អន្តរជាតិ
UN សុំលុយចំនួន២២.៥ពាន់លានដុល្លារដើម្បីដោះស្រាយបញ្ហាមនុស្សធម៌ឆ្នាំ២០១៨
លោក Mark Lowcock ប្រធានស្ថាប័នមនុស្សធម៌របស់អង្គការសហប្រជាជាតិ (រូបភាព៖ Reuters)
×![]()
ដោយ: តន ចាន់រិទ្ធារ៉ា
អង្គការសហប្រជាជាតិបានស្នើសុំជំនួយទឹកប្រាក់ចំនួន២២.៥ពាន់លានដុល្លារ ដើម្បីជួយជនរងគ្រោះនៅទូទាំងពិភពលោកក្នុងឆ្នាំ២០១៨ ។ នេះជាទំហំទឹកប្រាក់ដ៏សន្ធឹកសន្ធាប់ដែលស្នើដោយអង្គភាពមនុស្សធម៌នានា។ ទឹកប្រាក់ទាំងនេះ នឹងត្រូវបានបែងចែកសម្រាប់ជនរងគ្រោះដោយសារសង្គ្រាម និងគ្រោះធម្មជាតិនៅលើពិភពលោក។
ស្ថាប័នមនុស្សធម៌អង្គការសហប្រជាជាតិ និងអង្គការផ្ដល់ជំនួយមនុស្សធម៌បានស្នើសុំទឹកប្រាក់ចំនួន២២.៥ពាន់លានដុល្លារ ដើម្បីជួយងាយជនរងគ្រោះបំផុតចំនួនប្រហែល៩០លាននាក់ ក្នុងចំណោមជនរងគ្រោះជុំវិញពិភពលោកក្នុងឆ្នាំ២០១៨ ដែលត្រូវបានប៉ាន់ស្មានថាមានដល់ទៅជិត១៣៦លាននាក់។ ជនងាយរងគ្រោះនេះមកពីប្រទេសចំនួន២៦ ហើយបានកើនឡើងចំនួនប្រាំភាគរយ ប្រៀបធៀបការប៉ាន់ស្មានឆ្នាំមុន។
ប្រធានទីភ្នាក់ងារមនុស្សធម៌អង្គការសហប្រជាជាតិ លោក Mark Lowcock និយាយថា មនុស្សកាន់តែច្រើនត្រូវការជំនួយ។ ភាពរាំងស្ងួត ទឹកជំនន់ និងគ្រោះធម្មជាតិផ្សេងទៀត ក្លាយជាកត្តានាំឲ្យចំនួនជនរងគ្រោះកើនឡើងខ្លាំង។ លោក Lowcock អះអាងថា ជម្លោះនៅប្រទេសនានាដូចជាស៊ីរី ឬយេម៉ែន ក៏ជាមូលហេតុធ្វើឲ្យតម្រូវការហិរញ្ញវត្ថុកើនឡើងខ្លាំងនៅឆ្នាំ២០១៨ ដែរ។ នេះបើតាមការផ្សាយរបស់ទីភ្នាក់ងារព័ត៌មាន AFP ។
ក្នុងការអំពាវនាវរបស់អង្គការសហប្រជាជាតិ ទឹកប្រាក់ចំនួន៧.៦៦ពាន់លានដុល្លារ នឹងត្រូវប្រើប្រាស់ដើម្បីជួយជនរងគ្រោះនៃវិបត្តិស៊ីរី ដែលច្រើនជាងមួយភាគបីនៃថវិកាសរុបដែលស្នើសម្រាប់ការចំណាយឆ្នាំ២០១៨ ទៅហើយ។ ទឹកប្រាក់ចំនួន៣.៥ពាន់លានដុល្លារ នឹងប្រើប្រាស់ដើម្បីផ្ដល់ជំនួយសម្រាប់ជនរងគ្រោះនៅក្នុងស៊ីរីផ្ទាល់ ដែលមនុស្សជាងបីសែននាក់បាត់បង់ជីវិត និងរាប់លាននាក់បាត់បង់ផ្ទះសម្បែង។
ដោយឡែក ទឹកប្រាក់ចំនួន៤.១៥ពាន់លានដុល្លារទៀត ក៏ត្រូវការដើម្បីដោះស្រាយបន្ទុកជនភៀសខ្លួនស៊ីរីប្រមាណ៥.៣លាននាក់ ដែលកំពុងស្នាក់នៅជំរំភៀសខ្លួននៅតាមប្រទេសភូមិផងរបស់ស៊ីរី។ បន្ទាប់ពីស៊ីរី ទឹកប្រាក់មួយផ្នែកទៀត នឹងត្រូវចំណាយសម្រាប់វិបត្តិមនុស្សធម៌នៅយេម៉ែន។ ក្នុងលិខិតសុំជំនួយថ្ងៃទី១ ខែធ្នូ អង្គការសហប្រជាជាតិត្រូវការទឹកប្រាក់ចំនួន២.៥ពាន់លានដុល្លារ សម្រាប់ជនងាយរងគ្រោះនៅក្នុងប្រទេសមួយនេះ។
ចំនួនទឹកប្រាក់ជាង១០ពាន់លានដុល្លារខាងលើ អាចជួយទ្រទ្រង់ជនរងគ្រោះចំនួនជិត១១លាននាក់ប៉ុណ្ណោះ។ វិបត្តិមនុស្សធម៌រដ្ឋអាហ្វ្រិកដូចជាស៊ូដង់ សូម៉ាលី ស៊ូដង់ខាងត្បូង និងនីហ្ស៊េរីយ៉ា ក៏ត្រូវបានទឹកប្រាក់សន្ធឹកសន្ធាប់ដើម្បីជួយជនរងគ្រោះពីជម្លោះប្រដាប់អាវុធ និងគ្រោះធម្មជាតិនានា។ ទន្ទឹមគ្នានេះ វិបត្តិមនុស្សធម៌នៅជុំវិញពិភពលោកក៏មានសញ្ញាល្អដែរ ព្រោះតម្រូវការនៃជំនួយនៅតាមប្រទេសខ្លះដូចជាអ៊ីរ៉ាក់ អាហ្វហ្គានីស្ថាន និងអ៊ុយក្រែន បានធ្លាក់ចុះគួរឲ្យកត់សម្គាល់៕
ស្ថាប័នមនុស្សធម៌អង្គការសហប្រជាជាតិ និងអង្គការផ្ដល់ជំនួយមនុស្សធម៌បានស្នើសុំទឹកប្រាក់ចំនួន២២.៥ពាន់លានដុល្លារ ដើម្បីជួយងាយជនរងគ្រោះបំផុតចំនួនប្រហែល៩០លាននាក់ ក្នុងចំណោមជនរងគ្រោះជុំវិញពិភពលោកក្នុងឆ្នាំ២០១៨ ដែលត្រូវបានប៉ាន់ស្មានថាមានដល់ទៅជិត១៣៦លាននាក់។ ជនងាយរងគ្រោះនេះមកពីប្រទេសចំនួន២៦ ហើយបានកើនឡើងចំនួនប្រាំភាគរយ ប្រៀបធៀបការប៉ាន់ស្មានឆ្នាំមុន។
ប្រធានទីភ្នាក់ងារមនុស្សធម៌អង្គការសហប្រជាជាតិ លោក Mark Lowcock និយាយថា មនុស្សកាន់តែច្រើនត្រូវការជំនួយ។ ភាពរាំងស្ងួត ទឹកជំនន់ និងគ្រោះធម្មជាតិផ្សេងទៀត ក្លាយជាកត្តានាំឲ្យចំនួនជនរងគ្រោះកើនឡើងខ្លាំង។ លោក Lowcock អះអាងថា ជម្លោះនៅប្រទេសនានាដូចជាស៊ីរី ឬយេម៉ែន ក៏ជាមូលហេតុធ្វើឲ្យតម្រូវការហិរញ្ញវត្ថុកើនឡើងខ្លាំងនៅឆ្នាំ២០១៨ ដែរ។ នេះបើតាមការផ្សាយរបស់ទីភ្នាក់ងារព័ត៌មាន AFP ។
ក្នុងការអំពាវនាវរបស់អង្គការសហប្រជាជាតិ ទឹកប្រាក់ចំនួន៧.៦៦ពាន់លានដុល្លារ នឹងត្រូវប្រើប្រាស់ដើម្បីជួយជនរងគ្រោះនៃវិបត្តិស៊ីរី ដែលច្រើនជាងមួយភាគបីនៃថវិកាសរុបដែលស្នើសម្រាប់ការចំណាយឆ្នាំ២០១៨ ទៅហើយ។ ទឹកប្រាក់ចំនួន៣.៥ពាន់លានដុល្លារ នឹងប្រើប្រាស់ដើម្បីផ្ដល់ជំនួយសម្រាប់ជនរងគ្រោះនៅក្នុងស៊ីរីផ្ទាល់ ដែលមនុស្សជាងបីសែននាក់បាត់បង់ជីវិត និងរាប់លាននាក់បាត់បង់ផ្ទះសម្បែង។
ដោយឡែក ទឹកប្រាក់ចំនួន៤.១៥ពាន់លានដុល្លារទៀត ក៏ត្រូវការដើម្បីដោះស្រាយបន្ទុកជនភៀសខ្លួនស៊ីរីប្រមាណ៥.៣លាននាក់ ដែលកំពុងស្នាក់នៅជំរំភៀសខ្លួននៅតាមប្រទេសភូមិផងរបស់ស៊ីរី។ បន្ទាប់ពីស៊ីរី ទឹកប្រាក់មួយផ្នែកទៀត នឹងត្រូវចំណាយសម្រាប់វិបត្តិមនុស្សធម៌នៅយេម៉ែន។ ក្នុងលិខិតសុំជំនួយថ្ងៃទី១ ខែធ្នូ អង្គការសហប្រជាជាតិត្រូវការទឹកប្រាក់ចំនួន២.៥ពាន់លានដុល្លារ សម្រាប់ជនងាយរងគ្រោះនៅក្នុងប្រទេសមួយនេះ។
ចំនួនទឹកប្រាក់ជាង១០ពាន់លានដុល្លារខាងលើ អាចជួយទ្រទ្រង់ជនរងគ្រោះចំនួនជិត១១លាននាក់ប៉ុណ្ណោះ។ វិបត្តិមនុស្សធម៌រដ្ឋអាហ្វ្រិកដូចជាស៊ូដង់ សូម៉ាលី ស៊ូដង់ខាងត្បូង និងនីហ្ស៊េរីយ៉ា ក៏ត្រូវបានទឹកប្រាក់សន្ធឹកសន្ធាប់ដើម្បីជួយជនរងគ្រោះពីជម្លោះប្រដាប់អាវុធ និងគ្រោះធម្មជាតិនានា។ ទន្ទឹមគ្នានេះ វិបត្តិមនុស្សធម៌នៅជុំវិញពិភពលោកក៏មានសញ្ញាល្អដែរ ព្រោះតម្រូវការនៃជំនួយនៅតាមប្រទេសខ្លះដូចជាអ៊ីរ៉ាក់ អាហ្វហ្គានីស្ថាន និងអ៊ុយក្រែន បានធ្លាក់ចុះគួរឲ្យកត់សម្គាល់៕
Tag:
UN
© រក្សាសិទ្ធិដោយ thmeythmey.com
