ជាតិ
អាកាសធាតុត្រជាក់ នឹងគ្របដណ្តប់ប្រទេសកម្ពុជា ពេញមួយសប្តាហ៍
× បើតាមការតាមដានអាកាសធាតុរបស់ក្រសួងធនធានទឹក និងឧតុនិយម ខ្យល់មូសុងឦសាន កំពុងបន្តបង្កើនឥទ្ធិពលខ្លាំង មកលើកម្ពុជា ដែលនឹងធ្វើឲ្យសីតុណ្ហភាពនៅកម្ពុជា ចុះត្រជាក់រយៈពេលពេញមួយសប្តាហ៍ គឺពីថ្ងៃទី ៨ ដល់ថ្ងៃទី១៤ ខែធ្នូនេះ។
តាមការព្យាករ ខេត្តរតនគិរី មណ្ឌលគិរី ស្ទឹងត្រែង ព្រះវិហារ ឧត្តរមានជ័យ និងខេត្តប៉ៃលិន សីតុណ្ហភាពអប្បបរមា នឹងធ្លាក់ចុះ ដល់១៦-១៨ អង្សាសេ។ ក្រៅពីនេះ បណ្តាខេត្តផ្សេងទៀត រួមទាំងភ្នំពេញផង មានសីតុណ្ហភាពអប្បបរមា ក្នុងរង្វង់ ១៩-២១អង្សាសេ។ ក្រសួងជំនាញដដែល បានអំពាវនាវឲ្យក្រសួង ស្ថាប័ន អាជ្ញាធរដែលពាក់ព័ន្ធ និងសាធារណជន ពិសេសវីរកងទ័ពដែលកំពុងឈរជើងនៅតាមបន្ទាត់ព្រំដែន ប្រុងប្រយ័ត្ន៕
Tag:
អាកាសធាតុ
ត្រជាក់
© រក្សាសិទ្ធិដោយ thmeythmey.com