អន្តរជាតិ
មីស៊ីល Hwasong-15 ត្រៀមបាញ់ចេញពីជើងទម្រ (រូបភាព៖ AP)
×![]()
ដោយ: តន ចាន់រិទ្ធារ៉ា
អគ្គរដ្ឋទូតជប៉ុនប្រចាំម៉ាឡេស៊ីបានស្នើឲ្យរដ្ឋាភិបាលក្រុងគូឡាឡាំពួចូលរួមជាមួយក្រុងតូក្យូក្នុងការដាក់សម្ពាធឲ្យបានខ្លាំងលើកូរ៉េខាងជើង ដើម្បីរដ្ឋឯកោមួយនេះងាកទៅរកផ្លូវត្រឹមត្រូវវិញ។ ជប៉ុនបានស្នើបែបនេះ បន្ទាប់ពីកូរ៉េខាងជើងទើបតែបានបាញ់សាកល្បងមីស៊ីលបាលីស្ទិក Hwasong-15 នៅថ្ងៃទី២៩ ខែវិច្ឆិកា ដែលមីស៊ីលដដែលនេះបានធ្លាក់កៀកដែនគោករបស់ជប៉ុន។ ទូតជប៉ុនក៏រៀបរាប់ពីស្ថានភាពរបស់ខ្លួន ពេលដែលកូរ៉េខាងជើងបាញ់មីស៊ីលដោយមិនប្រាប់មួយម៉ាត់។
ជប៉ុន ដែលស្ថិតនៅក្បែរឧបទ្វីបកូរ៉េ ពិតជាប្រឈមមុខគ្រោះថ្នាក់នឹងការគំរាមកំហែងរបស់កូរ៉េខាងជើងខ្លាំងណាស់។ ជាញឹកញាប់មីស៊ីលរបស់កូរ៉េខាងជើងតែងធ្លាក់ក្នុងដែនទឹកក្បែរជប៉ុនមែនទែន។ កាលការសាកល្បងមីស៊ីលបីលើកចុងក្រោយរបស់កូរ៉េខាងជើង មីស៊ីលចំនួនពីរគ្រាប់បានហោះរំលងដែនអាកាសរបស់ជប៉ុន ហើយមួយគ្រាប់ធ្លាក់កៀកដែនគោកជប៉ុនទៅទៀត។ ជប៉ុនពិតជាបារម្ភខ្លាំងនឹងស្ថានភាពបែបនេះ និងស្នើឲ្យមានការចាត់វិធានការទប់ស្កាត់ផង។
ជាមួយនឹងការថ្កោលទោស និងការសន្យាដាក់សម្ពាធដោយខ្លួនឯង ជប៉ុនតែងប្រាប់ឲ្យបណ្ដាប្រទេសផ្សេងជួយគ្នាក្នុងការបង្ខំឲ្យកូរ៉េខាងជើងបញ្ឈប់ការអភិវឌ្ឍមីស៊ីល និងនុយក្លេអ៊ែ។ នៅថ្ងៃទី៣០ ខែវិច្ឆិកា អគ្គរដ្ឋទូតជប៉ុនប្រចាំម៉ាឡេស៊ី Makio Miyagawa បានទទូចឲ្យម៉ាឡេស៊ីចាប់ដៃជាមួយជប៉ុនដើម្បីដាក់បន្ទុកលើកូរ៉េខាងជើង។ លោក Miyagawa អះអាងថា ការដាក់ទណ្ឌកម្មនេះ អាចបង្ខំឲ្យកូរ៉េខាងជើងឈប់ធ្វើសកម្មភាពខុសច្បាប់បាន។
ទំនងជាមិនមែនរឿងប្លែកឡើយ ដែលក្រុងតូក្យូស្នើឲ្យក្រុងគូឡាឡាំពួចូលដៃជាមួយខ្លួន ព្រោះគូឡាឡាំពួកំពុងមិនត្រូវគ្នាជាមួយព្យុងយ៉ាងស្រាប់។ សំណុំរឿងឃាតកម្មលោក គីម ជុងណាម បងប្រុសម្ដាយទីទៃរបស់មេដឹកនាំកំពូល គីម ជុងអ៊ុន នៅព្រលានយន្តហោះក្រុងគូឡាឡាំពួ បានធ្វើឲ្យមិត្តភក្ដិទាំងពីរមើលមុខគ្នាលែងត្រង់ដូចមុន។ ទំនាក់ទំនងដែលធ្លាប់តែល្អ ក៏ស្រាប់តែប្រែទៅជាល្អក់កករទៅវិញ។
បើតាមទូរទស្សន៍សិង្ហបុរី Channel NewsAsia លោក Miyagawa បានពន្យល់ពីការលំបាករបស់ជប៉ុនដែលមានទីតាំងនៅក្បែររដ្ឋមាននុយក្លេអ៊ែរដូចកូរ៉េខាងជើង ព្រោះកូរ៉េខាងជើងមិនដែលសុំការអនុញ្ញាតពីជប៉ុនឡើយ ពេលបាញ់មីស៊ីលម្ដងៗ ហើយមីស៊ីលខ្លះហោះពីលើជប៉ុនទៅទៀត។ អគ្គរដ្ឋទូតដដែលបានលើកជាសំណួរថា៖ «តើអ្នកអាចស្រមៃបានទេ ពេលដែលមីស៊ីលជាច្រើនហោះរំលងម៉ាឡេស៊ីដោយគ្មានការអនុញ្ញាតនោះ?»
នៅថ្ងៃម្សិលមិញ មេដឹកនាំកូរ៉េខាងជើង គីម ជុងអ៊ុន បានប្រកាសក្ដែងៗថា កូរ៉េខាងជើងសម្រេចបានគោលដៅក្នុងការក្លាយជារដ្ឋនុយក្លេអ៊ែរហើយ ព្រោះមានមីស៊ីលដែលអាចបាញ់ដល់គ្រប់ទីតាំងនៅទឹកដីអាមេរិក។ ការបាញ់នេះបានទាក់ទាញប្រតិកម្ម ការរិះគន់ និងការថ្កោលទោសយ៉ាងខ្លាំងពីសំណាក់សហគមន៍អន្តរជាតិ។ ចំណែកឯអាមេរិកក៏គំរាមថា សង្គ្រាមនឹងកើតឡើងមិនខានដោយសារទង្វើរបស់កូរ៉េខាងជើង៕
ជប៉ុន ដែលស្ថិតនៅក្បែរឧបទ្វីបកូរ៉េ ពិតជាប្រឈមមុខគ្រោះថ្នាក់នឹងការគំរាមកំហែងរបស់កូរ៉េខាងជើងខ្លាំងណាស់។ ជាញឹកញាប់មីស៊ីលរបស់កូរ៉េខាងជើងតែងធ្លាក់ក្នុងដែនទឹកក្បែរជប៉ុនមែនទែន។ កាលការសាកល្បងមីស៊ីលបីលើកចុងក្រោយរបស់កូរ៉េខាងជើង មីស៊ីលចំនួនពីរគ្រាប់បានហោះរំលងដែនអាកាសរបស់ជប៉ុន ហើយមួយគ្រាប់ធ្លាក់កៀកដែនគោកជប៉ុនទៅទៀត។ ជប៉ុនពិតជាបារម្ភខ្លាំងនឹងស្ថានភាពបែបនេះ និងស្នើឲ្យមានការចាត់វិធានការទប់ស្កាត់ផង។
ជាមួយនឹងការថ្កោលទោស និងការសន្យាដាក់សម្ពាធដោយខ្លួនឯង ជប៉ុនតែងប្រាប់ឲ្យបណ្ដាប្រទេសផ្សេងជួយគ្នាក្នុងការបង្ខំឲ្យកូរ៉េខាងជើងបញ្ឈប់ការអភិវឌ្ឍមីស៊ីល និងនុយក្លេអ៊ែ។ នៅថ្ងៃទី៣០ ខែវិច្ឆិកា អគ្គរដ្ឋទូតជប៉ុនប្រចាំម៉ាឡេស៊ី Makio Miyagawa បានទទូចឲ្យម៉ាឡេស៊ីចាប់ដៃជាមួយជប៉ុនដើម្បីដាក់បន្ទុកលើកូរ៉េខាងជើង។ លោក Miyagawa អះអាងថា ការដាក់ទណ្ឌកម្មនេះ អាចបង្ខំឲ្យកូរ៉េខាងជើងឈប់ធ្វើសកម្មភាពខុសច្បាប់បាន។
ទំនងជាមិនមែនរឿងប្លែកឡើយ ដែលក្រុងតូក្យូស្នើឲ្យក្រុងគូឡាឡាំពួចូលដៃជាមួយខ្លួន ព្រោះគូឡាឡាំពួកំពុងមិនត្រូវគ្នាជាមួយព្យុងយ៉ាងស្រាប់។ សំណុំរឿងឃាតកម្មលោក គីម ជុងណាម បងប្រុសម្ដាយទីទៃរបស់មេដឹកនាំកំពូល គីម ជុងអ៊ុន នៅព្រលានយន្តហោះក្រុងគូឡាឡាំពួ បានធ្វើឲ្យមិត្តភក្ដិទាំងពីរមើលមុខគ្នាលែងត្រង់ដូចមុន។ ទំនាក់ទំនងដែលធ្លាប់តែល្អ ក៏ស្រាប់តែប្រែទៅជាល្អក់កករទៅវិញ។
បើតាមទូរទស្សន៍សិង្ហបុរី Channel NewsAsia លោក Miyagawa បានពន្យល់ពីការលំបាករបស់ជប៉ុនដែលមានទីតាំងនៅក្បែររដ្ឋមាននុយក្លេអ៊ែរដូចកូរ៉េខាងជើង ព្រោះកូរ៉េខាងជើងមិនដែលសុំការអនុញ្ញាតពីជប៉ុនឡើយ ពេលបាញ់មីស៊ីលម្ដងៗ ហើយមីស៊ីលខ្លះហោះពីលើជប៉ុនទៅទៀត។ អគ្គរដ្ឋទូតដដែលបានលើកជាសំណួរថា៖ «តើអ្នកអាចស្រមៃបានទេ ពេលដែលមីស៊ីលជាច្រើនហោះរំលងម៉ាឡេស៊ីដោយគ្មានការអនុញ្ញាតនោះ?»
នៅថ្ងៃម្សិលមិញ មេដឹកនាំកូរ៉េខាងជើង គីម ជុងអ៊ុន បានប្រកាសក្ដែងៗថា កូរ៉េខាងជើងសម្រេចបានគោលដៅក្នុងការក្លាយជារដ្ឋនុយក្លេអ៊ែរហើយ ព្រោះមានមីស៊ីលដែលអាចបាញ់ដល់គ្រប់ទីតាំងនៅទឹកដីអាមេរិក។ ការបាញ់នេះបានទាក់ទាញប្រតិកម្ម ការរិះគន់ និងការថ្កោលទោសយ៉ាងខ្លាំងពីសំណាក់សហគមន៍អន្តរជាតិ។ ចំណែកឯអាមេរិកក៏គំរាមថា សង្គ្រាមនឹងកើតឡើងមិនខានដោយសារទង្វើរបស់កូរ៉េខាងជើង៕
Tag:
ជប៉ុន
ម៉ាឡេស៊ី
កូរ៉េខាងជើង
© រក្សាសិទ្ធិដោយ thmeythmey.com
