អន្តរជាតិ
សម្ដេចប៉ាប ហ្វ្រង់ស៊ីស អំឡុងពេលទស្សនកិច្ចនៅបង់ក្លាដែស (រូបភាព៖ Xinhua)
×![]()
ដោយ: តន ចាន់រិទ្ធារ៉ា
សម្ដេចប៉ាប ហ្វ្រង់ស៊ីស ប្រមុខបុរីវ៉ាទីកង់ នៅថ្ងៃទី១ ខែធ្នូ បានជួបជាមួយជនភៀសខ្លួនមូស្លីមនៅបង់ក្លាដែស ជាគោលដៅចុងក្រោយនៃដំណើរទស្សនកិច្ចតំបន់អាស៊ី។ នេះជាជំនួបដ៏រំជើបរំជួលមួយ ដែលសម្ដេចប៉ាប ហ្វ្រង់ស៊ីស បានហៅពួកគេថា «រ៉ូហ៊ីងយ៉ា» ពេញមាត់។ ប្រមុខវិហារគ្រិស្តរ៉ូម៉ាំងកាតូលិកបានស្នើឲ្យពិភពលោកយកចិត្តទុកដាក់ឲ្យបានខ្លាំងលើក្រុមមនុស្សដែលរងគ្រោះដូចជាជនភៀសខ្លួន អ្នកក្រីក្រ និងអ្នកងាយរងគ្រោះផង។
ប្រមុខបុរីវ៉ាទីកង់ សម្ដេចប៉ាប ហ្វ្រង់ស៊ីស បានដឹកនាំពិធីបួងសួងអន្តរសាសនាសុំសន្តិភាពនៅថ្ងៃទី១ ខែធ្នូ ជាថ្ងៃទីពីរនៃទស្សនកិច្ចរបស់ព្រះអង្គនៅបង់ក្លាដែស។ សម្ដេចប៉ាប បានជួបជាមួយជនភៀសខ្លួនភាគតិចមូស្លីម១៦នាក់ មកពីជំរំនៅតាមបណ្ដោយព្រំដែនជាមួយមីយ៉ាន់ម៉ា។ ពេលនោះហើយ ដែលជាព្រះអង្គបានប្រើប្រាស់ពាក្យរ៉ូហ៊ីងយ៉ាជាលើកដំបូង ក្រោយសម្រេចចិត្តមិនប្រើពាក្យនេះពេលទស្សនកិច្ចនៅមីយ៉ាន់ម៉ា។
ក្នុងការជួបជុំនៅវិហារគ្រិស្តសាសនាមួយកន្លែងនៅបង់ក្លាដែស សម្ដេចប៉ាបបានអំពាវនាវឲ្យពិភពលោកទាំងមូលរួមគ្នាដើម្បីជួយសង្គ្រោះជនរងគ្រោះទាំងឡាយ មិនជនជាតិភាគតិច ជនភៀសខ្លួន ឬជនជាតិដែលទទួលរងទុក្ខបុកម្នេញឡើយ។ ប្រមុខបុរីវ៉ាទីកង់ បានបង្ហាញទឹកមុខអាណិតអាសូរ ខណៈកំពុងស្ដាប់ការរៀបរាប់របស់តំណាងសហគមន៍ហិណ្ឌូ ព្រះពុទ្ធ ឥស្លាម គ្រិស្ត និងក្រុមមនុស្សធម៌ ហើយព្រះអង្គក៏សុំការអភ័យទោសពីពួកគេ ក្នុងនាមអ្នកដែលធ្វើបាបពួកគេផង។
កាលពីទស្សនកិច្ចនៅមីយ៉ាន់ម៉ា សម្ដេចប៉ាប បានជួបជាមួយមេដឹកនាំសំខាន់ៗដូចជាទីប្រឹក្សារដ្ឋ អ៊ុងសាន ស៊ូជី និងអគ្គបញ្ជាការកងទ័ព មីន អ៊ុងឡាំង ។ ប៉ុន្តែព្រះអង្គមិនបានប្រើប្រាស់ពាក្យ «រ៉ូហ៊ីងយ៉ា» មួយម៉ាត់តែម្ដង ដោយគោរពតាមការស្នើរបស់សហគមន៍គ្រិស្តសាសនានៅមីយ៉ាន់ម៉ា ដែលមិនចង់បង្កបញ្ហាបែកបាក់ក្នុងប្រទេសជាតិ ហើយម្យ៉ាងពាក្យនេះមិនត្រូវបានទទួលស្គាល់ដោយរដ្ឋាភិបាលផង។
បើតាមទីភ្នាក់ងារព័ត៌មាន Reuters ជាមួយនឹងការប្រើពាក្យរ៉ូហ៊ីងយ៉ាលើកដំបូង សម្ដេចប៉ាបក៏បានស្នើឲ្យមានការចាត់វិធានការដើម្បីដោះស្រាយវិបត្តិនយោបាយ ដែលជាមូលហេតុនៃបញ្ហាជនភៀសខ្លួននេះ និងបានស្នើឲ្យប្រទេសនានាជួយបង់ក្លាដែសផងដែរ។ រដ្ឋាភិបាលក្រុងដាក្កាពិតជាត្រូវជំនួយខ្លាំង ព្រោះត្រូវទ្រទ្រង់ជនភៀសខ្លួនរាប់សែននាក់ ដែលរត់គេចពីប្រតិបត្តិបោសសម្អាតរបស់យោធានៅឯរដ្ឋ Rakhine ភាគខាងជើងមីយ៉ាន់ម៉ា។
មកទល់ពេលពេលនេះ តួលេខពីអង្គការមនុស្សធម៌ និងរដ្ឋាភិបាលបង់ក្លាដែសបង្ហាញថា ចំនួនជនភៀសខ្លួនកើនលើស៦សែននាក់ទៅហើយ ចាប់តាំងពីអំពើហិង្សាផ្ទុះឡើងនៅដំណាច់ខែសីហាមក។ ចំណែកឯយោធាមីយ៉ាន់ម៉ាវិញ ក៏នៅតែបន្តយុទ្ធនាការកម្ចាត់ក្រុមភេរវករដដែល ទោះជាមានការអំពាវនាវឲ្យផ្អាកសិនក្ដី៕
ប្រមុខបុរីវ៉ាទីកង់ សម្ដេចប៉ាប ហ្វ្រង់ស៊ីស បានដឹកនាំពិធីបួងសួងអន្តរសាសនាសុំសន្តិភាពនៅថ្ងៃទី១ ខែធ្នូ ជាថ្ងៃទីពីរនៃទស្សនកិច្ចរបស់ព្រះអង្គនៅបង់ក្លាដែស។ សម្ដេចប៉ាប បានជួបជាមួយជនភៀសខ្លួនភាគតិចមូស្លីម១៦នាក់ មកពីជំរំនៅតាមបណ្ដោយព្រំដែនជាមួយមីយ៉ាន់ម៉ា។ ពេលនោះហើយ ដែលជាព្រះអង្គបានប្រើប្រាស់ពាក្យរ៉ូហ៊ីងយ៉ាជាលើកដំបូង ក្រោយសម្រេចចិត្តមិនប្រើពាក្យនេះពេលទស្សនកិច្ចនៅមីយ៉ាន់ម៉ា។
ក្នុងការជួបជុំនៅវិហារគ្រិស្តសាសនាមួយកន្លែងនៅបង់ក្លាដែស សម្ដេចប៉ាបបានអំពាវនាវឲ្យពិភពលោកទាំងមូលរួមគ្នាដើម្បីជួយសង្គ្រោះជនរងគ្រោះទាំងឡាយ មិនជនជាតិភាគតិច ជនភៀសខ្លួន ឬជនជាតិដែលទទួលរងទុក្ខបុកម្នេញឡើយ។ ប្រមុខបុរីវ៉ាទីកង់ បានបង្ហាញទឹកមុខអាណិតអាសូរ ខណៈកំពុងស្ដាប់ការរៀបរាប់របស់តំណាងសហគមន៍ហិណ្ឌូ ព្រះពុទ្ធ ឥស្លាម គ្រិស្ត និងក្រុមមនុស្សធម៌ ហើយព្រះអង្គក៏សុំការអភ័យទោសពីពួកគេ ក្នុងនាមអ្នកដែលធ្វើបាបពួកគេផង។
កាលពីទស្សនកិច្ចនៅមីយ៉ាន់ម៉ា សម្ដេចប៉ាប បានជួបជាមួយមេដឹកនាំសំខាន់ៗដូចជាទីប្រឹក្សារដ្ឋ អ៊ុងសាន ស៊ូជី និងអគ្គបញ្ជាការកងទ័ព មីន អ៊ុងឡាំង ។ ប៉ុន្តែព្រះអង្គមិនបានប្រើប្រាស់ពាក្យ «រ៉ូហ៊ីងយ៉ា» មួយម៉ាត់តែម្ដង ដោយគោរពតាមការស្នើរបស់សហគមន៍គ្រិស្តសាសនានៅមីយ៉ាន់ម៉ា ដែលមិនចង់បង្កបញ្ហាបែកបាក់ក្នុងប្រទេសជាតិ ហើយម្យ៉ាងពាក្យនេះមិនត្រូវបានទទួលស្គាល់ដោយរដ្ឋាភិបាលផង។
បើតាមទីភ្នាក់ងារព័ត៌មាន Reuters ជាមួយនឹងការប្រើពាក្យរ៉ូហ៊ីងយ៉ាលើកដំបូង សម្ដេចប៉ាបក៏បានស្នើឲ្យមានការចាត់វិធានការដើម្បីដោះស្រាយវិបត្តិនយោបាយ ដែលជាមូលហេតុនៃបញ្ហាជនភៀសខ្លួននេះ និងបានស្នើឲ្យប្រទេសនានាជួយបង់ក្លាដែសផងដែរ។ រដ្ឋាភិបាលក្រុងដាក្កាពិតជាត្រូវជំនួយខ្លាំង ព្រោះត្រូវទ្រទ្រង់ជនភៀសខ្លួនរាប់សែននាក់ ដែលរត់គេចពីប្រតិបត្តិបោសសម្អាតរបស់យោធានៅឯរដ្ឋ Rakhine ភាគខាងជើងមីយ៉ាន់ម៉ា។
មកទល់ពេលពេលនេះ តួលេខពីអង្គការមនុស្សធម៌ និងរដ្ឋាភិបាលបង់ក្លាដែសបង្ហាញថា ចំនួនជនភៀសខ្លួនកើនលើស៦សែននាក់ទៅហើយ ចាប់តាំងពីអំពើហិង្សាផ្ទុះឡើងនៅដំណាច់ខែសីហាមក។ ចំណែកឯយោធាមីយ៉ាន់ម៉ាវិញ ក៏នៅតែបន្តយុទ្ធនាការកម្ចាត់ក្រុមភេរវករដដែល ទោះជាមានការអំពាវនាវឲ្យផ្អាកសិនក្ដី៕
Tag:
មីយ៉ាន់ម៉ា
បង់ក្លាដែស
សម្ដេចប៉ាប ហ្វ្រង់ស៊ីស
រ៉ូហ៊ីងយ៉ា
© រក្សាសិទ្ធិដោយ thmeythmey.com
