី២៩ ខែវិច្ឆិកា ប្រធានាធិបតីអាមេរិក ដូណាល់ ត្រាំ បានស្នើដោយផ្ទាល់ទៅកាន់សមភាគីចិន ស៊ី ជិនភីង ឲ្យកាត់ផ្ដាច់ការផ្គត់ផ្គង់ប្រេងទៅកាន់កូរ៉េខាងជើង។ នេះបើតាមការអះអាងរបស់អគ្គរដ្ឋទូតអាមេរិកប្រចាំអង្គការសហប្រជាជាតិ Nikki Haley ក្នុងកិច្ចប្រជុំក្រុមប្រឹក្សាសន្តិសុខ។ បើតាមលោកស្រី Haley ចំណាត់ការរបស់ចិនគឺជាជំហានសំខាន់ក្នុងការរាំងខ្ទប់កូរ៉េខាងជើង តែបើចិនធ្វើសកម្មភាពទេ អាមេរិកនឹងធ្វើម្នាក់ឯង។
ក្រុមប្រឹក្សាសន្តិសុខអង្គការសហប្រជាជាតិ បានកោះប្រជុំបន្ទាន់នៅថ្ងៃទី២៩ ខែវិច្ឆិកាដើម្បីពិភាក្សាការបាញ់មីស៊ីលរបស់កូរ៉េខាងជើង។ ក្នុងកិច្ចប្រជុំនេះ តំណាងអាមេរិក Nikki Haley បានលើកឡើងពីកិច្ចសន្ទនារវាងប្រធានាធិបតី ដូណាល់ ត្រាំ និងមេដឹកនាំចិន ស៊ី ជិនភីង ដែលក្នុងនោះលោក ត្រាំ បានស្នើឲ្យចិនចាត់វិធានការឲ្យបានច្រើនថែមទៀតលើកូរ៉េខាងជើង ដើម្បីបង្ខំឲ្យរដ្ឋកុម្មុយនីស្តក្បាលរឹងមួយនេះបោះបង់មហិច្ឆតារបស់ខ្លួន។
លោក ត្រាំ បានទូរសព្ទដោយផ្ទាល់ទៅកាន់លោក ស៊ី ប៉ុន្មានម៉ោងក្រោយកូរ៉េខាងជើងបាញ់មីស៊ីលប្រភេទថ្មី Hwasong-15 ។ មេដឹកនាំអាមេរិកបានប្រាប់សមភាគីចិនថា ចិនត្រូវតែឈប់នាំចេញប្រេងទៅកាន់កូរ៉េខាងជើង ហើយបើចិនពិតជាធ្វើដូច្នេះមែន វាក្លាយជាការបោះជំហានដ៏សំខាន់ក្នុងកិច្ចប្រឹងប្រែងរបស់អន្តរជាតិដើម្បីបញ្ឈប់សកម្មភាពរបស់ប្រទេសដែលគេឯងមិនចូលចិត្តមួយនេះ។ កាលពីឆ្នាំ២០០៣ ក្រុងព្យុងយ៉ាងសុខចិត្តចូលតុចរចា ក្រោយក្រុងប៉េកាំងផ្អាកផ្អត់ផ្គង់ប្រេងមួយរយៈ។
លោកស្រី Haley ក៏បាននិយាយលើកសរសើរប្រទេសខ្លះដែលបានលះបង់ផ្នែកនយោបាយ និងសេដ្ឋកិច្ចក្នុងការកាត់ផ្ដាច់រាល់ទំនាក់ទំនងជាមួយកូរ៉េខាងជើង ដោយចាត់ទុកជាការប្រឹងប្រែងដើម្បីសន្តិភាព និងសន្តិសុខពិភពលោក។ ជាមួយនឹងការស្នើឲ្យចិនមានចំណាត់ការខ្លាំង លោកស្រី Haley ក៏បានព្រមានដែរថា ចិនគួរធ្វើរឿងនេះដោយខ្លួនឯង បើមិនដូច្នោះទេ អាមេរិកនឹងចាត់វិធានការតែឯងមិនខាន។ នេះបើតាមការផ្សាយទីភ្នាក់ងារព័ត៌មាន Yonhap ។
ចំពោះសមាជិកទាំងអស់នៃក្រុមប្រឹក្សាសន្តិសុខ តំណាងរបស់អាមេរិកដដែលនេះក៏បានព្រមានមេដឹកនាំកូរ៉េខាងជើងពីគ្រោះថ្នាក់នៃសង្គ្រាមដែលអាចផ្ទុះឡើងពេលខាងមុខ ព្រោះអាមេរិកមិនដែលបោះបង់ជម្រើសយោធាឡើយ។ ប៉ុន្តែលោកស្រី Haley ក៏អះអាងដែរថា អាមេរិកមិនត្រូវការសង្គ្រាមឡើយតាំងពីដើមមក ក៏ដូចជានៅពេលនេះដែរ តែសង្គ្រាមអាចចៀសមិនរួចដោយសារសកម្មភាពព្រហើនរបស់កូរ៉េខាងជើង។
តាមពិតទៅ ការទទូចម្ដងហើយម្ដងទៀតឲ្យចិនដាក់បន្ទុកលើកូរ៉េខាងជើង និងការសន្យាដាក់ទណ្ឌកម្មធ្ងន់ៗពីសំណាក់អាមេរិក មិនសូវបានផលប៉ុន្មានឡើយ។ ទណ្ឌកម្មជាច្រើនរបស់អន្តរជាតិនាពេលកន្លងមក ហាក់មិនមានឥទ្ធិពលឡើយ ព្រោះកូរ៉េខាងជើងនៅតែអាចអភិវឌ្ឍមីស៊ីលរបស់ខ្លួនបានដដែល ជាក់ស្ដែងដូចជាករណីមីស៊ីល Hwasong-15 ។ ចំណែកឯសំណើរបស់អាមេរិកលើកនេះ ក៏មិនប្រាកដថាចិនទទួលយកដែរ៕
ក្រុមប្រឹក្សាសន្តិសុខអង្គការសហប្រជាជាតិ បានកោះប្រជុំបន្ទាន់នៅថ្ងៃទី២៩ ខែវិច្ឆិកាដើម្បីពិភាក្សាការបាញ់មីស៊ីលរបស់កូរ៉េខាងជើង។ ក្នុងកិច្ចប្រជុំនេះ តំណាងអាមេរិក Nikki Haley បានលើកឡើងពីកិច្ចសន្ទនារវាងប្រធានាធិបតី ដូណាល់ ត្រាំ និងមេដឹកនាំចិន ស៊ី ជិនភីង ដែលក្នុងនោះលោក ត្រាំ បានស្នើឲ្យចិនចាត់វិធានការឲ្យបានច្រើនថែមទៀតលើកូរ៉េខាងជើង ដើម្បីបង្ខំឲ្យរដ្ឋកុម្មុយនីស្តក្បាលរឹងមួយនេះបោះបង់មហិច្ឆតារបស់ខ្លួន។
លោក ត្រាំ បានទូរសព្ទដោយផ្ទាល់ទៅកាន់លោក ស៊ី ប៉ុន្មានម៉ោងក្រោយកូរ៉េខាងជើងបាញ់មីស៊ីលប្រភេទថ្មី Hwasong-15 ។ មេដឹកនាំអាមេរិកបានប្រាប់សមភាគីចិនថា ចិនត្រូវតែឈប់នាំចេញប្រេងទៅកាន់កូរ៉េខាងជើង ហើយបើចិនពិតជាធ្វើដូច្នេះមែន វាក្លាយជាការបោះជំហានដ៏សំខាន់ក្នុងកិច្ចប្រឹងប្រែងរបស់អន្តរជាតិដើម្បីបញ្ឈប់សកម្មភាពរបស់ប្រទេសដែលគេឯងមិនចូលចិត្តមួយនេះ។ កាលពីឆ្នាំ២០០៣ ក្រុងព្យុងយ៉ាងសុខចិត្តចូលតុចរចា ក្រោយក្រុងប៉េកាំងផ្អាកផ្អត់ផ្គង់ប្រេងមួយរយៈ។
លោកស្រី Haley ក៏បាននិយាយលើកសរសើរប្រទេសខ្លះដែលបានលះបង់ផ្នែកនយោបាយ និងសេដ្ឋកិច្ចក្នុងការកាត់ផ្ដាច់រាល់ទំនាក់ទំនងជាមួយកូរ៉េខាងជើង ដោយចាត់ទុកជាការប្រឹងប្រែងដើម្បីសន្តិភាព និងសន្តិសុខពិភពលោក។ ជាមួយនឹងការស្នើឲ្យចិនមានចំណាត់ការខ្លាំង លោកស្រី Haley ក៏បានព្រមានដែរថា ចិនគួរធ្វើរឿងនេះដោយខ្លួនឯង បើមិនដូច្នោះទេ អាមេរិកនឹងចាត់វិធានការតែឯងមិនខាន។ នេះបើតាមការផ្សាយទីភ្នាក់ងារព័ត៌មាន Yonhap ។
ចំពោះសមាជិកទាំងអស់នៃក្រុមប្រឹក្សាសន្តិសុខ តំណាងរបស់អាមេរិកដដែលនេះក៏បានព្រមានមេដឹកនាំកូរ៉េខាងជើងពីគ្រោះថ្នាក់នៃសង្គ្រាមដែលអាចផ្ទុះឡើងពេលខាងមុខ ព្រោះអាមេរិកមិនដែលបោះបង់ជម្រើសយោធាឡើយ។ ប៉ុន្តែលោកស្រី Haley ក៏អះអាងដែរថា អាមេរិកមិនត្រូវការសង្គ្រាមឡើយតាំងពីដើមមក ក៏ដូចជានៅពេលនេះដែរ តែសង្គ្រាមអាចចៀសមិនរួចដោយសារសកម្មភាពព្រហើនរបស់កូរ៉េខាងជើង។
តាមពិតទៅ ការទទូចម្ដងហើយម្ដងទៀតឲ្យចិនដាក់បន្ទុកលើកូរ៉េខាងជើង និងការសន្យាដាក់ទណ្ឌកម្មធ្ងន់ៗពីសំណាក់អាមេរិក មិនសូវបានផលប៉ុន្មានឡើយ។ ទណ្ឌកម្មជាច្រើនរបស់អន្តរជាតិនាពេលកន្លងមក ហាក់មិនមានឥទ្ធិពលឡើយ ព្រោះកូរ៉េខាងជើងនៅតែអាចអភិវឌ្ឍមីស៊ីលរបស់ខ្លួនបានដដែល ជាក់ស្ដែងដូចជាករណីមីស៊ីល Hwasong-15 ។ ចំណែកឯសំណើរបស់អាមេរិកលើកនេះ ក៏មិនប្រាកដថាចិនទទួលយកដែរ៕
Tag:
ចិន
អាមេរិក
កូរ៉េខាងជើង
ដូណាល់ ត្រាំ
ស៊ី ជិនភីង
© រក្សាសិទ្ធិដោយ thmeythmey.com
