អន្តរជាតិ
បង់ក្លាដែសនឹងបញ្ជូនជនភៀសខ្លួនរ៉ូហ៊ីងយ៉ាទៅកោះងាយរងគ្រោះដោយទឹកជំនន់
×![]()
ដោយ: តន ចាន់រិទ្ធារ៉ា
មន្ត្រីរដ្ឋាភិបាលបង់ក្លាដែស នៅថ្ងៃទី៣០ ខែវិច្ឆិកា បាននិយាយថា ខ្លួននឹងចាប់ផ្ដើមជញ្ជូនជនភៀសខ្លួនរ៉ូហ៊ីងយ៉ាទៅកាន់កោះមួយដែលងាយរងគ្រោះដោយទឹកជំនន់ ដោយដំណើរការនេះនឹងចាប់ផ្ដើមនៅពាក់កណ្ដាលឆ្នាំក្រោយ។ គម្រោងនេះរងការរិះគន់ខ្លាំងពីអង្គការសិទ្ធិមនុស្ស និងទីភ្នាក់ងារផ្ដល់ជំនួយ ព្រោះវាដូចជាការបញ្ជូនជនភៀសខ្លួនទាំងនោះទៅជួបគ្រោះថ្នាក់ដែរ ប៉ុន្តែក្រុងដាក្កាមិនខ្វល់ឡើយ ខណៈជនភាគតិចរ៉ូហ៊ីងយ៉ាសម្រុកចូលបង់ក្លាដែសកាន់តែច្រើន។
បង់ក្លាដែសបានក្លាយជាជម្រកបណ្ដោះអាសន្នរបស់ជនភាគតិចរ៉ូហ៊ីងយ៉ារាប់សែននាក់ដែលរត់ភៀសខ្លួនពីអំពើហិង្សានៅរដ្ឋ Rakhine របស់មីយ៉ាន់ម៉ា។ តាំងពីដំណាច់ខែតុលាមក សមាជិកនៃក្រុមមូស្លីមមួយនេះបានរត់ចូលជំរំជនភៀសខ្លួននៅតំបន់ Cox’s Bazar ដែលនៅមិនឆ្ងាយប៉ុន្មានពីព្រំដែនជាមួយមីយ៉ាន់ម៉ា។ ចំនួនជនភៀសខ្លួនដ៏សន្ធឹកសន្ធាប់នេះក្លាយជាបន្ទុកដ៏ធ្ងន់សម្រាប់បង់ក្លាដែស ដែលត្រូវចំណាយលុយច្រើនដើម្បីសម្រួលដល់ការរស់នៅរបស់ពួកគេ។
ក្នុងសប្ដាហ៍នេះ រដ្ឋាភិបាលបានអនុម័តថវិកាចំនួន២៨០លានដុល្លារដើម្បីអភិវឌ្ឍកោះ Bhashan Char ដែលនឹងក្លាយជាជំរំបណ្ដោះអាសន្នសម្រាប់ជនជាតិរ៉ូហ៊ីងយ៉ា។ កោះនេះទើបលេចរូបរាងបានត្រឹម១១ឆ្នាំប៉ុណ្ណោះ និងត្រូវធ្វើដំំណើររយៈពេល២ម៉ោងទើបទៅដល់ ហើយគ្មានហេដ្ឋារចនាសម្ព័ន្ធត្រឹមត្រូវឡើយ។ ដោយសារមានកម្ពស់ទាបប្រៀបធៀបនឹងទឹកសមុទ្រ កោះនៅក្នុងឈូងសមុទ្របេងហ្កាល់ តែងតែជួបប្រទះទឹកជំនន់នៅចន្លោះខែមិថុនា ដល់ខែកញ្ញា។
ក្រៅពីទឹកជំនន់ កោះនេះក៏តែងមានចោរសមុទ្រអុកឡុកជាញឹកញយដែរ។ ដោយសារបញ្ហាទាំងនេះគម្រោងរបស់រដ្ឋាភិបាលបង់ក្លាដែសរងការរិះគន់ខ្លាំង។ យ៉ាងណាក្ដី រដ្ឋាភិបាលបង់ក្លាដែសក៏ទំនងជាគ្មានជម្រើសផ្សេងដែរ ដ្បិតចំនួនជនភៀសខ្លួនចេះតែកើនឡើងជាលំដាប់ ឯជំរំបច្ចុប្បន្នគ្មានសមត្ថភាពទទួលពួកគេបានទៀតទេ។
លោក H.T. Imam ទីប្រឹក្សានាយករដ្ឋមន្ត្រីបង់ក្លាដែសបានប្រាប់ទីភ្នាក់ងារព័ត៌មាន Reuters ថា Cox’s Bazar មានទំហំតូច មិនអាចទទួលជនភៀសខ្លួនច្រើនបានឡើយ។ ម្យ៉ាងទៀត វត្តមានជនមូស្លីមរ៉ូហ៊ីងយ៉ាក៏បង្កផលប៉ះពាល់យ៉ាងខ្លាំងដល់បរិស្ថាន សេដ្ឋកិច្ច និងប្រជាជនបង់ក្លាដែសផង។ ដូច្នះ បើគម្រោងបញ្ជូនជនភៀសខ្លួនទៅកាន់ Bhashan Char អនុវត្តកាន់តែលឿន បញ្ហាក៏ត្រូវបានកាត់បន្ថយទៅតាមនឹងដែរ។
មន្ត្រីរដ្ឋាភិបាលបង់ក្លាដែសទទួលស្គាល់ថា គម្រោងបញ្ជូនជនភៀសខ្លួនដែលកើតឡើងក្នុងឆ្នាំ២០១៥ គឺគម្រោងដ៏ធំមួយ ដែលត្រូវចំណាយលុយច្រើន ហើយបង់ក្លាដែសពិតជាត្រូវការជំនួយហិរញ្ញវត្ថុថែមទៀតពីស្ថាប័នអន្តរជាតិនានា។ លោក H.T. Imam បញ្ជាក់ថា ជនភៀសខ្លួនទាំងនោះនឹងទទួលបានសត្វគោ ដីធ្លី និងផ្ទះ ព្រមគ្នានេះ ពួកគេក៏ទទួលបានការបណ្ដុះបណ្ដាលវិជ្ជាជីរៈផងដែរ៕
បង់ក្លាដែសបានក្លាយជាជម្រកបណ្ដោះអាសន្នរបស់ជនភាគតិចរ៉ូហ៊ីងយ៉ារាប់សែននាក់ដែលរត់ភៀសខ្លួនពីអំពើហិង្សានៅរដ្ឋ Rakhine របស់មីយ៉ាន់ម៉ា។ តាំងពីដំណាច់ខែតុលាមក សមាជិកនៃក្រុមមូស្លីមមួយនេះបានរត់ចូលជំរំជនភៀសខ្លួននៅតំបន់ Cox’s Bazar ដែលនៅមិនឆ្ងាយប៉ុន្មានពីព្រំដែនជាមួយមីយ៉ាន់ម៉ា។ ចំនួនជនភៀសខ្លួនដ៏សន្ធឹកសន្ធាប់នេះក្លាយជាបន្ទុកដ៏ធ្ងន់សម្រាប់បង់ក្លាដែស ដែលត្រូវចំណាយលុយច្រើនដើម្បីសម្រួលដល់ការរស់នៅរបស់ពួកគេ។
ក្នុងសប្ដាហ៍នេះ រដ្ឋាភិបាលបានអនុម័តថវិកាចំនួន២៨០លានដុល្លារដើម្បីអភិវឌ្ឍកោះ Bhashan Char ដែលនឹងក្លាយជាជំរំបណ្ដោះអាសន្នសម្រាប់ជនជាតិរ៉ូហ៊ីងយ៉ា។ កោះនេះទើបលេចរូបរាងបានត្រឹម១១ឆ្នាំប៉ុណ្ណោះ និងត្រូវធ្វើដំំណើររយៈពេល២ម៉ោងទើបទៅដល់ ហើយគ្មានហេដ្ឋារចនាសម្ព័ន្ធត្រឹមត្រូវឡើយ។ ដោយសារមានកម្ពស់ទាបប្រៀបធៀបនឹងទឹកសមុទ្រ កោះនៅក្នុងឈូងសមុទ្របេងហ្កាល់ តែងតែជួបប្រទះទឹកជំនន់នៅចន្លោះខែមិថុនា ដល់ខែកញ្ញា។
ក្រៅពីទឹកជំនន់ កោះនេះក៏តែងមានចោរសមុទ្រអុកឡុកជាញឹកញយដែរ។ ដោយសារបញ្ហាទាំងនេះគម្រោងរបស់រដ្ឋាភិបាលបង់ក្លាដែសរងការរិះគន់ខ្លាំង។ យ៉ាងណាក្ដី រដ្ឋាភិបាលបង់ក្លាដែសក៏ទំនងជាគ្មានជម្រើសផ្សេងដែរ ដ្បិតចំនួនជនភៀសខ្លួនចេះតែកើនឡើងជាលំដាប់ ឯជំរំបច្ចុប្បន្នគ្មានសមត្ថភាពទទួលពួកគេបានទៀតទេ។
លោក H.T. Imam ទីប្រឹក្សានាយករដ្ឋមន្ត្រីបង់ក្លាដែសបានប្រាប់ទីភ្នាក់ងារព័ត៌មាន Reuters ថា Cox’s Bazar មានទំហំតូច មិនអាចទទួលជនភៀសខ្លួនច្រើនបានឡើយ។ ម្យ៉ាងទៀត វត្តមានជនមូស្លីមរ៉ូហ៊ីងយ៉ាក៏បង្កផលប៉ះពាល់យ៉ាងខ្លាំងដល់បរិស្ថាន សេដ្ឋកិច្ច និងប្រជាជនបង់ក្លាដែសផង។ ដូច្នះ បើគម្រោងបញ្ជូនជនភៀសខ្លួនទៅកាន់ Bhashan Char អនុវត្តកាន់តែលឿន បញ្ហាក៏ត្រូវបានកាត់បន្ថយទៅតាមនឹងដែរ។
មន្ត្រីរដ្ឋាភិបាលបង់ក្លាដែសទទួលស្គាល់ថា គម្រោងបញ្ជូនជនភៀសខ្លួនដែលកើតឡើងក្នុងឆ្នាំ២០១៥ គឺគម្រោងដ៏ធំមួយ ដែលត្រូវចំណាយលុយច្រើន ហើយបង់ក្លាដែសពិតជាត្រូវការជំនួយហិរញ្ញវត្ថុថែមទៀតពីស្ថាប័នអន្តរជាតិនានា។ លោក H.T. Imam បញ្ជាក់ថា ជនភៀសខ្លួនទាំងនោះនឹងទទួលបានសត្វគោ ដីធ្លី និងផ្ទះ ព្រមគ្នានេះ ពួកគេក៏ទទួលបានការបណ្ដុះបណ្ដាលវិជ្ជាជីរៈផងដែរ៕
Tag:
បង់ក្លាដែស
រ៉ូហ៊ីងយ៉ា
មីយ៉ាន់ម៉ា
© រក្សាសិទ្ធិដោយ thmeythmey.com
